ରାଜସୁନାଖଳାରେ ପବିତ୍ର ଘୋଷଯାତ୍ରା ମହାସମାରୋହରେ ପାଳିତ

ରଣପୁର (ଓଡ଼ିଶା ତାଜା ନ୍ୟୁଜ୍) ରାଜସୁନାଖଳା :- ନୟାଗଡ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ରାଜସୁନାଖଳା ଶ୍ରୀଜଗନ୍ନାଥ ମନ୍ଦିର ପରିଚାଳନା କମିଟି ଆନୁକୂଲ୍ୟରେ ଶୁକ୍ରବାର ଦିନ ପବିତ୍ର ଶ୍ରୀଗୁଣ୍ଡିଚା ଓ ରଥଯାତ୍ରା ଉତ୍ସବ ମହାସମାରୋହରେ ପାଳିତ ହୋଇଯାଇଛି ।  ଏହି ଅବସରରେ ମହାପ୍ରଭୁଙ୍କ ପହଣ୍ଡି ବିଜେ ହୋଇଥିଲା l ରାଜା (ଶିଶିର କୁମାର ସାହୁ )ଙ୍କୁ ସେବକମାନେ ପଟୁଆର କରି ପାଛୋଟି ଆଣି ଥିଲେ ।ରାଜା ରଥରେ ଛେରା ପହଁରା କରିବା ସହ  ମହାପ୍ରଭୁ ଜଗତର ନାଥ ଜଗନ୍ନାଥଙ୍କୁ ଦର୍ଶନ  ଓ ପୂଜା ଅର୍ଚନା କରିଥିଲେ l ଘୋଷଯାତ୍ରା କି ଭଳି ଶାନ୍ତି ଶୃଙ୍ଖଳାର ସହ ସମାପନ ହେବ ସେଥି ପାଇଁ ରାଜା ଜଗନ୍ନାଥଙ୍କ ନିକଟରେ ପ୍ରାର୍ଥନା କରିଥିଲେ l ପରେ ଚାରମାଳା  ଓ ଘୋଡା ଲାଗିବା ପରେ ରଥଉପରେ  ବିଶ୍ୱକର୍ମା ଓ ଡାହୁକଙ୍କୁ ସମ୍ବର୍ଦ୍ଧିତ କରାଯାଇ ରଥ ଯାତ୍ରା ଆରମ୍ଭ ହେଇଥିଲା ।ଏହି  ରଥଯାତ୍ରା ଜଗନ୍ନାଥଙ୍କ ମନ୍ଦିର ପରିସରରୁ ବାହାରି ଗୋପୀନାଥ ପୁର ସାହି, ଏକାଡାଳିଆ ସାହି, ରାଧାବଲ୍ଳଭ ପୁର ସାହି ସୁନାଖଳା ସାହି , ଦୁର୍ଗା ବଜାର ଦେଇ ବଣିଆ ସାହିସ୍ଥିତ ମାଉସୀ ମା ଗୁଣ୍ଡିଚା ମନ୍ଦିର ପର୍ଯ୍ୟନ୍ତ ରଥଟଣା ହୋଇଥିଲା l ଏହି କାର୍ଯ୍ୟକ୍ରମରେ ସଂକ୍ରୀତନ ମଣ୍ଡଳୀ, ଗୌଡ଼ବାଡି, ସ୍ୱାସ୍ଥ୍ୟ ବିଭାଗ,ବିଦ୍ୟୁତ ବିଭାଗ କର୍ମଚାରୀ,ରଣପୁର ଥାନା ଓ ରାଜସୁନାଖଳା ପୋଲିସ ବାହିନୀ ଶାନ୍ତି ଶୃଙ୍ଖଳା ରାକ୍ଷା କରିବା ପାଇଁ ଉପସ୍ଥିତ ରହି ଥିଲେ ।  ଆଖପାଖ ଗ୍ରାମରୁ ୧୦ହଜାରରୁ ଉର୍ଦ୍ଧ ଭକ୍ତଙ୍କ ସମାଗମ   ଦେଖିବାକୁ ମିଳିଥିଲା l  ଭକ୍ତଙ୍କ ହରିବୋଲ ହୁଳହୁଳି ସହିତ ମହାପ୍ରଭୁ ଜଗନ୍ନାଥଙ୍କ ଦର୍ଶନ କରି ଭକ୍ତମାନେ ଭାବ ବିଭୋର ହୋଇ ଜୟ ଜଗନ୍ନାଥ ଧ୍ବନିରେ ଚତୁର ଦିଗ ପ୍ରକମ୍ପିତ ହେଉ ଥିଲା ।ଏହି ଘୋଷଯାତ୍ରାରେ ବାଚସ୍ପତି ସୁରମା ପାଢ଼ୀ ଯୋଗଦେଇ ଜଗତର ନାଥ ଜଗନ୍ନାଥଙ୍କ ଦିବ୍ୟ ଦର୍ଶନ ସହ କୃପାଭିକ୍ଷା ଲାଭ କରି  ଜଗନ୍ନାଥ ମନ୍ଦିରର ସମସ୍ୟା ଉପରେ  କାର୍ଯ୍ୟକାରୀ ସଭାପତିଙ୍କ ସହିତ ଆଲୋଚନା କରିଥିଲେ lଏହି କାର୍ଯ୍ୟକ୍ରମକୁ  ଜଗନ୍ନାଥ ମନ୍ଦିର ପରିଚାଳନା କମିଟିର କାର୍ଯ୍ୟକାରୀ ସଭାପତି ସତ୍ୟନାରାୟଣ ମହାପାତ୍ର, ସମ୍ପାଦକ ଜଗନ କୁମାର ନାୟକ, ରାଜ ସୁନାଖଳା ଓ ସମସ୍ତ ସଭ୍ୟମାନେ ଉପସ୍ଥିତ ରହି ସମସ୍ତ କାର୍ଯ୍ୟକୁ ସହଯୋଗ କରି ପରିଚାଳନା କରିଥିଲେ l