ଖୋର୍ଦ୍ଧା-ଜଟଣୀ (ଓଡ଼ିଶା ତାଜା ନ୍ୟୁଜ୍) :- ଆଥଲେଟିକ୍ସ ପାଇଁ ଅର୍ଜୁନ ପୁରସ୍କାର ପ୍ରାପ୍ତ ଦୂତୀ ଚାନ୍ଦ ହାଫ୍ ମାରାଥନକୁ ପତାକା ଦେଖାଇ ଶୁଭାରମ୍ଭ କରିଥିବାବେଳେ ଓଡ଼ିଶାର ବିଭିନ୍ନ ଜିଲ୍ଲାରୁ ପୁରୁଷ ଏବଂ ମହିଳା ପ୍ରତିଯୋଗୀ ମାନେ ଏଥିରେ ଅଂଶଗ୍ରହଣ କରିଥିଲେ। ୨୧.୧ କିଲୋମିଟର ଏବଂ ୧୦ କିଲୋମିଟର ସମୟସୀମା ଦୌଡ଼ରେ ଅଂଶଗ୍ରହଣ କରିଥିବା ବିଜେତା ଏବଂ ଧାବକ ମାନଙ୍କୁ ନଗଦ ପୁରସ୍କାର ପ୍ରଦାନ କରାଯାଇଥିଲା।
ଖୋର୍ଦ୍ଧାରୋଡ୍ ହାଫ୍ ମାରାଥନ୍ ଭୁବନେଶ୍ୱର ୨୦୨୫”ପୂର୍ବତଟ ରେଳବାଇ ସ୍ପୋର୍ଟ୍ସ ଆସୋସିଏସନ୍ (ଇକୋର୍ଷା) ଖୋର୍ଦ୍ଧାରୋଡ୍, ଦ୍ୱାରା ଆଇଆଇଟି ଭୁବନେଶ୍ୱର ସହଯୋଗରେ ସଫଳତାର ସହିତ ଅନୁଷ୍ଠିତ ହେଇଯାଇଛି। ଏହାର ଲକ୍ଷ୍ୟ ହେଉଛି ସ୍ଥାନୀୟ ଅଞ୍ଚଳରେ ଶାରୀରିକ ସୁସ୍ଥତାର ଗୁରୁତ୍ୱକୁ ପ୍ରୋତ୍ସାହିତ କରିବା। ଏହି ମେଗା ଇଭେଣ୍ଟରେ, ପୁରୁଷ,ମହିଳା,୮ ବର୍ଷ ଏବଂ ତଦୁର୍ଦ୍ଧ୍ୱ ବୟସର ପିଲାମାନଙ୍କ ସମେତ ୧୨୦୦ ରୁ ଅଧିକ ସଦସ୍ୟ ଅଂଶଗ୍ରହଣ କରିଥିଲେ।
ଆଥଲେଟିକ୍ସ ପାଇଁ ଅର୍ଜୁନ ପୁରସ୍କାରପ୍ରାପ୍ତ ଦୂତୀ ଚାନ୍ଦ, ଖୋର୍ଦ୍ଧାରୋଡର ମଣ୍ତଳ ରେଳ ପ୍ରବନ୍ଧକ ଶ୍ରୀ ଏଚ୍.ଏସ୍. ବାଜୱା,ଖୋର୍ଦ୍ଧା ରୋଡ ପୂର୍ବତଟ ରେଳବାଇ ମହିଳା କଲ୍ୟାଣ ସଂଗଠନର ସଭାନେତ୍ରୀ, ଶ୍ରୀମତୀ ଗୁର ସିମରନ କୌର, ଆଇଆଇଟି ଭୁବନେଶ୍ୱରର ଡିନ୍ ପ୍ରଫେସର ରାଜେଶ ରୋଶନ ଦାସ, ଶ୍ରୀ ପି.କେ.ବେହେରା ଏଡି ଆର ଏମ, ଶ୍ରୀ ଶୁଭ୍ରା ଜ୍ୟୋତି ମଣ୍ଡଳ, ଏଡିଆରଏମ (ଇନ୍ଫ୍ରା)ଏବଂ ଶ୍ରୀ ହିମାଦ୍ରି ଭୂଷଣ ବିଶ୍ୱାଲ କ୍ରୀଡା ଅଧିକାରୀ,ହାଫ୍ ମାରାଥନକୁ ପତାକା ଦେଖାଇ ଶୁଭାରମ୍ଭ କରିଥିଲେ।
ଏହି ଅବସରରେ ଦୂତୀ ଚାନ୍ଦ, ଶାରୀରିକ ସୁସ୍ଥତା ପ୍ରତି ସଚେତନତା ପାଇଁ ଖୋର୍ଦ୍ଧା ରୋଡ୍ ଡିଭିଜନ ଦ୍ୱାରା ନିଆଯାଇଥିବା ପଦକ୍ଷେପକୁ ପ୍ରଶଂସା କରିଥିଲେ।କହିଥିଲେ ଯେ କ୍ରୀଡା କେବଳ ଶାରୀରିକ ସୁସ୍ଥତା ବିକାଶ କରେ ନାହିଁ, ବରଂ ସମାଜରେ ଏକ ପରିଚୟ ସୃଷ୍ଟି କରିବାର ସୁଯୋଗ ମଧ୍ୟ ପ୍ରଦାନ କରେ। ସେ ସମସ୍ତଙ୍କୁ କ୍ରୀଡା କାର୍ଯ୍ୟକଳାପ ଜାରି ରଖିବାକୁ ପରାମର୍ଶ ଦେଇଥିଲେ।
ଏହି ଅବସରରେ ଡିଆରଏମ ଖୋର୍ଦ୍ଧାରୋଡ ଶ୍ରୀ ଏଚ୍.ଏସ୍.ବାଜୱାସମସ୍ତ ବିଜେତା ଧାବକ ଏବଂ ଅଂଶ ଗ୍ରହଣକାରୀଙ୍କୁ ଅଭିନନ୍ଦନ ଜଣାଇ କହିଥିଲେ ଯେ ସମସ୍ତଙ୍କ ସମର୍ଥନରେ ଏହି କାର୍ଯ୍ୟକ୍ରମ ସଫଳତାର ସହ ଅନୁଷ୍ଠିତ ହୋଇପାରିଛି ଏବଂ ଆଗାମୀ ଦିନରେ ମଧ୍ୟ ସ୍ଥାନୀୟ କର୍ମଚାରୀ ଏବଂ ସାଧାରଣ ଲୋକଙ୍କ ଫିଟନେସ୍ ପାଇଁ ମଣ୍ଡଳ ଏପରି କାର୍ଯ୍ୟକ୍ରମ ଯୋଜନା କରିବ।
ପୂର୍ବତଟ ରେଳବାଇ କ୍ରୀଡ଼ା ସଂଘ ପକ୍ଷରୁ ଅଂଶ ଗ୍ରହଣକାରୀଙ୍କ ପାଇଁ ବ୍ୟାପକ ବ୍ୟବସ୍ଥା କରାଯାଇଥିଲା। ସମସ୍ତ ଅଂଶ ଗ୍ରହଣକାରୀଙ୍କୁ ଫିନିସିଂ ପଦକ ରେଳବାଇ ଷ୍ଟାଡିୟମରୁ ଆଇଆଇଟି କ୍ୟାମ୍ପସ ପର୍ଯ୍ୟନ୍ତ ବିଭିନ୍ନ ସ୍ଥାନରେ ଦଶଟି ହାଇଡ୍ରେସନ୍ ପଏଣ୍ଟ କାର୍ଯ୍ୟକ୍ରମ ସମୟରେ ଯେକୌଣସି ଚିକିତ୍ସା ଜରୁରୀ କାଳୀନ ପରିସ୍ଥିତିର ମୁକାବିଲା କରିବା ପାଇଁ ବିଭିନ୍ନ ସ୍ଥାନରେ ଚାରୋଟି ଆମ୍ବୁଲାନ୍ସ ଏବଂ ପ୍ରାଥମିକ ଚିକିତ୍ସା ସୁବିଧା ପ୍ରସ୍ତୁତ ରଖାଯାଇଥିଲା।
ସାଧାରଣ ଜନତାଙ୍କୁ ଯେକୌଣସି ପ୍ରକାରର ଅସୁବିଧାକୁ ଏଡାଇବା ପାଇଁ ଅଞ୍ଚଳରେ ଉପଯୁକ୍ତ ଟ୍ରାଫିକ୍ ନିୟନ୍ତ୍ରଣ ବ୍ୟବସ୍ଥା କରାଯାଇଥିଲା । ସମସ୍ତ ଅଂଶ ଗ୍ରହଣକାରୀଙ୍କୁ ଖାଦ୍ୟ ଏବଂ ପାନୀୟ ଜଳ ପ୍ରଦାନ ଅଂଶ ଗ୍ରହଣକାରୀଙ୍କୁ ୱାର୍ମଅପ୍ କରିବା ପାଇଁ ଜୁମ୍ବା କାର୍ଯ୍ୟକ୍ରମ ସମସ୍ତଙ୍କ ପାଇଁ ଲାଇଭ୍ କନସର୍ଟ। ଏହି ହାଫ୍-ମାରାଥନ୍ ରେଳବାଇ ଷ୍ଟାଡିୟମରୁ ଆରମ୍ଭ ହୋଇ ଆଇଆଇଟି ଭୁବନେଶ୍ୱର (୨୧.୧ କିମି ଏବଂ ୧୦ କିମି ଦୌଡ଼ ପାଇଁ) ବ୍ଲକ ଛକ (୫କିମି ଦୌଡ଼ ପାଇଁ) ଏବଂ ପୋଷ୍ଟ ଅଫିସ ଛକ(୨ କିମି ଦୌଡ଼ ପାଇଁ)ରୁ’ ୟୁ-ଟର୍ଣ୍ଣ ପରେ ରେଳବାଇ ଷ୍ଟାଡିୟମରେ ଶେଷ ହୋଇଥିଲା।
ପୁରୁଷ ଏବଂ ମହିଳାଙ୍କ ବିଭିନ୍ନ ବୟସ ବର୍ଗ ପାଇଁ ଚାରୋଟି ଦୌଡ଼ ବର୍ଗ ଥିଲା । ଯଥା ୨୧.୧ କିମି ସମୟସୀମା ଦୌଡ଼,୧୦ କିମି ସମୟସୀମା ଦୌଡ଼,୫ କିମି ମଜାଦାର ଦୌଡ଼ ଏବଂ ୨ କିମି ମଜାଦାର ଦୌଡ଼, ବିଭିନ୍ନ ବୟସ ବର୍ଗରେ ୨୧.୧ କିଲୋମିଟର ସମୟସୀମା ଦୌଡ଼ ଏବଂ ୧୦ କିଲୋମିଟର ସମୟସୀମା ଦୌଡ଼ର ପ୍ରଥମ, ଦ୍ୱିତୀୟ ଏବଂ ତୃତୀୟ ପୁରସ୍କାର ପୁରୁଷ ଏବଂ ମହିଳା ବିଜେତାଙ୍କୁ ସମୁଦାୟ ମୋଟ ଦୁଇ ଲକ୍ଷ ଟଙ୍କା ମୂଲ୍ୟର ନଗଦ ପୁରସ୍କାର ପ୍ରଦାନ କରାଯାଇଥିଲା ।
ଏହି ମେଗା ଇଭେଣ୍ଟଟି ଖୋର୍ଦ୍ଧାରୋଡର କ୍ରୀଡା ଅଧିକାରୀ ଏବଂ ବରିଷ୍ଠ ମଣ୍ଡଳ ବିତ୍ତ ପ୍ରବନ୍ଧକ,ହିମାଦ୍ରି ଭୂଷଣ ବିଶ୍ୱାଳଙ୍କ ଗତିଶୀଳ ନେତୃତ୍ୱରେ କରଯାଇଥିଲା । କ୍ରୀଡା ସଚିବ ମହମ୍ମଦ ଜାକିରୁଦ୍ଦିନ୍, ସହକାରୀ କ୍ରୀଡା ସଚିବ ଶ୍ରୀଯୁକ୍ତ ଜେ.ଏସ୍.ପାତ୍ର, ଏବଂ ପୂର୍ବତଟ ରେଳବାଇ କ୍ରୀଡା ସଂଘ,ଖୋର୍ଦ୍ଧା ରୋଡର ସଦସ୍ୟମାନେ ଏହି କାର୍ଯ୍ୟକ୍ରମକୁ ସମନ୍ୱୟ କରିଥିଲେ । ଖୋର୍ଦ୍ଧାରୋଡ ସ୍କାଉଟ୍ସ ଏବଂ ଗାଇଡ୍ ପିଲାମାନଙ୍କ ଦ୍ୱାରା ସ୍ୱେଚ୍ଛାକୃତ ଅବଦାନ ଯୋଗାଇ ଦିଆଯାଇଥିଲା ।
