ରଣପୁର (ଓଡ଼ିଶା ତାଜା ନ୍ୟୁଜ୍) ଲେମ୍ବୁଡ଼ି :- ଗତ କାଲି ଶ୍ରୀକୃଷ୍ଣ ଜନ୍ମାଷ୍ଟମୀ ପାଳନ ହୋଇଥିବା ବେଳେ ଆଜି ନନ୍ଦୋତ୍ସବ ପଟୁଆର ବାହାରିଥିବା ଦେଖିବାକୁ ମିଳିଛି । ତେବେ ଦୀର୍ଘ ବର୍ଷ ଧରି ଏହି ନନ୍ଦଉତ୍ସବକୁ ରଣପୁର ବ୍ଲକ୍ ଅନ୍ତର୍ଗତ ଲେମ୍ବୁଡ଼ି ଗ୍ରାମର ଭକ୍ତ ମାନେ ବଡ ଆଡମ୍ୱରରେ ପାଳନ କରି ଆସୁଛନ୍ତି । ଚଳିତ ବର୍ଷ ଜନ୍ମାଷ୍ଟମୀ ଅଗଷ୍ଟ ୧୫ ତାରିଖରେ ପଡ଼ିଥିବା ବେଳେ ଆଜିର ନନ୍ଦୋତ୍ସବ ପରମ୍ପରାକୁ ବଜାୟ ରଖିବା ପାଇଁ ଶହ ଶହ ଲୋକଙ୍କ ଗହଳରେ
ରଣପୁର ଶ୍ରୀ ଜଗନ୍ନାଥ ମନ୍ଦିର ସମ୍ମୁଖରେ ନନ୍ଦୋଉତ୍ସବ ଉପଲକ୍ଷେ ନୃତ୍ୟ ପରିବେଷଣ କରିଥିବା ଦେଖିବାକୁ ମିଳିଥିଲା । ଏବଂ ଭକ୍ତ ମାନେ ଲେମ୍ବୁଡି ମଠ ଠାରୁ ଶ୍ରୀକୃଷ୍ଣ , ବଳରାମ , ନନ୍ଦ ବାବା ଓ ଯଶୋଦାଙ୍କ ବେଶ ହୋଇ ଏକ ବିରାଟ ପଟୁଆର ଯାତ୍ରା କରିଛନ୍ତି । ଆଶ୍ରମର ଶତାଧିକ ସେବକ ଉକ୍ତ ନନ୍ଦୋତ୍ସବରେ ଯୋଗ ଦେଇ ପଦଯାତ୍ରା କରୁଥିବା ଦେଖିବାକୁ ମିଳିଛି ।
ଶ୍ରୀ କୃଷ୍ଣ ଜନ୍ମାଷ୍ଟମୀ ଓ ନନ୍ଦୋତ୍ସବ ଭଳି ପରମ୍ପରାକୁ ଉଦ୍ଜୀବିତ ରଖିବା ପାଇଁ ଲେମ୍ବୁଡ଼ି ଗ୍ରାମରୁ ପଟୁଆର ବାହାରି ବିଲଗାଡ଼ିଆ , କଙ୍କିଆ , ବରମୂଳ , ସାନଗଡ , ରଣପୁର ଏନ୍ଏସିର ୧୨ ସାହି ବୁଲିବା ସହ ଦୁଇ ଦୁଇଟି ଗଉଡ ଦହି ହାଣ୍ଡି ଭାର ଧରି ଦହି ପ୍ରସାଦ ଲୋକଙ୍କ ମଧ୍ୟରେ ବଣ୍ଟନ କରୁଥିବା ବେଳେ ଉକ୍ତ ପଟୁଆରରେ ଅନେକ ଭକ୍ତ ସମ୍ମିଳିତ ହୋଇଥିବା ଦେଖିବାକୁ ମିଳିଥିଲା ।
