ଆର,ଉଦୟଗିରି (ଓଡ଼ିଶା ତାଜା ନ୍ୟୁଜ୍) :- 60 ବର୍ଷର ବୃଦ୍ଧ ତଥା ସମ୍ପର୍କୀୟ ମାମୁ ଜଣେ ନାବାଳିକା ଭାଣିଜୀକୁ ଦୁଷ୍କର୍ମ କରିଥିବା ଏକ ଖବର ହସ୍ତଗତ ହୋଇଛି. ଘଟଣାଟି ଗଜପତି ଜିଲ୍ଲାର ମୋହନା ଅଞ୍ଚଳରେ ଘଟିଛି.ଏହି ଘଟଣା ନେଇ ପରିବାର ଲୋକେ ମୋହନା ଥାନାରେ ଅଭିଯୋଗ କରିଛନ୍ତି I ଘଟଣାରୁ ପ୍ରକାଶ, ନାରୀଙ୍ଗୀଗାଁର ଜଣେ ୬୦ ବର୍ଷୀୟ ବୃଦ୍ଧ ରାଇଗୁଡ଼ା ଗାଁକୁ ଭୋଜି କାର୍ଯ୍ୟରେ ଯୋଗଦେଇଥିଲେ। ଭୋଜି ସରିବା ପରେ ଫେରିବା ବାଟରେ ପଡୁଥିବା ସମ୍ପର୍କୀୟଙ୍କ ଘରକୁ ଯାଇଥିଲେ l
ସେଠାରେ ପରିବାର ବର୍ଗ ନଥିବା ବେଳେ କେବଳ ନାବାଳିକା ଝିଅ ଏକା ଥିଲା| ଏହାର ସୁଯୋଗ ନେଇ ୬୦ ବର୍ଷର ବୃଦ୍ଧ ସମ୍ପର୍କୀୟ ମାମୁଁ ଜଣକ ନାବାଳିକା ଭାଣିଜୀଙ୍କୁ ଦୁଷ୍କର୍ମ କରିଥିଲେ I ବାପା, ମା’ ଘରକୁ ଫେରିବା ପରେ ଏନେଇ ନାବାଳିକା ଜଣକ ଜଣାଇଥିଲେ. ନାବାଳିକାଙ୍କ ବାପା, ମା ଘଟଣା ସମ୍ପର୍କରେ ଜାଣିବା ପରେ ମୋହନା ଥାନାରେ ଲିଖିତ ଅଭିଯୋଗ କରିଥିଲେ. ମୋହନା ପୋଲିସ ସମ୍ପୃକ୍ତ ନାବାଳିକାକୁ ଡାକ୍ତରୀ ମାଇନା ଓ ଆବଶ୍ୟକ ଚିକିତ୍ସା ପ୍ରଦାନ କରିଥିଲେ. ପୋଲିସ ମୋହନା ଥାନାରେ ଘଟଣା ନେଇ ଏକ ମକଦ୍ଦମା ରୁଜୁ କରିବା ସହ ୬୦ ବର୍ଷ ବୃଦ୍ଧଙ୍କୁ ଗିରଫ କରିଥିବା ସୂଚନା ମିଳିଛି ।
