ଓଡ଼ିଶା ସଚିବାଳୟ ଲେଖକ ପରିଷଦର ବାର୍ଷିକ ସାରସ୍ୱତ ସମାରୋହ – ୨୦୨୫ ଅନୁଷ୍ଠିତ

ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍)  :-  ଓଡ଼ିଶା ସଚିବାଳୟ ଲେଖକ ପରିଷଦର ବାର୍ଷିକ ସ୍ୱାରସ୍ବତ ସମାରୋହ  ଭୁବନେଶ୍ୱର ଠାରେ ଅନୁଷ୍ଠିତ ହୋଇଯାଇଛି । ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗର ସହଯୋଗରେ ଅନୁଷ୍ଠିତ ଏହି ସମାରୋହରେ ପରିଷଦର ସଭାପତି ପ୍ରବୀଣ କୁମାର ଚକ୍ର ସଭାପତିତ୍ୱ କରିଥିଲେ । ଵିଶିଷ୍ଟ ନାଟ୍ୟକାର ପୀୟୂଷ ପରିଡା ମୁଖ୍ୟ ବକ୍ତା ଭାବରେ ଯୋଗ ଦେଇଥିଲେ ।ସାଧାରଣ ସମ୍ପାଦକ ସଞ୍ଜୟ ଆନନ୍ଦ କୁମାର ତ୍ରିପାଠୀ  ବାର୍ଷିକ ବିବରଣୀ ପାଠ କଲା ପରେ ଜଣାଶୁଣା ଗାଳ୍ପିକା ତଥା ଲେଖିକା ବିଜନବାଳା ପାଟଯୋଷିଙ୍କ ସଂଯୋଜନାରେ କବିତା ପାଠୋତ୍ସଵ ଅନୁଷ୍ଠିତ ହୋଇଥିଲା ।  ଉପ ସଭାପତି କମଳିନୀ ମଲ୍ଲିକ,ପୀୟୂଷ ପରିଡା,ବନ୍ଦିତା ଦାଶ, ପୁଷ୍ପାଞ୍ଜଳି ବିଶୋୟୀ,ସଞ୍ଜୟ ଆନନ୍ଦ କୁମାର ତ୍ରିପାଠୀ ,ବିଜନବାଳା ପାଟଯୋଷି , ସୁଶାନ୍ତ ଧର ତଥା ଅନ୍ୟମାନେ ସ୍ୱରଚିତ କବିତା ପାଠ କରିଥିଲେ ।ସହଯୋଗ କରିଥିଲେ କୋଷାଧ୍ୟକ୍ଷ ପ୍ରଭାତ କୁମାର ରାଉତ , ଅଭିଷେକ ତ୍ରିପାଠୀ,ନିଶାନ ଦେବ ,ବିଜୟଲକ୍ଷ୍ମୀ ନାୟକ, ପିନାକ୍ଷୀ ନାୟକ ଓ ଶ୍ରଦ୍ଧା ମହାନ୍ତି । ପ୍ରକାଶ ଥାଉକି ଓଡ଼ିଶା ସଚିବାଳୟ ଲେଖକ ୧୯୭୭ ମସିହାଠାରୁ ନିରନ୍ତର ଭାବେ ସାହିତ୍ୟର ପ୍ରଚାର ଓ ପ୍ରସାର କରି ଆସୁଅଛି । ଆସନ୍ତା ମାସରେ ସଚିବାଳୟରୁ ନିକଟରେ ଅଵସର ଗ୍ରହଣ କରିଥିବା ଲେଖକ/ ଲେଖିକାମାନଙ୍କୁ ଏକ ସ୍ୱତନ୍ତ୍ର ଉତ୍ସବରେ ସମ୍ବର୍ଦ୍ଧନା ପ୍ରଦାନ କରାଯିବ ବୋଲି ସାଧାରଣ ସମ୍ପାଦକ ସୂଚନା ଦେଇଛନ୍ତି । ଓଡ଼ିଶା ସଚିବାଳୟ ସେବା ସଙ୍ଘର ଉପସଭାପତି ବିଜୟ ସ୍ୱରୂପ ପଣ୍ଡା ଧନ୍ୟବାଦ ଅର୍ପଣ କଲାପରେ ସଭା ଶେଷ ହୋଇଥିଲା ।