ବାଙ୍କୀ (ଓଡ଼ିଶା ତାଜା ନ୍ୟୁଜ୍) :- ଡମପଡା -ଚନ୍ଦକା ବନ ବିଭାଗ ପକ୍ଷରୁ ଡମପଡା ବ୍ଲକ କୁସୁନ୍ଦା ହାଇସ୍କୁଲ ଠାରେ ୭୬ ତମ ବନ ମହୋତ୍ସବ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ କୁ ଡମପଡା ରେଞ୍ଜ ଅଫିସର ନିରଞ୍ଜନ ମହାପାତ୍ର ଉଦଘାଟନ କରି ବର୍ତ୍ତମାନ ସମୟରେ ବୃକ୍ଷ ରୋପଣ କରିବା ସମସ୍ତ ଜନସାଧାରଣ ଙ୍କ ପାଇଁ ଏକ ଆହ୍ୱାନ ବୋଲି କହିଥିଲେ।ବର୍ତ୍ତମାନ ରାଜ୍ୟ ସରକାର ବୃକ୍ଷ ରୋପଣ ପାଇଁ ବିଶେଷ ଧ୍ୟାନ ଦେଉ ଛନ୍ତି। ରାଜ୍ୟ ସରକାର ଙ୍କ ଜଙ୍ଗଲ ପରିବେଶ ଜଳବାୟୁ ବିଭାଗ ଓ ବିଭିନ୍ନ ସାମାଜିକ ଅନୁଷ୍ଠାନ ଆନୁକୂଲ୍ୟରେ ରାଜ୍ୟ ର ବିଭିନ୍ନ ସ୍ଥାନ ରେ ମା ପାଇଁ ଗଛ ଟିଏ କାର୍ଯ୍ୟକ୍ରମ ରେ ଲକ୍ଷ ଲକ୍ଷ ବୃକ୍ଷ ରୋପଣ କରାଯାଇଛି।
ଆମ ଅଞ୍ଚଳ ରେ ମଧ୍ୟ ଡମପଡା -ଚନ୍ଦକା ବନ ବିଭାଗ ଦ୍ୱାରା ବହୁ ବୃକ୍ଷ ରୋପଣ ହୋଇଛି। ଜୁଲାଇ ୧ ରୁ ଆରମ୍ଭ ହେଇଥିବା ୭୬ତମ ବନ ମହୋତ୍ସବ ରେ ଆମେ ଆଜି ପର୍ଯ୍ୟନ୍ତ ବହୁ ବ୍ୟକ୍ତି ଙ୍କୁ ବୃକ୍ଷ ରୋପଣ ପାଇଁ ସଚେତନ କରୁଛୁ। ଆଜି କୁସୁନ୍ଦା ହାଇସ୍କୁଲ ରେ ଆମ ବିଭାଗ ଆନୁକୂଲ୍ୟରେ ବିଭିନ୍ନ ପ୍ରଜାପତି ର ବୃକ୍ଷ ରୋପଣ କରାଯାଇଛି। ବୃକ୍ଷ ରୋପଣ କାର୍ଯ୍ୟକ୍ରମ ରେ ପ୍ରକୃତି ଜଙ୍ଗଲ ପ୍ରେମୀ ପୂର୍ବତନ ଅବୈତନିକ ବନସଂରକ୍ଷକ ତଥା କୁସୁନ୍ଦା ହାଇସ୍କୁଲ ର ପରିଚାଳନା କମିଟି ସଭାପତି ସୁରେଶ କୁମାର ତ୍ରିପାଠୀ ମୁଖ୍ୟ ବକ୍ତା ଭାବେ ଯୋଗ ଦେଇ ଏକ ବୃକ୍ଷ ରୋପଣ ଦ୍ୱାରା ପରିବେଶ ର କି ଲାଭ ହେଵ ଏହା ମାନବ ସଭ୍ୟତା ପାଇଁ କି ଉପଯୋଗୀ ସେ ସମ୍ପର୍କ ରେ କହିଥିଲେ।
ଶ୍ରୀ ତ୍ରିପାଠୀ କାର୍ଯ୍ୟକ୍ରମ ରେ ବୃକ୍ଷ କୁ ବୈଦିକ ନୀତି ରେ ପୂଜା ଅର୍ଚନା କରି ବିଦ୍ୟାଳୟ ହତା ରେ ଅତିଥି ଙ୍କ ସହ ରୋପଣ କରିଥିଲେ। କାର୍ଯ୍ୟକ୍ରମ ରେ ଡମପଡା ଫରେଷ୍ଟର ରାଜ କୁମାର ସେଠି, ବିଦ୍ୟାଳୟ ର ପ୍ରଧାନ ଶିକ୍ଷକ ପ୍ରହଲ୍ଲାଦ ସାହୁ,ବିଦ୍ୟାଳୟ ର ଏସ ଏମ ଡିସି ମନୋରଞ୍ଜନ ମଲ୍ଲିକ, ଶିକ୍ଷକ ସନ୍ତୋଷ କୁମାର ରାଉତ, ଗୁରୁ ପ୍ରସାଦ ରଣା, ଅର୍ଜୁନ ସାହୁ, ସୁବାସ ଚନ୍ଦ୍ର ସାହୁ ସହଯୋଗ କରିଥିଲେ। ବିଦ୍ୟାଳୟ ର ଶିକ୍ଷକ ତଥା ପ୍ରକୃତି ପ୍ରେମୀ ରଜତ କୁମାର ତ୍ରିପାଠୀ କାର୍ଯ୍ୟକ୍ରମ କୁ ପରିଚାଳନା କରିବା ସହ ବୃକ୍ଷ ରୋପଣ କରିଥିଲେ।
