ଗୋପ (ଓଡ଼ିଶା ତାଜା ନ୍ୟୁଜ୍) :- ଅଦିନିଆ ସାମାନ୍ୟ ବର୍ଷାରେ ଗୋପ ବ୍ଲକ ନୟା ହାଟ କଲେଜ ଛକ ମୁଖ୍ୟ ରାସ୍ତାରେ ୩ ପୁଟ ପାଣି ଜମି ରହିଛି । ଯାହା ଫଳରେ ଏହି ରାସ୍ତାରେ ଯାଉଥିବା ବାଟୋଇ ମାନେ ଛୋଟ ବଡ଼ ଦୁର୍ଘଟଣାରେ ସମୁଖୀନ ହେଉଛନ୍ତି ବୋଲି ଆମ ଆଦମୀ ପାର୍ଟି ର କର୍ମୀ ତଥା ପୁରୀ ଜିଲ୍ଲା ଉପସଭାପତି ରବୀନ୍ଦ୍ର ନାଥ ସାହୁ କହିଛନ୍ତି ।ସୂଚନା ରୁ ପ୍ରକାଶ ଯେ ରାଜ୍ୟ ଓ ରାଜ୍ୟ ବାହାରୁ ଦୈନଦିନ ବିଶ୍ୱ ପ୍ରସିଦ୍ଧ କାକଟପୁର ମା ମଙ୍ଗଳା ସହିତ ଅସ୍ତରଙ୍ଗ ଜାହାନିଆ ପୀଠକୁ ବୁଲିବାକୁ ଏହି ରାସ୍ତା ଦେଇ ଜାଇଥାନ୍ତି ।
ପ୍ରତିବର୍ଷ ଏହି ରାସ୍ତାରେ ମରାମତି ନାମରେ ନିମ୍ନମାନର କାମ କରି ଅର୍ଥ ହରିଲୋଟ କରୁଛନ୍ତି । ଯାହା ଫଳରେ ପ୍ରତିବର୍ଷ ଭଳି ଚଳିତବର୍ଷ ମଧ୍ୟ ସାମାନ୍ୟ ଅସରାଏ ବର୍ଷାରେ ରାସ୍ତାରେ ୩ ପୁଟର ବର୍ଷା ପାଣି ଲହଡ଼ି ମାରିବା ସହ ବଡ଼ ବଡ଼ ଗତ ସୃଷ୍ଟି ହୋଇଛି । ଏହି ରାସ୍ତା ଦେଇ ବିଭିନ୍ନ ଅଞ୍ଚଳରୁ ଆସୁଥିବା ପର୍ଯ୍ୟଟକ ସହିତ ସ୍କୁଲ , କଲେଜ ଛାତ୍ର ଛାତ୍ରୀ ,ବାଟୋଇ ,ଆମ୍ବଲାନ୍ସ ଆଦି ଗାଡି ମଟର ନାହିଁ ନଥିବା ଅସୁବିଧା ର ସମ୍ମୁଖୀନ ହେବାକୁ ପଡୁଛି ।
ଦୁଃଖ ଓ ପରିତାପର ବିଷୟ ଟି ହେଉଛି ଉକ୍ତ ଅଞ୍ଚଳ ଟି ଉପ – ମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡା ନିଜ ଅଞ୍ଚଳ ହୋଇଥିବା ସତ୍ତ୍ୱେ ରାସ୍ତା ରେ ଜମିରହୁଥିବା ବର୍ଷାରେ ପଶି ଯିବା ସମୟରେ ଗାଡି ଚକ ଲିକ ହେବା ସହ ପାଣିରେ ପଡ଼ି ଛୋଟ ବଡ଼ ଦୁର୍ଘଟଣା ଘଟୁଛି । ଏହି ରାସ୍ତାକୁ ତୁରନ୍ତ କାମ କରିବା ପାଇଁ ଆମ ଆଦମୀ ପାର୍ଟି ପକ୍ଷରୁ ଦାବି ହେଉଛି । ଯଦି ବର୍ଷା ସିଜିନି ପୂର୍ବରୁ କାମ କରାନଯାଏ ତାହାଲେ ରାଜରାସ୍ତାକୁ ଓଲ୍ହାଇବୁ ବୋଲି ଆମ ଆଦମୀ କର୍ମୀ ଜିଲା ସଭାପତି ସଂଜୀବ କୁମାର ମହାନ୍ତି ,ଉପସଭାପତି ରବୀନ୍ଦ୍ର ନାଥ ସାହୁ ,ରମେଶ ଚନ୍ଦ୍ର ମହାନ୍ତି , ରମାକାନ୍ତ ସ୍ୱାଇଁ , ଦୁଷ୍ମନ୍ତ ଦଳାଇ , ପ୍ରକାଶ ମଲ୍ଲିକ ,ବାପିନ ମଲ୍ଲିକ , ମଙ୍ଗୁଲି ସ୍ୱାଇଁ,ଉମାକାନ୍ତ ସାହୁ ପ୍ରମୁଖ ସୂଚନା ଦେଇଛନ୍ତି ।
