ଦଶପଲ୍ଲା (ଓଡ଼ିଶା ତାଜା ନ୍ୟୁଜ୍) :- ଗତ ଜୁଲାଇ ୧ ତାରିଖ ଦିନ ବିଭିନ୍ନ ଖବରକାଗଜରେ ଖବର ପ୍ରସାରିତ ହେବାପରେ କିଡନୀ ରୋଗରେ ଆକ୍ରାନ୍ତ ସବିତା କୁଂ ସହାୟତା ର ହାତ ବଢାଇଛନ୍ତି କଟକ ଜିଲ୍ଲା ନରସିଂହପୁର ମୁକ୍ତି ସଂଗଠନ ର ସଭାପତି ସୁଶାନ୍ତ ମହାନ୍ତି । ପ୍ରକାଶ ଥାଉକି , କିଡନୀ ରୋଗରେ ଆକ୍ରାନ୍ତ ହୋଇ ଦଶପଲ୍ଲା ବ୍ଲକ କୁଲୁରୁକୁମ୍ପା ଗ୍ରାମ ପଞ୍ଚାୟତ ଅନ୍ତର୍ଗତ ବିଡାପାଜୁ ଗାଁର ପ୍ରହଲ୍ଲାଦ ନାୟକ ଙ୍କ ସ୍ତ୍ରୀ ସବିତା ନାୟକ ସଜ୍ୟାସାୟୀ ହୋଇ ପଡିଥିଲେ । ସେ ଅନେକ ଡାକ୍ତରଖାନା ବୁଲିବା ପରେ,ଅର୍ଥାଭାବରୁ , କିଂ କର୍ତ୍ତବ୍ୟ ବିମୁଢ ହୋଇ ଘରେ ନିରାଶ ହୋଇ ପଡ଼ି ରହିଥିଲେ ।
ଦୈନିକ ହୀରାଂଚଳ ଖବରକାଗଜରେ ଏ ଖବର ପ୍ରକାଶନ ପରେ , ନରସିଂହପୁର ର ଅଗ୍ରଣୀ ସଂଗଠନ ” ମୁକ୍ତି ” ର ସଭାପତି ସୁଶାନ୍ତ କୁମାର ମହାନ୍ତି ଓ ସହଯୋଗୀ ଖବର କୁ ଦେଖି , ସବିତା ଙ୍କୁ ସହାୟତା ର ହାତ ବଢ଼ାଇବା ପାଇଁ ଆଗକୁ ଆଗେଇ ଆସିଥିଲେ । ଆଜି ସେମାନେ ସବିତାଙ୍କ ପରିବାରକୁ ଚାଉଳ, ଚୁଡା, ବିସ୍କୁଟ,ଚିନି,ଡାଲି,ପରିବା, ସମେତ କିଛି ଆର୍ଥିକ ସହାୟତା ପ୍ରଦାନ କରିଥିଲେ । ମୁକ୍ତି ସଂଗଠନ ନରସିଂହପୁର ଅଂଚଳରେ ପୂର୍ବରୁ ଅନେକ ସେବା ମୂଳକ କାର୍ଯ୍ୟ କରି ଏକ ଚର୍ଚ୍ଚିତ ଅନୁଷ୍ଠାନ ରେ ପରିଗଣିତ ହୋଇ ପାରିଛି ।
ଖବର ପ୍ରକାଶନ ପରେ ସବିତାଙ୍କ ପାଖରେ ପହଞ୍ଚି ତାଙ୍କ ସମସ୍ତ ସମସ୍ୟା ବୁଝିବା ସହିତ ତାଙ୍କୁ ଆର୍ଥିକ ସହାୟତା ସହିତ କିପରି ସରକାରୀ ସହାୟତା ମିଳିପାରିବ ଓ କିପରି ଉନ୍ନତତର ଚିକିତ୍ସା ପାଇଁ ଡାକ୍ତରଖାନା ପଠାଇବା ପାଇଁ ପ୍ରତିଶ୍ରୁତି ଦେଇ ଆସିଥିଲେ । ସବିତାଙ୍କ ର ଅଧାରୁ ପାଠ ଛାଡିଥିବା ଝିଅ ସୋନାଲି ନାୟକଙ୍କୁ ବିଦ୍ୟାଳୟ ରେ ନାମ ଲେଖାଇବା ପାଇଁ ବି ଇ ଓ ଦଶପଲ୍ଲା କଂ କଂ ସହିତ ଯୋଗାଯୋଗ କରିଥିଲେ । ତେବେ ସାହାଯ୍ୟ ପାଇ ସବିତା ,ସଂଗଠନର ସଭାପତି ଓ ସଦସ୍ୟ କୁଂ ଧନ୍ୟବାଦ ପ୍ରଦାନ କରିଥିଲେ ।
