ଖୋର୍ଦ୍ଧା-ଜଟଣୀ (ଓଡ଼ିଶା ତାଜା ନ୍ୟୁଜ୍) :- ଆଇଆଇଟି ଭୁବନେଶ୍ୱର ସହିତ ମିଳିତ ଭାବରେ ଅଞ୍ଚଳରେ ସ୍ୱାସ୍ଥ୍ୟ, ସୁସ୍ଥତା ଏବଂ ସାମୁଦାୟିକ ବନ୍ଧନକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଇଷ୍ଟକୋଷ୍ଟ ରେଲୱେ ସ୍ପୋର୍ଟସ ଆସୋସିଏସନ (ଇକୋର୍ଷା) ଖୋର୍ଦ୍ଧାରୋଡ୍ ଏବଂ ଆଇଆଇଟି ଭୁବନେଶ୍ୱର ସହିତ ମିଳିତ ଭାବରେ “ଖୋର୍ଦ୍ଧାରୋଡ ହାଫ୍ ମାରାଥନ ଭୁବନେଶ୍ୱର ୨୦୨୫” ଆୟୋଜନ କରିବାକୁ ଯାଉଛି । ଏହି ପ୍ରମୁଖ ଫିଟନେସ୍ ଇଭେଣ୍ଟ ଆସନ୍ତା ଜୁନ୍ ମାସ ୧ତାରିଖ ରବିବାର ୨୦୨୫ ରେ ଅନୁଷ୍ଠିତ ହେବ।
ଏହି ମାରାଥନର ଲକ୍ଷ୍ୟ ଜଟଣୀ, ଖୋର୍ଦ୍ଧା ଏବଂ ବୃହତ୍ତର ଭୁବନେଶ୍ୱର ଅଞ୍ଚଳରେ ସ୍ୱାସ୍ଥ୍ୟ, ଫିଟନେସ୍ ଏବଂ ସାମୁଦାୟିକ ବନ୍ଧନକୁ ପ୍ରୋତ୍ସାହିତ କରିବା । ଏହି ପରିପ୍ରେକ୍ଷୀରେ, ଖୋର୍ଦ୍ଧାରୋଡ୍ ସ୍ଥିତ ଡିଭିଜନାଲ ରେଲୱେ ମ୍ୟାନେଜରଙ୍କ କାର୍ଯ୍ୟାଳୟର ସମ୍ମିଳନୀ କକ୍ଷରେ ଏକ ସାମ୍ବାଦିକ ସମ୍ମିଳନୀ ଆୟୋଜନ କରାଯାଇଥିଲା । ପୂର୍ବତଟ ରେଳବାଇ କ୍ରୀଡ଼ା ସଂଘର ଉପାଧ୍ୟକ୍ଷ ଏବଂ ଅତିରିକ୍ତ ମଣ୍ଡଳ ରେଳ ପ୍ରବନ୍ଧକ (ଅପରେସନ) ଶ୍ରୀ ପି.କେ.ବେହେରା ଗଣମାଧ୍ୟମକୁ ହାଫ୍ ମାରାଥନର ବିଭିନ୍ନ ବର୍ଗ, ବୈଶିଷ୍ଟ୍ୟ ଏବଂ ଲାଭ ବିଷୟରେ ସୂଚନା ଦେଇଥିଲେ ।
ଏହି ହାଫ୍ ମାରାଥନ୍, ୦୧.୦୬.୨୦୨୫ ସକାଳ ୪:୩୦ ସମୟରେ, ଜଟଣୀର ରେଳବାଇ କ୍ରିକେଟ୍ ଷ୍ଟାଡିୟମରୁ ଆରମ୍ଭ ହେବ ଏବଂ ଆଇଆଇଟି ଭୁବନେଶ୍ୱରରୁ ୟୁ-ଟର୍ଣ୍ଣ ପରେ ରେଳବାଇ ଷ୍ଟାଡିୟମରେ ସମାପ୍ତ ହେବ । ଏହି ମାରାଥନରେ ଛାତ୍ର,ବୃତ୍ତିଗତ, ଗୃହିଣୀ ଏବଂ ଅନ୍ୟାନ୍ୟ ସମସ୍ତ ପ୍ରକାରର ଅଂଶ ଗ୍ରହଣକାରୀ ସାମିଲ ଅଛନ୍ତି । ସମସ୍ତ ସ୍ତରର ଦୌଡ଼କୁ ଲକ୍ଷ୍ୟ କରି ଏହି ଇଭେଣ୍ଟରେ ଚାରୋଟି ରୋମାଞ୍ଚକର ଦୌଡ଼ ବର୍ଗ ରହିଛି । ଯଥା, ୨୧.୧ କିମି ସମୟ ସୀମା ଦୌଡ଼,୧୦ କିମି ସମୟ ସୀମା ଦୌଡ଼,୫ କିମି ମଜାଦାର ଦୌଡ଼ ଏବଂ ୨ କିମି ମଜାଦାର ଦୌଡ଼ ।
ବିଜେତା ମାନଙ୍କୁ ମୋଟ ୨ ଲକ୍ଷ ଟଙ୍କାର ନଗଦ ପୁରସ୍କାର ପ୍ରଦାନ କରାଯିବ।ଦୌଡ଼ ଶେଷରେ ସମସ୍ତ ଅଂଶ ଗ୍ରହଣ କାରୀଙ୍କୁ ଇ-ସାର୍ଟିଫିକେଟ୍, ଟି-ସାର୍ଟ,ଟାଇମିଂ ବିବ୍,ଫିନିସିଂ ପଦକ,ଖାଦ୍ୟ ଏବଂ ପାନୀୟ ଜଳ ପ୍ରଦାନ କରାଯିବ। ବିଭିନ୍ନ ବର୍ଗ ଏବଂ ପଞ୍ଜୀକରଣ ଫି:୧-୨୧.୧ କିଲୋମିଟର ସମୟ ସୀମା ବିଶିଷ୍ଟ ଦୌଡ଼ ପାଇଁ ପଞ୍ଜୀକରଣ ଶୁଳ୍କ ଟଙ୍କା ୬୯୯/- (୧୮ ବର୍ଷ ଏବଂ ତଦୁର୍ଦ୍ଧ୍ୱ ବୟସ ଗୋଷ୍ଠୀ)ଫି:୨- ୧୦ କିଲୋମିଟର ସମୟସୀମା ଦୌଡ଼ ପାଇଁ ପଞ୍ଜୀକରଣ ଫିସ୍ ୫୯୯/-ଟଙ୍କା (୧୮ ବର୍ଷ ଏବଂ ତଦୁର୍ଦ୍ଧ୍ୱ ବୟସ ଗୋଷ୍ଠୀ)୩-୫ କିଲୋମିଟର ମଜାଦାର ଦୌଡ଼ ପାଇଁ ପଞ୍ଜୀକରଣ ଶୁଳ୍କ ୪୯୯/-ଟଙ୍କା (୧୫ ବର୍ଷ ଏବଂ ତଦୁର୍ଦ୍ଧ୍ୱ ବୟସ ଗୋଷ୍ଠୀ)୪-୨ କିଲୋମିଟର ମଜାଦାର ଦୌଡ଼ ପାଇଁ ପଞ୍ଜୀକରଣ ଶୁଳ୍କ ୪୯୯/-ଟଙ୍କା (୮ ବର୍ଷ ଏବଂ ତଦୁର୍ଦ୍ଧ୍ୱ ବୟସ ଗୋଷ୍ଠୀ)
୨୧.୧ କିଲୋମିଟର ଦୌଡ଼ ବର୍ଗରେ ପ୍ରଥମ,ଦ୍ୱିତୀୟ ଏବଂ ତୃତୀୟ ଧାବକଙ୍କ ପାଇଁ ବିଭିନ୍ନ ବୟସ ଗୋଷ୍ଠୀ ଏବଂ ପୁରୁଷ ଓ ମହିଳାଙ୍କ ପାଇଁ ଯଥାକ୍ରମେ ୧୨୦୦୦/-ଟଙ୍କା, ୯୦୦୦/-ଟଙ୍କା ଏବଂ ୬୦୦୦/- ଟଙ୍କା ନଗଦ ପୁରସ୍କାର ଦିଆଯିବ। ସେହିପରି ୧୦ କିଲୋମିଟର ଦୌଡ଼ ବର୍ଗରେ ବିଭିନ୍ନ ବୟସ ଗୋଷ୍ଠୀ ଏବଂ ପୁରୁଷ ଓ ମହିଳାଙ୍କ ପାଇଁ ଯଥାକ୍ରମେ ପ୍ରଥମ,ଦ୍ୱିତୀୟ ଏବଂ ତୃତୀୟ ଧାବକଙ୍କ ପାଇଁ ୧୦,୦୦୦/- ଟଙ୍କା,୭୦୦୦/- ଟଙ୍କା ଏବଂ ୫୦୦୦/-ଟଙ୍କା ପୁରସ୍କାର ଦିଆଯିବ। ଅଂଶ ଗ୍ରହଣ କାରୀମାନଙ୍କୁ ୧୫.୦୫.୨୦୨୫ ସୁଦ୍ଧା ପଞ୍ଜୀକରଣ କରିବାକୁ ଏବଂ ଅପଡେଟ୍ ପାଇଁ ଅଫିସିଆଲ୍ ହ୍ୱାଟ୍ସଆପ୍ ଗ୍ରୁପରେ ଯୋଗ ଦେବାକୁ ଉତ୍ସାହିତ କରାଯାଉଛି।
ଶ୍ରୀ ପି.କେ.ବେହେରା କହିଥିଲେ ଯେ ହାଫ୍ ମାରାଥନ୍ କେବଳ ଏକ ଦୌଡ଼ ନୁହେଁ, ଏହା ସୁସ୍ଥ ଜୀବନ ଶୈଳୀ ଏବଂ ଶକ୍ତିଶାଳୀ ସମ୍ପ୍ରଦାୟକୁ ପ୍ରେରଣା ଦେବା ପାଇଁ ଏକ ଆନ୍ଦୋଳନ।ସେ କହିଥିଲେ ଯେ ଶାରୀରିକ ସୁସ୍ଥତାକୁ ପ୍ରୋତ୍ସାହିତ କରିବା ବ୍ୟତୀତ, ମାରାଥନ ପରିବେଶ ସଚେତନତା, ମହିଳା ମାନଙ୍କ ଅଂଶ ଗ୍ରହଣ ଏବଂ ସାମୁଦାୟିକ ସହଯୋଗ ବିଷୟରେ ସଚେତନତା ବୃଦ୍ଧି କରିବା ପାଇଁ ଏକ ମଞ୍ଚ ଭାବରେ କାର୍ଯ୍ୟ କରେ।
ସେ ସମସ୍ତଙ୍କୁ ହାଫ୍ ମାରାଥନରେ ଯୋଗଦେବା ଏବଂ ଏହି ପରିବର୍ତ୍ତନ ମୂଳକ କାର୍ଯ୍ୟକ୍ରମରେ ସାମିଲ ହେବାକୁ ଅନୁରୋଧ କରିଥିଲେ । ଏହି ସାମ୍ବାଦିକ ସମ୍ମିଳନୀରେ କ୍ରୀଡା ଅଧିକାରୀ ଏବଂ ବରିଷ୍ଠ ମଣ୍ଡଳ ବିତ୍ତ ପ୍ରବନ୍ଧକ ହିମାଦ୍ରି ଭୂଷଣ ବିଶ୍ୱାଳ, ଖୋର୍ଧା ରୋଡ୍ ମଣ୍ଡଳର ବରିଷ୍ଠ ବାଣିଜ୍ୟିକ ପ୍ରବନ୍ଧକ ଅନିଲ କୁମାର ଏସ କ୍ରୀଡା ସଚିବ ମହମ୍ମଦ ଜାକିରୁଦ୍ଦିନ୍ ଏବଂ ସହକାରୀ କ୍ରୀଡା ସଚିବ ଶ୍ରୀଯୁକ୍ତ ଜେ.ଏସ୍.ପାତ୍ର ଉପସ୍ଥିତ ଥିଲେ।
