ଓଡିଶା ତାଜା ନ୍ୟୁଜ୍ (୩ ସେପ୍ଟେମ୍ବର ଗୁରୁବାର ) ବରଗଡ଼ :– ସମ୍ବିଧାନ ସୁରକ୍ଷା ମଞ୍ଚ ଓ ହସ୍ପିଟାଲ ବଞ୍ଚାଅ ଅଭିଯାନ ବରଗଡ଼ ପକ୍ଷରୁ ପୁରୁଣା ଜିଲ୍ଲା ମୁଖ୍ୟ ଡାକ୍ତର ଖାନା କୁ ଆବଶ୍ୟକ ପରିମାଣ ର ଡାକ୍ତର,ଫାର୍ମାସିଷ୍ଟ,ନର୍ସ ତଥା ଅନ୍ୟ ଆନୁଷଙ୍ଗିକ ସୁବିଧା ପ୍ରଦାନ ଦାବିରେ ଜରୁରୀ କାଳୀନ ବୈଠକ ଅନୁଷ୍ଠିତ ହୋଇ ଯାଇଅଛି । ମଞ୍ଚ ର ଆବାହକ ଭବାନୀ ସାହୁ ଙ୍କ ସଂଯୋଜନା ରେ ଅନୁଷ୍ଠିତ ବୈଠକରେ ଉପସ୍ଥିତ ନାଗରିକ ଗଣ ଏକ ସ୍ଵରରେ ପୁରୁଣା ଜିଲ୍ଲା ମୁଖ୍ୟ ଚିକିତ୍ସାଳୟରେ ସରକାର ଘୋଷଣା ମୁତାବକ ଡାକ୍ତର, ନର୍ସ ଓ ଆବଶ୍ୟକୀୟ ପାରା ମେଡିକାଲ ଷ୍ଟାଫ ଯୋଗାଇ ଦେଇନଥିବାରୁ ଏହି ପୁରୁଣା ସ୍ବାସ୍ଥ୍ୟ କେନ୍ଦ୍ର ଯାହାକୁ କି ରାଜ୍ୟ ସରକାର ଅର୍ବାନ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଭାବରେ ଘଷଣା କରିଥିଲେ , ଜନ ସାଧାରଣ ନାହିଁ ନ ଥିବା ଅସୁବିଧା ଭୋଗୁଛନ୍ତି ।
ସରକାର କେବଳ ଘୋଷଣା କରିଛନ୍ତି ହେଲେ କାର୍ଯ୍ୟକାରିତା ହୋଇ ପାରିନାହିଁ । ଏହା ଭିତରେ କରୋନା ର ପ୍ରବେଶ ଫଳରେ ଜନସାଧାରଣ ଙ୍କ ଅସୁବିଧା ଦ୍ଵିଗୁଣିତ ହୋଇ ଯାଇଅଛି । ସାମାନ୍ୟ ତମ ସ୍ବାସ୍ଥ୍ୟ ସୁବିଧା ଜନ ସାଧାରଣ ପାଇବାରୁ ବଞ୍ଚିତ ହେଉଛନ୍ତି । ଆଜି ର ବୈଠକରେ ଉପସ୍ଥିତ ରହି ସମସ୍ତେ ନିଜ ନିଜ ମତ ଦେବାସହ ରାଜ୍ୟ ସରକାର ସେମାନଙ୍କୁ ଅଯଥାରେ ଆନ୍ଦୋଳନାତ୍ମକ ପନ୍ଥା ଅବଲମ୍ବନ କରିବାକୁ ବାଧ୍ୟ କରନ୍ତୁ ନାହିଁ ବୋଲି ଚେତାବନୀ ଦେଇଛନ୍ତି । ଏହି ବୈଠକ ପୂର୍ବରୁ ମଞ୍ଚ ପକ୍ଷରୁ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଙ୍କୁ ଏହି ବିଷୟ ରେ ଏକ ସ୍ମାରକପତ୍ର ପ୍ରଦାନ କରାଯାଇଥିଲା । ବୈଠକରେ ଅନ୍ୟ ମାନଙ୍କ ମଧ୍ୟରେ ପବିତ୍ର ଦେହେରୀ,ଶିବାନନ୍ଦ ମଟାରୀ ,ରମେଶ ମହାପାତ୍ର, ଦେବିକା ସିକା, ପ୍ରଦୀପ ଧାନୂକା ପ୍ରମୁଖ ଉପସ୍ଥିତ ଥିଲେ ।
