କେନ୍ଦ୍ରାପଡ଼ା (ଓଡ଼ିଶା ତାଜା ନ୍ୟୁଜ୍) :- ରାଜନଗର ବନଖଣ୍ଡ ସମେତ ସମଗ୍ର ରାଜ୍ୟରେ କୁମ୍ଭୀର ଉପଦ୍ରବରୁ ଧନଜୀବନ ସୁରକ୍ଷାପାଇଁ ବନବିଭାଗ ପକ୍ଷରୁ ପ୍ରସ୍ତୁତ ହୋଇଛି ମାଷ୍ଟର ପ୍ଲାନ। ଯେଉଁଠାରେ କୁମ୍ଭୀର ଆତଯାତ ହେଉଛନ୍ତି, ତାହାକୁ ବ୍ଲାକସ୍ପଟ ରୂପେ ଚିହ୍ନଟ କରାଯିବ ବୋଲି ଜଙ୍ଗଲ ମନ୍ତ୍ରୀ ଶ୍ରୀ ଗଣେଶ ଶ୍ୟାମସିଂହ ଖୁଣ୍ଟିଆ ଗଣମାଧ୍ୟମରେ ପ୍ରକାଶ କରିଛନ୍ତି ।
ସେ ଆହୁରି ମଧ୍ଯ ପ୍ରକାଶ କରିଛନ୍ତି ବ୍ଲାକସ୍ପଟ ଚିହ୍ନଟ ଲଗାଯାଇ ହୋଇଥିବା ସ୍ଥାନରେ ସ୍ଥାୟୀ ଫଳକ ଲଗାଯାଇ ନଦୀରେ ବ୍ୟାରିକେଡ଼ ନିର୍ମାଣ କରାଯିବାକୁ ନିଷ୍ପତି ହୋଇଛି। ରାଜନଗର ବନଖଣ୍ଡରେ ୨୦୦୦–୨୦୦୧ ମସିହା ମସିହା ଠାରୁ ୨୦୨୫–୨୦୨୬ ମସିହାରେ ଜୁନ ମାସ ପର୍ଯ୍ୟନ୍ତ ମୋଟ ୫୮ ଜଣଙ୍କର କୁମ୍ଭୀର ଆକ୍ରମଣରେ ପ୍ରାଣ ହରାଇଥିବା ବନବିଭାଗ ସୂତ୍ରରୁ ସୂଚନା ମିଳିଛି । ଏହା ମଧ୍ଯରୁ କେବଳ ରାଜନଗର ବ୍ଲକରେ ୨୯ ଜଣ କୁମ୍ଭୀର ଆକ୍ରମଣର ଶିକାର ହୋଇଛନ୍ତି ।
