ପୁରୀ (ଓଡ଼ିଶା ତାଜା ନ୍ୟୁଜ୍) :- ଗଜପତି ନଗରର ବିଜୟ କୁମାର ଶତପଥୀ ଓ ବନ୍ଦନା ଦାଶଙ୍କ ପୁତ୍ର ବୈଭବ ଶତପଥୀ ୧୩ ବର୍ଷ ବୟସରୁ ନିଜ ଘରେ ରଖିଥିବା ଚତୁର୍ଦ୍ଧାମୂର୍ତ୍ତିଙ୍କୁ ପୂଜାର୍ଚ୍ଚନା ସହ ସ୍ନାନ ଓ ହାତୀବେଶ ସ୍ନାନପୂର୍ଣ୍ଣିମା ଅବସରରେ କରାଇଥିଲେ । ୧୦୮ ଗଡୁରେ ଜଳ ଆଣି ସ୍ନାନ କରାଇଥିଲେ । ପରେ ତିନି ଠାକୁରଙ୍କୁ ହାତୀବେଶରେ ସଜ୍ଜିତ କରିଥିଲେ । ସେ ବର୍ତ୍ତମାନ ଡିଏଭି ସ୍କୁଲର ଅଷ୍ଟମ ଶ୍ରେଣୀର ଛାତ୍ର ଅଟନ୍ତି । ସକାଳୁ ଚତୁର୍ଦ୍ଧାମୂର୍ତ୍ତିଙ୍କୁ ପହଣ୍ଡି ସହ ଶ୍ରୀମନ୍ଦିର ନିତିକାନ୍ତି ଅନୁଯାଇ ସମସ୍ତ କାର୍ଯ୍ଯ କରିଥିଲେ ।
ତାଙ୍କର ପିତା କୁହନ୍ତି ବୈଭବ ପିଲାଦିନୁ ଜଗନ୍ନାଥଙ୍କ ଫଟୋଚିତ୍ର ଦେଖି ମୁଣ୍ଡିଆ ମାରୁଥିଲେ । ସବୁବେଳେ ମହାପ୍ରଭୁ ଶ୍ରୀଜଗନ୍ନାଥଙ୍କ ଯାନିଯାତ ଓ ପର୍ବପର୍ବାଣୀ ଓ ବିଭିନ୍ନ ନିତିକାନ୍ତି ଓ ବେଶ ଉପରେ ଅଧିକ ଧ୍ୟାନ ଦେଉଥିଲେ । ଘରେ ଠାକୁର ପୂଜା କରିବା ସହ ପୂଜାପାଠ ଉପରେ ଧ୍ୟାନରତ ରହୁଛନ୍ତି । ସେ ଜଗନ୍ନାଥଙ୍କ ଜଣେ ଭକ୍ତ ଅଟନ୍ତି । ମହାପ୍ରଭୁଙ୍କ ପ୍ରତି ନିଷ୍ଠା ଓ ଶ୍ରଦ୍ଧା ଦେଖି ମାତାପିତା ଆଶ୍ଚର୍ଯ୍ଯ ହୋଇଛନ୍ତି । ତାଙ୍କର ଏହି ଭକ୍ତିଭାବର ପ୍ରତିଭା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।
