ଦଳିତ, ଆଦିବାସୀ ଓ ସଂଖ୍ୟାଲଘୁ ସଂପ୍ରଦାୟମାନଙ୍କର ନ୍ୟାର୍ଯ୍ୟ ଦାବି ପ୍ରସଙ୍ଗରେ ଆଲୋଚନା
ମହାମହିମ ରାଜ୍ୟପାଳଙ୍କୁ ସ୍ମାରକ ପତ୍ର ପ୍ରଦାନ
ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍ ) :- ଆଜି ପ୍ରଦେଶ କଂଗ୍ରେସ କାର୍ଯ୍ୟାଳୟରେ ପିସିସି ସଭାପତି ଶ୍ରୀ ଭକ୍ତ ଚରଣ ଦାସଙ୍କ ଅଧ୍ୟକ୍ଷତାରେ ପଛୁଆ ବର୍ଗ ଜାତିଭିତ୍ତିକ ଜନଗଣନା ଓ ସମସ୍ୟା ସଂପର୍କରେ ଆଲୋଚନା ହୋଇଥିଲା । ଏହି ଆଲୋଚନାରେ ଓଡ଼ିଶାର ବିଭିନ୍ନ ଜିଲ୍ଲାର ଓବିସି ବର୍ଗର କଂଗ୍ରେସ ନେତୃବୃନ୍ଦ ଅଂଶ ଗ୍ରହଣ କରିଥିଲେ । ଦିନବ୍ୟାପୀ ଆଲୋଚନା ଓ ପର୍ଯ୍ୟାଲୋଚନା ହେବା ପରେ ଅପରାହ୍ନରେ ମହାମହିମ ରାଜ୍ୟପାଳଙ୍କୁ ପିସିସି ସଭାପତି ଓ କଂଗ୍ରେସର ବରିଷ୍ଠ ନେତୃବର୍ଗ ଏକ ସ୍ମାରକ ପତ୍ର ପ୍ରଦାନ କରାଇଥିଲେ । ଏହି ଅବସରରେ ପିସିସି ସଭାପତି ଶ୍ରୀ ଭକ୍ତଚରଣ ଦାସ କହିଥିଲେ ଯେ, ଓବିସି ଓ ଏସ୍.ସି.ବି.ସି. ଏବଂ ଏସ୍.ସି.ଏଷ୍ଟି ସଂପ୍ରଦାୟଙ୍କ ପ୍ରତି ବ୍ୟବସ୍ଥିତ ସଂରକ୍ଷଣ ଏବଂ ସାମାଜିକ ନ୍ୟାୟ ନୀତିଗୁଡ଼ିକର ତୁରନ୍ତ କାର୍ଯ୍ୟକାରୀ କରିବା ପାଇଁ ଆମେ ଦାବି କରୁଛୁ ।
ଯାହା ଫଳରେ ଏହି ବର୍ଗର ହଜାର ହଜାର ଛାତ୍ର ସେମାନଙ୍କୁ ମିଳିଥିବା ୨୭ ପ୍ରତିଶତ ସଂରକ୍ଷଣ ସୁଯୋଗ ପାଇବାରୁ ବଂଚିତ ହେଉଛନ୍ତି । ଏହି ବର୍ଗର ପ୍ରାୟ ୫୦ ହଜାର ନିଯୁକ୍ତି ଅନୁସନ୍ଧାନକାରୀ ସେମାନଙ୍କର ନ୍ୟାୟଗତ ଅଧିକାର ପାଇପାରୁନାହାନ୍ତି । ସେହିଭଳି ଓଡ଼ିଶା ଜନସଂଖ୍ୟାର ୪୦ ପ୍ରତିଶତ ଏସ୍.ସି ଓ ଏସ୍.ଟିି ବର୍ଗର କିନ୍ତୁ ସେମାନେ ବୈଷୟିକ ଶିକ୍ଷା କ୍ଷେତ୍ରରେ କେବଳ ୨୦ ପ୍ରତିଶତ ସଂରକ୍ଷଣ ବ୍ୟବସ୍ଥାର ସୁବିଧା ପାଉଛନ୍ତି । ଯାହାଫଳରେ ପ୍ରାୟ ୫୦୦୦ ଏସ୍.ସି.ଏସ୍.ଟି ଛାତ୍ରଛାତ୍ରୀ ଶିକ୍ଷା କ୍ଷେତ୍ରରେ ସେମାନଙ୍କର ନ୍ୟାୟଚିତ୍ତ ସୁଯୋଗରୁ ବଂଚିତ ହୋଇପଡ଼ୁଛନ୍ତି । ସେହିଭଳି ଏସ.ସି.,ଏସ୍.ଟି. ଓବିସି ଏବଂ ମାଇନୋରିଟିମାନଙ୍କର ବିତ୍ତିୟ ସଂସ୍ଥାନ ବର୍ଷ ବର୍ଷ ଧରି ଅକାମି ହୋଇପଡ଼ିଛି ।
୩. ୨୦୧୫ ମସିହା ସରକାରୀ ନିର୍ଦ୍ଦେଶାନାମା ଅନୁଯାୟୀ ବୈଷୟିକ ଏବଂ ବ୍ୟବହାରିକ ଶିକ୍ଷା କ୍ଷେତ୍ରରେ ଏସ୍.ସି.ଓ ଏସ୍.ଟି ଛାତ୍ରଛାତ୍ରୀମାନଙ୍କ ପାଇଁ ୩୮.୭୫ ପ୍ରତିଶତ ସଂରକ୍ଷଣ ବ୍ୟବସ୍ଥା ସଂପୂର୍ଣ୍ଣରୂପେ ବ୍ୟବସ୍ଥା କରାଯାଉ । ୪. ସଂବିଧାନର ଧାରା-୧୫(୫) ଅନୁଯାୟୀ ସଂରକ୍ଷଣ ନୀତିକୁ ଘରୋଇ ଶିକ୍ଷାନୁଷ୍ଠାନରେ ମଧ୍ୟ ବ୍ୟବସ୍ଥିତ କରାଯାଉ । ୫. ଏସ୍.ସି., ଏସ୍.ଟି, ଓବିସି ଓ ମାଇନୋରିଟି କର୍ପୋରେସନର ତୁରନ୍ତ ପୁନଃରୁଦ୍ଧାର କରାଯାଉ ଏବଂ ୫ ହଜାର କୋଟି ଟଙ୍କାର କର୍ପସଫଣ୍ଡ ବ୍ୟବସ୍ଥା କରାଯାଉ । ଏହି ବର୍ଗର ଉଦ୍ଦ୍ୟେଗୀମାନଙ୍କୁ ଉତ୍ସାହିତ କରିବା ପାଇଁ କମ୍ ସୁଧରେ ଋଣ ଏବଂ ଆବଶ୍ୟକୀୟ ଆର୍ଥିକ ବ୍ୟବସ୍ଥା କରାଯାଉ । ଏହି ବୈଠକକୁ ଶ୍ରୀ ବିଜୟାନନ୍ଦ ଚାଉଳିଆ ପରିଚାଳନା କରିଥିଲେ ।
