ଚକାଶିଳାକ୍ଷେତ୍ର ରେ ଲକ୍ଷାଧିକ ଭକ୍ତ : ଶ୍ରୀମନ୍ଦିର ନିକଟରେ ପହଚିଂଲା ତାଳଧ୍ୱଜ – ଛେରା ପହଁରା କାରିବାକୁ ଗଲେନି ରାଜା
ପଚୁଂଦୋଳ ପଡିଆରେ ଭଜନ ସମାରୋହ ଆଜି
ରଣପୁର (ଓଡ଼ିଶା ତାଜା ନ୍ୟୁଜ୍) :- ଓଡିଶାର ଚକାଶିଳା କ୍ଷେତ୍ର ଭାବେ ପରିଚିତ ରଣପୁର ବାହୁଡା ଯାତ୍ରାରେ ଆଜି ଅନୁକୂଳ ପାଗ ଯୋଗୁ ଲକ୍ଷାଧିକ ଜନସମାଗମ ହୋଇଥିବା ଦେଖିବାକୁ ମିଳିଛି । ଗୁଣ୍ଡିଚା ଭଳି ବାହୁଡାରେ ଭଲ ପାଗ ଦେଇଥିବାରୁ ଲୋକ ଙ୍କ ଭିଡ ଜମିଥିଲା । ଯାହାଫଳରେ ଆଜି ରଣପୁର ରଥ ଯାତ୍ରା ରେ ଲକ୍ଷାଧିକ ଭକ୍ତ ସମାଗମ ହୋଇଥିବା ଦେଖିବାକୁ ମିଳିଛି ।
ଘଂଟ,ଘଂଟା ଓ ମହୁରି ର ଶଦ୍ଦ ବେଶ ମନ୍ତମୁଗ୍ଧ ତଥା ଏକ ଭକ୍ତିମୟ ପରିବେଶ ସୃଷ୍ଟି ହୋଇଥିଲା । ତିନି ଠାକୁର ଅପରାହ୍ନ ୫ ଟାରେ ରଥା ରୂଢ ପରେ ରଥକୁ ଛେରା ପହଁରା କରାଯାଇଥିଲା । କିନ୍ତୁ ରାଜା ଓ ରାଜ-ପୁରୋହିତ ଙ୍କ ମଧ୍ୟରେ ଥିବା ବିବାଦର ସମାଧାନ ହୋଇ ନ ଥିବା ଯୋଗୁଁ ରାଜା ଛେରା ପହଁରା କରିବାକୁ ଆସି ନ ଥିଲେ । ଫଳରେ ବାହୁଡାରେ ରାଜ ପୁରୋହିତ ରଥରେ ଛେରା ପହଁରା କରିଥିଲେ ।
