କଳାହାଣ୍ଡି (ଓଡ଼ିଶା ତାଜା ନ୍ୟୁଜ୍) କିକିଆ :- ଡ଼ୁମେରମୁଣ୍ଡାର ଆମ୍ବ ବଗିଚାରେ ତ୍ରୈଲୋକ୍ୟ ପଧାନଙ୍କ ନେତୃତ୍ୱରେ ଏବଂ “ମୃତ୍ୟୁଞ୍ଜୟ ବୈଦ୍ୟ ସଙ୍ଘ ” କଳାହାଣ୍ଡି ତତ୍ୱାବଧାନରେ ” ୧୧ତମ ଅନ୍ତର୍ଜାତୀୟ ଯୋଗ ଦିବସ ” ଇଣ୍ଟରନେସନେଲ ନେଚୁରୋପାଥି ଅର୍ଗାନାଇଜେସନ(ସୂରିୟା ଫାଉଣ୍ଡେସନ) ଦ୍ୱାରା ଆୟୋଜନ କରାଯାଇ ଥିଲା l ପ୍ରଥମ ପର୍ଯ୍ୟାୟ ସକାଳ ଘ ୮. ୩୦ ମି.ରୁ ଘ.୯. ୩୦ମି. ପର୍ଯ୍ୟନ୍ତ ଯୋଗାଭ୍ୟାସ କରାଯାଇ ଥିଲା । ଶ୍ରୀଯୁକ୍ତ ନରହରି ସ୍ୱାଇଁ ଯୋଗର ଉପକାରିତା ଉପରେ ଉପସ୍ଥିତ ସମସ୍ତଙ୍କୁ ବୁଝାଇ ଥିଲେ l
ଦ୍ଵିତୀୟ ପର୍ଯ୍ୟାୟରେ ସର୍ବ ସମ୍ମତି କ୍ରମେ ଶ୍ରୀଯୁକ୍ତ ନରହରି ସ୍ୱାଇଁଙ୍କୁ ମୃତ୍ୟୁଞ୍ଜୟ ବୈଦ୍ୟ ସଂଘର ସ୍ଥାୟୀ ସଭାପତି ଭାବେ ନିର୍ବାଚିତ କରାଯାଇ ଉପଢୌକନ ସହ ସମ୍ମାନିତ କରାଯାଇ ଥିଲା l ଏହା ପରେ ସଂଘର ପରବର୍ତ୍ତୀ କାର୍ଯ୍ୟକ୍ରମ ଉପରେ ଆଲୋଚନା କରାଯାଇ ସଭା ସାଙ୍ଗ କରାଗଲା l ଏହି କାର୍ଯ୍ୟକ୍ରମରେ ଅବସର ପ୍ରାପ୍ତ ରାଜ୍ୟ ପୁରସ୍କୃତ ଶିକ୍ଷକ କେଶବ ଚନ୍ଦ୍ର ବାରିକ, ବୈଦ୍ୟ ଧର୍ମାନନ୍ଦ ପଧାନ, ସରୋଜ କାନ୍ତ ପଧାନ, ମୋହନା ନାଏକ, ଜୟ ବୀର ବଗର୍ତ୍ତୀ,ଅବସର ପ୍ରାପ୍ତ ଶିକ୍ଷକ ଶରତ ଚନ୍ଦ୍ର ପଧାନ, ଧର୍ମୁ ନାଏକଙ୍କ ସମେତ ଶତାଧିକ ଲୋକ ଅଂଶଗ୍ରହଣ କରିଥିଲେ l
