ନୟାଗଡ଼ ଜିଲ୍ଲା (ଓଡ଼ିଶା ତାଜା ନ୍ୟୁଜ୍) :- ନୟାଗଡ଼ ଜିଲ୍ଲା ପ୍ରଶାସନ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଏବଂ ଅବକାରୀ ବିଭାଗର ମିଳିତ ସହଯୋଗରେ ପାଳନ କରାଯାଇଥିଲା । ଏହି ଦିବସ ପାଳନ ଅବସରରେ ପ୍ରଥମେ ନୟାଗଡ ଉପ-ଜିଲ୍ଲାପାଳ ଶ୍ରୀ କଣ୍ଠଦେବ ସମାଦାରଙ୍କ ତତ୍ତ୍ୱାବଧାନରେ ଏକ ସଚେତନତା ଶୋଭାଯାତ୍ରା ଜିଲ୍ଲାପାଳଙ୍କ କାର୍ଯ୍ୟାଳୟ ଠାରୁ ବାହାରି ପଂଚାୟତ ସମିତି, ନୟାଗଡ ପର୍ଯ୍ୟନ୍ତ ଯାଇଥିଲା ।
ବିଭିନ୍ନ କଲେଜ ଓ ସ୍କୁଲ ର ଛାତ୍ରଛାତ୍ରୀ, ନିଶା ନିବାରଣ କେନ୍ଦ୍ର (ସେବା)ର ଅନ୍ତେବାସୀ, ବୟୋଜ୍ୟଷ୍ଠ ବ୍ୟକ୍ତି ଜିଲ୍ଲାପାଳଙ୍କ କାର୍ଯ୍ୟାଳୟରେ ବିଭିନ୍ନ ବିଭାଗୀୟ କର୍ମକର୍ତ୍ତା ଏହି ଶୋଭାଯାତ୍ରାରେ ଯୋଗଦେଇ ନିଶା ସେବନର ଅପକାରିତା ବିଷୟରେ ସ୍ଲୋଗାନ ଦେଇଥିଲେ । ଏହି ଦିବସ ପାଳନ ପରିପ୍ରେକ୍ଷୀରେ ନୟାଗଡ ବ୍ଲକର ଗୋଷ୍ଠୀ ଉନ୍ନୟନ ଅଧିକାରୀଙ୍କ ସଭାପତିତ୍ବରେ ଏକ ସୁନ୍ଦର ସଭାର ଆୟୋଜନ କରଯାଇଥିଲା ।
ଉକ୍ତ ସଭାରେ ଜିଲ୍ଲା ପରିଷଦର ସଭାପତି ଶ୍ରୀଯୁକ୍ତ ଇଂ ଦେବାଶିଷ ପଟ୍ଟନାୟକ ମୁଖ୍ୟ ଅତିଥି ଭାବରେ ଯୋଗଦାନ କରି ନିଶାସେବନ ର କୁପରିଣାମ ଏବଂ ଏଥୁରୁ ନିବୃତ୍ତ ରହିବା ପାଇଁ ସଚେତନତା ବାର୍ଭା ଦେଇଥିଲେ । ଉକ୍ତ ସଭାରେ ନୟାଗଡ ନଗର ଉନ୍ନୟନ ଅଧ୍ଯକ୍ଷା ଶ୍ରୀମତୀ ନିରୂପମା ଖଟେଇ, ଅତିରିକ୍ତ ଆରକ୍ଷୀ ଅଧିକ୍ଷକ ଶ୍ରୀଯୁକ୍ତ ସୁକାନ୍ତ ପାତ୍ର, ଜିଲ୍ଲା ଅବକାରୀ ଅକ୍ଷକ, ଶ୍ରୀଯୁକ୍ତ ଜ୍ଞାନରଞ୍ଜନ ପଣ୍ଡା, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ, ଶ୍ରୀମତୀ ଜ୍ୟୋସ୍ନାମୟୀ ଆଚାର୍ଯ୍ୟ,
ଡ୍ରଗ ଇନ୍ସପେକ୍ଟର (ମେଡିକାଲ), ପ୍ରିୟଙ୍କା ଚକ୍ରବର୍ତ୍ତୀ ଉପସ୍ଥିତ ରହିଥିଲେ । ଏଥିସହ ନିଶା ନିବାରଣ ରୁ ଦୂରେଇଥିବା ୫ ଜଣ ଅନ୍ତେବାସୀଙ୍କୁ ଜିଲ୍ଲା ପ୍ରଶାସନ ତରଫରୁ ସମ୍ବଦ୍ଧିତ କରଯାଇଥିଲା ଏବଂ ନିଶା ନିବାରଣ ଉପରେ ହୋଇଥିବା ଡିବେଟ ଓ ଦୁଇଙ୍ଗ ପ୍ରତିଯୋଗିତାରେ ୯ ଜଣ ଛାତ୍ରଛାତ୍ରୀଙ୍କୁ ପୁରସ୍କୃତ କରଯାଇଥିଲା । ପରିଶେଷରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ, ଶ୍ରୀଯୁକ୍ତ କାମଦେବ ନାୟକ ସଭାରେ ଉପସ୍ଥିତ ସମସ୍ତ ଅତିଥ୍ୟାମାନଙ୍କୁ ଧନ୍ୟବାଦ ଅର୍ପଣ କରିଥିଲେ ।
