ରଣପୁର (ଓଡ଼ିଶା ତାଜା ନ୍ୟୁଜ୍) :- ରଥଯାତ୍ରା ପାଇଁ ଚଳଚଂଚଳ ହୋଇ ଉଠିଛି ଚକାଶିଳାକ୍ଷେତ୍ର ରଣପୁର । ମହାପ୍ରଭୁ ରତ୍ନସିଂହାସନ ଛାଡି ଭକ୍ତଙ୍କ ଗହଳିକୁ ଆସିଛନ୍ତି । ଲକ୍ଷ ଲକ୍ଷ ଭକ୍ତ ଚାହିଁ ରହିଛନ୍ତି ରଥାରୁଢ ଠାକୁରଙ୍କୁ । ବଡଦାଣ୍ଡରେ ଗଡିବ ତିନିରଥ ରଥକର୍ଡନ ଭିତରେ ନୃତ୍ଯରେ ସମର୍ପିତ ନୃତ୍ଯଶିଳ୍ପୀ ମୟୁରନୃତ୍ଯରେ ସମର୍ପଣ ଭାବ ରଥ ସମ୍ମୁଖରେ ଅନେକ ନୃତ୍ଯଶିଳ୍ପୀ ପ୍ରଭୁଙ୍କ ନିକଟରେ ନୃତ୍ଯ ପରିବେଷଣ କରିଥିଲେ ।
ଭକ୍ତ ଓ ଭଗବାନଙ୍କ ଅପୂର୍ବ ଆନନ୍ଦର ଲହରୀ ଖେଳିଥିଲା ନୃତ୍ୟ ଗୀତ ମାଧ୍ୟମରେ । ନୃତ୍ଯ ବେଶ୍ ଆକର୍ଷଣୀୟ ହୋଇଥିଲା । ବର୍ଷାରେ ମୟୁର ଯେପରି ନୃତ୍ଯ କରିଥାଏ ଠିକ ସେହିପରି ଭିନ୍ନ ଭାବ ଭଙ୍ଗିରେ ନୃତ୍ଯ କରୁଥିଲେ ନୃତ୍ୟଶିଳ୍ପୀ ।
ମହାପ୍ରଭୁଙ୍କ ପ୍ରତି ସମର୍ପଣ ଉଦ୍ଦେଶ୍ଯରେ ନୃତ୍ଯ କରୁଥିଲେ । ଏହି ନୃତ୍ଯ ଦେଖି ଭାବବିହ୍ବଳ ହୋଇଉଠିଥିଲେ ଭକ୍ତ ଓ ଶ୍ରଦ୍ଧାଳୁ । ଓଡିଶୀନୃତ୍ଯରେ ମହାପ୍ରଭୁଙ୍କୁ ଆମନ୍ତ୍ରଣ – ଭାବର ଠାକୁର ଭାବ ବିନୋଦିଆ ।
ଓଡିଶୀନୃତ୍ଯ ଜରିଆରେ ଭାବ ଭକ୍ତି ଓ ସମର୍ପଣ ଭାବ ସୃଷ୍ଟି କରିବା ପାଇଁ ଓଡିଶୀନୃତ୍ଯ ଶିଳ୍ପୀମାନେ ନୃତ୍ଯ ପରିବେଷଣ କରୁଥିଲେ । ଅନୁକୂଳ ପାଗ ଯୋଗୁଁ ଭକ୍ତ ଙ୍କ ସୁଅ ଛୁଟିଥିଲା ରଣପୁର ବଡ଼ଦାଣ୍ଡ । ଏହି ସୁନ୍ଦର ନୃତ୍ୟ ପରିବେଷଣ ସହିତ ସଙ୍ଗୀତ କଳା ନିକେତନ ପକ୍ଷରୁ ଏକ ସଙ୍ଗୀତ କାର୍ଯକ୍ରମ ଅନୁଷ୍ଠିତ ହୋ ଦେଖିବାକୁ ମିଳିଥିଲା ।
