ପୁରୀ (ଓଡ଼ିଶା ତାଜା ନ୍ୟୁଜ୍) :- ଜୁନ ୨୭ରେ ବିଶ୍ବପ୍ରସିଦ୍ଧ ଘୋଷଯାତ୍ରା । ଶ୍ରୀମନ୍ଦିର ରତ୍ନବେଦିରୁ ଶ୍ରୀଗୁଣ୍ଡିଚା ମନ୍ଦିର ଜନ୍ମବେଦିକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି । ତିନିରଥ ଶୀଗୁଣ୍ଡିଚା ମନ୍ଦିର ସମ୍ମୁଖରେ ଲାଗିବ । ଯେଉଁ ସ୍ଥାନରେ ତିନିରଥ ରହିବ ସେହି ସ୍ଥାନରେ ରଙ୍ଗ ବେରଙ୍ଗର ଝୋଟି ଚିତା ପକାଯାଇଛି । ତିନିରଥ ରହିବା ପାଇଁ ଅଲଗା ଅଲଗା ସ୍ଥାନ ନିରୁପଣ କରାଯାଇଛି । ସ୍ବତନ୍ତ୍ର ବ୍ଯାରିକେଡ ଦ୍ବାରା ଆବଦ୍ଧ କରାଯାଇଛି ।
ଆନନ୍ଦ ବଜାରରେ ଭକ୍ତ ପାଇବେ ଆଡପ ଅବଢା ସେଥିପାଇଁ ସମସ୍ତ କାର୍ଯ୍ଯ ଶେଷ ହୋଇଛି ।ସିଂହଦ୍ବାର ସମ୍ମୁଖ ରଙ୍ଗୀନ ଚିତ୍ର ବିଚିତ୍ରରେ ଝଲସୁଛି । ଆଲୋକ ମାଳା ସହ ପାନୀୟଜଳ ଯୋଗାଣ ବ୍ୟବସ୍ଥା ମଧ୍ଯ କରାଯାଇଛି । ଲକ୍ଷ ଲକ୍ଷ ଭକ୍ତଙ୍କ ସମାଗମ ହେବ । ଗହଳି ଚହଳି ସହ ସାଂସ୍କୃତିକ କାର୍ଯ୍ୟକ୍ରମ ହେବ । ଭକ୍ତମୟ ପାଲଟିବ ଶ୍ରୀଗୁଣ୍ଡିଚା ମନ୍ଦିର । ମହାପ୍ରଭୁଙ୍କ ଅପେକ୍ଷାରେ ଶ୍ରୀଗୁଣ୍ଡିଚା ମନ୍ଦିର ।
