ବଳଙ୍ଗା (ଓଡ଼ିଶା ତାଜା ନ୍ୟୁଜ୍) :- ବଳଙ୍ଗା ବାୟାବର ଗ୍ରାମର ନାବାଳିକା ପୋଡି ଘଟଣାକୁ ୨୪ ଘଣ୍ଟା ବିତିଥିଲେ ବି ପୋଲିସ ହାତ ଖାଲି । ତଦନ୍ତ କେବଳ ଘଟଣାସ୍ଥଳରୁ କିଛି ଦସ୍ତାବିଜ ସଂଗହରେ ସିମିତ ରହିଥିବାରୁ, ପୋଲିସର ନିଷ୍କ୍ରିୟତାକୁ ନେଇ ବିଜେଡି ରବିବାର ବଳଙ୍ଗା ଥାନା ଘେରିଛି । ବିଜେଡି ମୁଖ୍ୟମନ୍ତ୍ରୀ ଓ ଉପ ମୁଖ୍ୟମନ୍ତ୍ରୀ ଓ ଉଚ୍ଚ ଶିକ୍ଷା ମନ୍ତ୍ରୀ ଙ୍କ ଇସ୍ତଫା ଦାବି ଓ କୁଶପୁତ୍ତଳିକା ଦାହ କଲା । ବି ଜେ ଡି ପୁରୀ ଜିଲ୍ଲା ସଭାପତି ଉମାକାନ୍ତ ସାମନ୍ତରାୟ ଙ୍କ ନେତୃତ୍ବରେ ଏକ ହଜାରରୁ ଉର୍ଦ୍ଧ୍ବ ବିଜେଡି କର୍ମୀମାନେ ବଳଙ୍ଗା ବଜାର ନାରାବାଜୀ କରିଥିଲେ ।
ରାଜ୍ଯରେ ଅପାରଗ ବିଜେପି ସରକାର ଯୋଗୁଁ ଗତ ଏକ ବର୍ଷ ମଧ୍ଯରେ ୩ ହଜାରରୁ ଉର୍ଦ୍ଧୁ ମହିଳା ନିର୍ଯ୍ୟାତନା ଓ ଦୁଷ୍କର୍ମର ଶୀକାର ହୋଇଛନ୍ତି ବୋଲି ବିଜେଡି ନେତ୍ରୀ ଲେଖାଶ୍ରୀ ସାମନ୍ତସିଂହାର ଗଣମାଧ୍ୟମକୁ କହିଛନ୍ତି । ମୁଖ୍ୟମନ୍ତ୍ରୀ ମୋହନ ମାଝି, ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ଓ ଉଚ୍ଚ ଶିକ୍ଷାମନ୍ତ୍ରୀ ସୂର୍ଯ୍ୟବଂଶୀ ସୂରଜଙ୍କ ଇସ୍ତଫା ଦାବୀରେ କମ୍ପିଥିଲା ବଳଙ୍ଗା ବଜାରରୁ ଥାନା ରାସ୍ତା ।
ଏହି ନିର୍ବାଚନ ମଣ୍ଡଳୀ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ଙ୍କ ନିର୍ବାଚନ ମଣ୍ଡଳୀ ହୋଇଥିବାରୁ ସେ ତୁରନ୍ତ ଇସ୍ତଫା ଦେଇଦେବା ଉଚିତ୍ ବୋଲି ବିଜେଡି ନେତା ପ୍ରଦୀପ ମାଝି ଦାବୀ କରିଛନ୍ତି । ଥାନା ଆଗରେ ଉପମୁଖ୍ୟମନ୍ତ୍ରୀ, ଉଚ୍ଚଶିକ୍ଷା ମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ କୁଶପୁତ୍ତଳିକା ଜାଳିଥିଲା ବିଜେଡି । ୪୮ ଘଣ୍ଟା ମଧ୍ଯରେ ଯଦି ଅଭିଯୁକ୍ତ ମାନଙ୍କୁ ନ ଧରାଯାଏ ତେବେ ରାଜରାସ୍ତାକୁ ଓହ୍ଲାଇବ ବିଜେଡି ବୋଲି ଜିଲା ସଭାପତି ଉମାକାନ୍ତ ସାମନ୍ତରା କହିଛନ୍ତି ।
