ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) :- ଓଡ଼ିଶାର ସ୍ଥାପତ୍ୟ ଶିଳ୍ପୀ ଗୁରୁ ପଦ୍ମଶ୍ରୀ ପ୍ରଭାକର ମହାରଣା ସ୍ଥାପତ୍ୟରେ ୫୦ ବର୍ଷ ପୁରଣ ଉପଲକ୍ଷେ ଓ ନିକଟରେ ଜୀବନ ବ୍ୟାପି ସମର୍ପିତ କାର୍ଯ୍ୟ ପାଇଁ ତାଙ୍କୁ ଦିଲ୍ଲୀରେ ରାଷ୍ଟୀୟ ସମ୍ମାନ ଌକ୍ତଙ୍କକ୍ଟଗ୍ଧ;ଦେଶ ରତ୍ନ ସମ୍ମାନଌକ୍ତଙ୍କକ୍ଟଗ୍ଧ; ମିଳିଛି । ଏହି ଉପଲକ୍ଷେ ରାଜ୍ୟର ବିଭିନ୍ନ ଜିଲ୍ଲାରୁ ଶିଳ୍ପୀମାନେ ପଦ୍ମଶ୍ରୀ ପ୍ରଭାକରଙ୍କୁ ସମ୍ଭର୍ଦ୍ଧିତ କରିଥିଲେ । ଧଉଳି ଛକ କୋଣାର୍କ କଳା ଆର୍ଟ ଗ୍ୟାଲେରୀଠାରେ ଆୟୋଜିତ ଏହି ସମାରୋହରେ ପଦ୍ମଶ୍ରୀ ପ୍ରଭାକର ମହାରଣା କହିଥିଲେ ଯେ, ଓଡ଼ିଶା ସାରା ବିଶ୍ୱର କଳା ସଂସ୍କୃତିର ପ୍ରାଣକେନ୍ଦ୍ର । ଦେଶର ଭାବାବେଗ ସହ ଏହା ଜଡ଼ିତ ।
ଆମ କଳା ଭାଷ୍କର୍ଯ୍ୟ ସଂସ୍କୃତିକୁ ଅଧିକ ଉତ୍କର୍ଷ କରି ଜାତୀୟ ଏକତାକୁ ସୁଦୃଡ଼ କରି ରଖିଛି । ଓଡ଼ିଶାର ପ୍ରସ୍ତରଶିଲ୍ପୀ ଅତି ନିଖୁଣ ଭାବେ ମୂତି ଓ ମନ୍ଦିରକୁ ଗଢ଼ି ଜୀବନ୍ତ ରୂପ ଦେଇଥାନ୍ତି । ଏଥିରେ ରାଷ୍ଟ୍ରପତି ପୁରସ୍କାର ପ୍ରାପ୍ତ ସ୍ଥାପତ୍ୟ ସୋମନାଥ ମହାପାତ୍ର ଅଧ୍ୟକ୍ଷତା କରିଥିବା ବେଳେ ୭ଜଣ ରାଷ୍ଟ୍ରପତି ପୁରସ୍କାର ପ୍ରାପ୍ତ କଳାକାର ଯଥା ବିଜୟ ପରିଡା, ଭ୍ରମରବର ନାୟକ, କଳ୍ପତରୁ ମହାରଣା, ପଦ୍ମନାଭ ଓଝା, ବ୍ରହ୍ମାନନ୍ଦ ମହାରଣା, ହସ୍ତ ଓ କୁଟୀର ଶିଳ୍ପ ନିର୍ଦେଶଲାୟର ସହ ନିର୍ଦ୍ଦେଶକ ଦିଲ୍ଲୀପ କୁମାର ପଣ୍ଡା, କେନ୍ଦ୍ରୀୟ ବୟନ ଓ କୁଟୀର ଶିଳ୍ପ ସହ ନିର୍ଦ୍ଦେଶକ ଭୁବନ ଭାସ୍କର ଅତିଥି ଭାବେ ଯୋଗଦେଇଥିଲେ । ଶେଷରେ ଜାତୀୟ ପୁରସ୍କାର ପ୍ରାପ୍ତ କଳାମଣି ରତ୍ନାକର ମହାରଣା ଧନ୍ୟବାଦ ପ୍ରଦାନ କରିଥିଲେ ।
