ବ୍ରହ୍ମଗିରି (ଓଡ଼ିଶା ତାଜା ନ୍ୟୁଜ୍) :- ମଙ୍ଗଳବାର ଦିନ ବ୍ରହ୍ମଗିରିରେ ଗ୍ରାମ୍ୟ ନ୍ୟାୟାଳୟର ନୂତନ ଗୃହ ଉଦଘାଟିତ ହୋଇଯାଇଛି l ଆଭାସି ମାଧ୍ୟମରେ ଓଡିଶା ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତି ହରିଶ ତଣ୍ଡନଙ୍କ ଦ୍ଵାରା ଉଦଘାଟନ କରାଯାଇଥଲା l ମୁଖ୍ୟ ବିଚାରପତି ଙ୍କ ସହିତ ବିଚାରପତି ଏସ କେ ସାହୁ ରହିଥିଲେ। ନୂତନ ଭାବେ ନିର୍ମାଣ କରାଯାଇଥିବା ଗ୍ରାମ ନ୍ୟାୟଳୟରେ ଜିଲ୍ଲା ଜଜ ଅଜନ୍ତା ଷଢଙ୍ଗୀ,ଅତିରିକ୍ତ ଜିଲ୍ଲା ଜଜ ସୈକତ ପାତ୍ର ଓ ବ୍ରହ୍ମଗିରି ନ୍ୟାୟାଧିକାରୀ ନିତ୍ୟାନନ୍ଦ ଚୌବେ ଉପସ୍ଥିତ ରହିଥିଲେ l
ବ୍ରହ୍ମଗିରି ରେ ପ୍ରଥମ କରି ଜୁନ ମାସ ୭ତାରିଖ ୨୦୨୧ ଠାରୁ ଏହି ଗ୍ର୍ୟାମ ନ୍ୟାୟାଳୟ ବ୍ରହ୍ମଗିରି ପଂଚାୟତ କାର୍ଯ୍ୟାଳୟରେ ପରିସରରେ ଭଡ଼ାରେ କାର୍ଯ୍ୟକାରି କରୁଥିଲା । ଏହି ଗ୍ରାମ ନ୍ୟାୟାଳୟର ନୂତନ ଗୃହ ର ଭିତ୍ତିପ୍ରସ୍ତର ସ୍ଥାପନ ଫେବୃଆରୀ ୪ ତାରିଖ ୨୦୨୩ ରେ କରାଯାଇଥିଲା । ପାଖାପାଖି ଅଢେଇ ବର୍ଷ ପରେ ନ୍ୟାୟାଳୟ ର ଗୃହ କାର୍ଯ୍ୟ ପୂର୍ଣ୍ଣାଙ୍ଗ ହୋଇଥିଲା ।
ଆଜି ସେହି ଶୁଭ ଦିନକୁ ସମସ୍ତ ଅଞ୍ଚଳବାସୀ ତଥା ବ୍ରହ୍ମଗିରି ର ଓକିଲ ସଂଘ ର ସମସ୍ତ ସଦସ୍ୟ ଅପେକ୍ଷା କରିଥିଲେ। ଏହି ନ୍ୟାୟାଳୟ ହେବା ଦ୍ୱାରା ବ୍ରହ୍ମଗିରି ଅଞ୍ଚଳବାସୀ ଘର ପାଖରେ ନ୍ୟାୟ ପାଇ ପାରିବେ ବୋଲି କିଛି ଆଇନିଜୀବୀ କହିଛନ୍ତି । ଏହି କାର୍ଯ୍ୟକ୍ରମ ରେ ସ୍ଥାନୀୟ ତହସିଲିଦାର ଶଶୀଭୂଷଣ ମିଶ୍ର, ଅଡିସିନାଲ ତହସିଲଦାର ଶରତ କୁମାର ଦେହୁରୀ ,ଏସ ଡିପିଓ ରବିନାରାୟଣ ଭଞ୍ଜ, ବ୍ରହ୍ମଗିରି ଆଇ ଆଇ ସି ପ୍ରାଞ୍ଜl ମହାନ୍ତି ଓ ବାର ଆସୁଏସନ ସମସ୍ତ କାର୍ଯ୍ୟରତ ଆଇନୀଜୀବି ମାନେ ଉପସ୍ଥିତ ଥିଲେ ।
