ଟାଙ୍ଗୀ (ଓଡ଼ିଶା ତାଜା ନ୍ୟୁଜ୍) :- ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଚଢ଼ାଉ କରି ଅବକାରୀ ପୋଲିସ ୬୨୦ ଲିଟର ଦେଶୀମଦ ସହ ୮୧ ଲିଟର ଜିଞ୍ଜର ଜବତ କରିଛି । ଏହି ଘଟଣା ରେ ଜଣେ ଅଭିଯୁକ୍ତକୁ ଗିରଫ କରାଯାଇଛି ।
ଅଭିଯୁକ୍ତ ଜଣକ ବାଣପୁର ଥାନା ଅନ୍ତର୍ଗତ କାନ୍ଦୁଲି ସାହିର ଶ୍ରୀଧର ଶବର । ଅଭିଯୁକ୍ତ ଶବର ନିଜ ଘରେ ଦେଶୀମଦ ଓ ଜିଞ୍ଜର ରଖି ବେପାର କରୁଥିବା କୌଣସି ସୂତ୍ରରୁ ଅବକାରୀ ବିଭାଗର କର୍ମଚାରୀ ଖବର ପାଇ ଅତର୍କିତ ଭାବେ ଚଢ଼ାଉ କରିଥିଲେ ।
ଚଢ଼ାଉ ବେଳେ ୪୫୦ ମିଲିଲିଟର ବିଶିଷ୍ଟ ୧୮୦ ବୋତଲ ଜିଞ୍ଜର ମୋଟ ୮୧ ଲିଟର ଏବଂ ୬୨୦ ଲିଟର ଦେଶୀମଦ ଜବତ କରାଯାଇଥିଲା । ଗିରଫ ଅଭିଯୁକ୍ତଙ୍କ ବିରୁଦ୍ଧରେ କେଶ ନଂ ୮୬/୨୫-୨୬ ରେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି ।
