ମହିଳା ଭକ୍ତମାନଙ୍କ ସୁରକ୍ଷା ଓ ସୁବିଧା ପାଇଁ ଏକ ନୂତନ ପଦକ୍ଷେପ
ପୁରୀ (ଓଡ଼ିଶା ତାଜା ନ୍ୟୁଜ୍) :- ଶ୍ରୀଜଗନ୍ନାଥ ଧାମକୁ ପ୍ରତିଦିନ ଲକ୍ଷେ ଲକ୍ଷେ ଭକ୍ତ ଓ ପର୍ଯ୍ୟଟକ ପହଞ୍ଚନ୍ତି, ଯାହା ମଧ୍ୟରୁ ବଡ଼ ଅଂଶ ହେଉଛନ୍ତି ମହିଳା ଓ ପରିବାର ବଳ। ସେମାନଙ୍କ ସୁରକ୍ଷା, ସୁବିଧା ଓ ଆଶ୍ବାସନ ପାଇଁ ପୁରୀ ଜିଲ୍ଲା ପୁଲିସ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛି – “ପିଙ୍କି ହେଲ୍ପ ଡେସ୍କ”ର ପ୍ରଥମ ସୋପାନ ଆରମ୍ଭ। ଚାରି ଧାମ ମଧ୍ୟରେ ଶ୍ରେଷ୍ଠ ଧାମ ପୁରୀ ଶ୍ରୀ ଜଗନ୍ନାଥ ଧାମ ଏହି କାର୍ଯ୍ୟକ୍ରମ ଧାମ ମଧ୍ୟରେ ପ୍ରଥମ ।
ଆଜି ଆରକ୍ଷୀ ଅଧିକ୍ଷକ ଶ୍ରୀ ବିନୀତ ଅଗ୍ରୱାଲଙ୍କ ଅଧକ୍ଷତାରେ ସେବା ପାଇଁ ନିଯୁକ୍ତ ମହିଳା କନ୍ଷ୍ଟେବଲମାନେ ପିଙ୍କି ହେଲ୍ପ ଡେସ୍କକୁ ସକ୍ରିୟ ଓ କାର୍ଯ୍ୟକ୍ଷମ କରିବା ପାଇଁ ମୋଟ ୬ ଜଣ ମହିଳା କନ୍ଷ୍ଟେବଲଙ୍କୁ ତାଲିମ ଦିଆଯାଇଛି। ଦିନାଙ୍କ ୧୬.୦୫.୨୫ ରେ DPO କନ୍ଫରେନ୍ସ ହଲ୍ରେ ବିଶେଷ ବ୍ରିଫିଂ ସେସନ୍ ଆୟୋଜିତ ହୋଇଥିଲା, ଯେଉଁଠାରେ ସେମାନଙ୍କୁ ଦାୟିତ୍ୱ ବିଷୟରେ ଅବଗତ କରାଯାଇଛି।
ସେମାନେ ନିମ୍ନଲିଖିତ କାର୍ଯ୍ୟକୁ ନିଷ୍ଠାପୂର୍ବକ କରିବେ :
ମହିଳା ଭକ୍ତମାନଙ୍କୁ ସୂଚନା, ଦିଗନିର୍ଦ୍ଦେଶନା ଓ ତତ୍କାଳ ସହାୟତା ପ୍ରଦାନ । ଯଦି କୌଣସି ଅସୁବିଧାର ସମ୍ମୁଖୀନ ହୁଅନ୍ତି, ସେମାନଙ୍କ ଦୟାଳୁ ଓ ପେଶାଦାର ଭାବେ ସହଯୋଗ ।
ଭକ୍ତମାନଙ୍କ ମତାମତ, ଅଭିଯୋଗ ଓ ପ୍ରତିକ୍ରିୟା ସଂଗ୍ରହ।ଆବଶ୍ୟକ ପରିସ୍ଥିତିରେ ଥାନା ବା PCR ସହ ଯୋଗାଯୋଗ ।
ଫିଡବ୍ୟାକ ଆଧାରିତ ପୋଲିସିଂ ମଡେଲ୍
ଏହି ହେଲ୍ପ ଡେସ୍କ ଦ୍ୱାରା ପୁରୀ ପୁଲିସ ଏକ ଉତ୍ତରଦାୟୀ ଓ ଲୋକମୁଖୀ ପୋଲିସିଂ ବ୍ୟବସ୍ଥା ଉପସ୍ଥାପନ କରିବ। ପ୍ରତିଦିନ ଏଥିରେ ସଂଗ୍ରହ ହେଉଥିବା ଫିଡବ୍ୟାକ ଅନୁସାରେ ମନ୍ଦିର ପରିସରରେ ନିର୍ଵିଘ୍ନ ଦର୍ଶନ ଓ ସୁବିଧା ବୃଦ୍ଧି ପାଇଁ କାର୍ଯ୍ୟ ଗ୍ରହଣ କରାଯିବ।
ପର୍ଯ୍ୟଟକ-ମିତ୍ର ପୋଲିସିଂରେ ଏକ ମାଇଲସ୍ଟୋନ୍
ଶ୍ରୀଜଗନ୍ନାଥ ଧାମ ଯାତ୍ରାକୁ ଅଧିକ ନିରାପଦ, ସମ୍ମାନଜନକ ଓ ଅଧତ୍ମିକ ଅନୁଭବ କରାଇବାରେ ଏହି ପଦକ୍ଷେପ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ । ପିଙ୍କି ହେଲ୍ପ ଡେସ୍କ ମହିଳା ଓ ପର୍ଯ୍ୟଟକଙ୍କୁ ସ୍ବାଗତ ଓ ସୁବିଧା ଦେବାରେ ପୁରୀ ପୁଲିସର ଏକ ଅନ୍ତରଙ୍ଗ ପ୍ରୟାସ ।
ସିନିଅର ପୋଲିସ ଅଧିକାରୀମାନେ ଏହାକୁ ଗଭୀର ଆଶା ବ୍ୟକ୍ତ କରିଛନ୍ତି ଯେ, ଏହି ମାଧ୍ୟମରେ ମହିଳା ଭକ୍ତମାନଙ୍କ ସୁରକ୍ଷା ସୁନିଶ୍ଚିତ ହେବା ସହିତ ସେମାନଙ୍କ ପାଇଁ ଏକ ସ୍ନେହଭରା ସନ୍ଦେଶ ଦେବାରେ ସହାୟତା ହେବ । ପିଙ୍କି ହେଲ୍ପ ଡେସ୍କ ୧୮.୦୫.୨୫ ରୁ ଉତ୍ତର ଦ୍ୱାର ଠାରେ କାର୍ଯ୍ୟକ୍ଷମ ରହିବ ।
