ଆମର ଲକ୍ଷ୍ୟ ହେଉଛି ଶସ୍ୟ, ଶୀତଳ ଭଣ୍ଡାର ଏବଂ ନ୍ୟାୟସଙ୍ଗତ ମୂଲ୍ୟ ପ୍ରଦାନ କରି ସେମାନଙ୍କୁ ସମର୍ଥନ କରିବା। ସେହି ସମୟରେ, ଆମେ ଚାହୁଁଛୁ ଯେ ଯୁବପିଢ଼ି ପ୍ରଯୁକ୍ତିବିଦ୍ୟା, ପ୍ୟାକେଜିଂ ଏବଂ ଡିଜିଟାଲ୍ ପ୍ରବେଶ ମାଧ୍ୟମରେ ଖାଦ୍ୟ ବ୍ୟବସ୍ଥାରେ ନୂତନତ୍ୱ ଆଣନ୍ତୁ। ସମସ୍ତ ପୁରସ୍କାର ବିଜେତା, ସନମାର୍ଗ ଏବଂ ଉତ୍ସାହୀ ଦର୍ଶକଙ୍କୁ – ଏହି ସନ୍ଧ୍ୟାକୁ ଏତେ ଅର୍ଥପୂର୍ଣ୍ଣ କରିବା ପାଇଁ ଧନ୍ୟବାଦ।
ଆମେ ସମସ୍ତେ କାମ କରିଚାଲିବା ଯାହା ଦ୍ୱାରା କୌଣସି ଥାଳି ଖାଲି ନ ରହେ ଏବଂ ପ୍ରତ୍ୟେକ ପ୍ରୟାସକୁ ସମ୍ମାନିତ କରାଯାଏ ବୋଲି କହିଥିଲେ । କାର୍ଯ୍ୟକ୍ରମରେ ମୁଖ୍ୟବକ୍ତା ଭାବେ ବିଧାନସଭା ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ ଯୋଗଦେଇ କହିଥିଲେ ଯେ, ସରକାର ବଦଳିବା ପରେ ସମ୍ବାଦ ପତ୍ରର ସ୍ୱର ବଦଳିଯାଇଛି. ତେବେ ସନମାର୍ଗରେ ସର୍ବଦା ଅନୁସନ୍ଧାନମୂଳକ ଓ ସତ୍ୟ ଖବର ଉପସ୍ଥାପନା କରାଯାଉ ।
କାରଣ ସାମ୍ବାଦିକମାନଙ୍କ କାମ ହେଲା – ସତ୍ୟ, ନିର୍ଭିକ, ନିରପେକ୍ଷ ଓ ଗଠନମୂଳକ ସମ୍ବାଦ ପରିବେଷଣ କରିବା । ଏହାଦ୍ୱାରା ସମାଜର ମଙ୍ଗଳ ହେବ ବୋଲି କହିଥିଲେ. ସମ୍ମାନିତ ଭାବେ ଏକାମ୍ର ଭୁବନେଶ୍ୱର ବିଧାୟକ ବାବୁ ସିଂ ଯୋଗଦେଇ ଏକାମ୍ର ନିର୍ବାଚନ ମଣ୍ଡଳୀ ଐତିହ୍ୟର ବାର୍ତ୍ତା ପ୍ରଦାନ କରେ, କଳିଙ୍ଗ ଯୁଦ୍ଧ ଦୟାନଦୀ କୂଳରେ ଅଶୋକଙ୍କୁ ଚଣ୍ଡାଶୋକରୁ ଧର୍ମାଶୋକରେ ପରିଣତ କରିଥିଲା l
ତେଣୁ ଏମାଟି ମହାନ ଏବଂ ଶ୍ରେଷ୍ଠ ସ୍ଥାନ ପ୍ରତିପାଦନ କରିଛି ବୋଲି କହିଥିଲେ. ସେହିପରି ବିଧାୟକ ଡ଼. ଅରୁଣ କୁମାର ସାହୁ ଯୋଗଦେଇ କହିଥିଲେ ସାନମାର୍ଗ ପାଇଁ ଅନେକ ଚ୍ୟାଲେଞ୍ଜ ରହିଛି l କାରଣ ଓଡିଶାର 10%ଲୋକ ଖବର କାଗଜ ପଢୁଛନ୍ତି l 40ରୁ 45ବର୍ଷର ଲୋକ ଖବର କାଗଜ ସହ ଜଡିତ ଥିଲେ l 2000ମସିହା ପରଠାରୁ ବୈଦ୍ୟୁତିକ ଗଣମାଧ୍ୟମ ଆସିବାପରେ ଲୋକେ ତାସହ ଜଡିତ ହେଲେ l ଏବେ ସାମାଜିକ ଗଣମାଧ୍ୟମର ବ୍ୟାପକ ହେବାଯୋଗୁ ଖବରକାଗଜର ଚାହିଦା କମିଛି l
ଏହାହେଉଛି ବଡ ଚ୍ୟାଲେଞ ବୋଲି ଡ.ସାହୁ କହିଥିଲେ l ବିଶେଷ ଅତିଥିଭାବେ ବିଧାୟକ ଜୟନାରାୟଣ ମିଶ୍ର ଯୋଗଦେଇ ହିନ୍ଦୀ ସମ୍ବାଦ ପତ୍ର ଓ ସାମ୍ବାଦିକଙ୍କ ଭୂମିକା ଉପରେ ଆଲୋକପାତ କରି କହିଥିଲେ l ସମାଜ ସୁଧାରିବାରେ ଖବରକାଗଜ ଜାଗ୍ରତ ପ୍ରହରୀ ହେବା ଉଚିତ ସନମାର୍ଗ ଏଦିଗରେ ପ୍ରୟାସ କରିବ ବୋଲି ଆଶା କରୁଛି ବୋଲି ମତଦେଇଥିଲେ l
ଏହି ଅବସରରେ ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା 11ଜଣ ବ୍ୟକ୍ତି ବିଶେଷଙ୍କୁ ଉଦୟ ସମ୍ମାନ -2025ରେ ସମ୍ମାନିତ କରାଯାଇଥିଲା l ସେହିପରି 3ଜଣଙ୍କୁ କରୱାଚଉଥ ସମ୍ମାନ ପ୍ରଦାନ କରାଯାଇଥିଲା.ସନମାର୍ଗର ସମ୍ପାଦକ ରାମକୃଷ୍ଣ ଖଣ୍ଡଲୱାଲ ଅତିଥି ପରିଚୟ ଦେଇଥିବା ବେଳେ ସନମାର୍ଗ ଏଚ ଆର ରୂଚି ଖଣ୍ଡରୱାଲ ଧନ୍ୟବାଦ ଦେଇଥିଲେ l ସଭା ଓ ସମ୍ମାନ ପ୍ରଦାନ ସହ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l
