ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) :- ବଡଗଡର ନାମ ଅନୁସାରେ ଏଥର ବଡଗଡରେ ଓଡିଶାର ସର୍ବବୃହତ ଗଣେଶ ମୂର୍ତ୍ତି ୬୧ ଫୁଟ ଉଚ୍ଚର ମହାରାଷ୍ଟ୍ର ଲାଲବାଗ୍ ଆକୃତିର ପୂଜା ପାଇବେ । ଏହା ସହିତ ଗଣେଶଙ୍କ ୨ଗୋଟି ରୂପା ପାଦ ଏବଂ ୫ ଫୁଟ ଉଚ୍ଚର ରୂପା ମୂଷିକ ବାହନ ପୂଜା ପାଇବେ । ଶ୍ରୀ ଗଣେଶଙ୍କ ପାଖରେ ୬୧ କେଜିର ଲଡୁ ଭୋଗ ପୂଜା ଲାଗିବ । ଆୟୋଜକ ବ୍ରାଇଟ୍ ଷ୍ଟାର ୟୁଥ୍ ଆସୋସିଏସନ ଓ ବଡଗଡ ଗଣେଶ ମହୋତ୍ସବ ପୂଜା କମିଟି ପକ୍ଷରୁ ରବିବାର ଆୟୋଜିତ ସାମ୍ବାଦିକ ସ୧ିଳନୀରେ ସୂଚନା ଦିଆଯାଇଛି ।
କଟକର ତ୍ରିଶୂଳିଆରୁ ମାଟି ଆଣି କାରିଗର ମୂର୍ତ୍ତି ଗଢୁଛନ୍ତି । ଚଳିତ ବର୍ଷ ଗଣେଶ ପୂଜାରେ ୨୫ରୁ ୩୦ ଲକ୍ଷ ଟଙ୍କାର ବଜେଟ୍ ରଖାଯାଇଛି । ୭ ଦିନ ଧରି ପୂଜାକୁ ଜାକଜମକରେ ପାଳନ କରାଯିବ । ପୂଜା ମଣ୍ଡପରେ ଜର୍ମାନର ହ୍ୟାଙ୍ଗର ସେଡ, ମିନି ପାଗୋଡାରେ ନିର୍ମାଣ କରାଯିବ । ବଡଗଡର ଗଣେଶ ପୂଜା ମଣ୍ଡପ, ଗ୍ରାମ ଛକରୁ କଳ୍ପନା ଛକ ଯାଏ ଆଲୋକ ମାଳାରେ ଝଲସି ଉଠିବ । ପୂଜା ମଣ୍ଡପରେ ଦିବ୍ୟାଙ୍ଗ ଓ ବୟସ୍କ ବ୍ୟକ୍ତିଙ୍କ ଦର୍ଶନ ପାଇଁ ହୁଇଲ ଚେୟାର ଓ ବ୍ୟାଟେରୀଚାଳିତ ଗାଡିର ସୁବିଧା କରାଯାଇଛି ।
ସୋମବାର ୧୦,୦୦୦ ଶ୍ରଦ୍ଧାଳୁଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଛି । କମିଟିର ସମ୍ପାଦକ ସଂଗ୍ରାମ ମାର୍ଥାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ସଙ୍ଗୀତ କାର୍ଯ୍ୟକ୍ରମ ଆୟୋଜନ କରାଯିବ ବୋଲି ନିଷ୍ପତ୍ତି ନିଆଯାଇଛି । ଏହି କାର୍ଯ୍ୟକ୍ରମରେ ସୁନାମଧନ୍ୟ କଣ୍ଠ ଶିଳ୍ପୀ ହ୍ୟୁମାନ ସାଗର, କୁଲଦୀପ ପ…ନାୟକ, ଅନ୍ତରା ଚକ୍ରବର୍ତ୍ତି, ରୁକୁ ସେନା, ସୁଜ୍ଞାନି ମହାପାତ୍ର, ବର୍ଣ୍ଣାଳି ହୋତା, ଦେବେଶ ପତି ପ୍ରମୁଖ ସଙ୍ଗୀତ ମହାକୁମ୍ଭରେ ଯୋଗ ଦେବେ ବୋଲି ସୂଚନା ଦିଆଯାଇଛି । ସୁରକ୍ଷା ବ୍ୟବସ୍ଥା ପାଇଁ କମିଶନରେଟ୍ ପୁଲିସ ସହଯୋଗ କରିବ ବୋଲି ଜଣାପଡ଼ିଛି । ଏହି ସ୧ିଳନୀରେ ସମ୍ପାଦକଙ୍କ ସମେତ ସମସ୍ତ ସଦସ୍ୟ ଉପସ୍ଥିତ ଥିଲେ ।
