ପୁରୀ (ଓଡ଼ିଶା ତାଜା ନ୍ୟୁଜ୍) :- ପୁରୀ ଜିଲ୍ଲା ଓକିଲସଙ୍ଘ ର ସତ୍ୟାଗ୍ରହ ୬୫ଦିନରେ ପହଞ୍ଚିଛି |ଜିଲ୍ଲା ଅଦାଲତ ଆଇ ଟି ଆଇ ପାଖ ବାଲୁଖଣ୍ଡ କୁ ଉଠିଯିବା ପାଇଁ ସରକାର ଜମି ଯୋଗାଇଦେଇଛନ୍ତି | ଯେଉଁ ଜମି ମଧୁର ଜଳ ଓ ଜଙ୍ଗଲ ଜମି ରହିଥିବା ଅଭିଯୋଗ ହେଉଛି | ଏହାକୁ ପ୍ରତିବାଦ କରି ଓକିଲସଙ୍ଘ ର ନିଷ୍ପତ୍ତି ଅନୁଯାଇ ଫେବୃଆରୀ ୨୮ ତାରିଖ ରୁ ସତ୍ୟାଗ୍ରହ ଚାଲୁରହିଛି | ଆଇନଜୀବୀମାନେ ଦାବୀ ପୂରଣ ନ ହେବା ପର୍ଯ୍ୟନ୍ତ ଏହି ସତ୍ୟାଗ୍ରହ ଚାଲୁ ରଖିଛନ୍ତି |
ଏ ସମ୍ପର୍କରେ ଆଇନଜୀବୀମାନେ କହିଛନ୍ତି ” ମରିବୁ ପଛେ ଡ଼ରିବୁ ନାହିଁ, ଭାଙ୍ଗିବୁ ପଛେ ନଇଁବୁ ନାହିଁ, ଆମ ଦାବୀ ପୂରଣ ନ ହେବା ପର୍ଯ୍ୟନ୍ତ ଆମେ ସତ୍ୟାଗ୍ରହ ରୁ ଉଠିବୁ ନାହିଁ |” ଆଜିର ସତ୍ୟାଗ୍ରହ ରେ ଆଇନଜୀବୀ ପ୍ରିୟଦର୍ଶନ ପଟ୍ଟନାୟକ (ପିକୁ ), ସଙ୍ଘ ର ପୂର୍ବତନ ସମ୍ପାଦକ ତଥା ଗତଥର ର ସଭାପତି ପ୍ରାର୍ଥୀ ସାରଦା ପ୍ରସାଦ ସାମଲ, ସୋମନାଥ ରଣା, ଶୁଭ୍ରାଂଶୁ ମିଶ୍ର, ପୂର୍ଣଚନ୍ଦ୍ର ମହାନ୍ତି,ସୋମନାଥ ଦାସ,ସୁଶାନ୍ତ ଦାସ ଓ ଅନ୍ୟ ଆଇନୀଜୀବୀମାନେ ସାମିଲ ହୋଇଥିଲେ |
ଅଦାଲତ ଉଠିଗଲେ ଖାଲି ଓକିଲ ନୁହେଁ ମହକିଲ ମଧ୍ୟ ଖର୍ଚ୍ଚାନ୍ତ ହେବେ | ମହକିଲ ସକାଳୁ ଓକିଲ ଙ୍କ ଘରକୁ ଯିବ ଓ ପରେ ବାଲୁଖଣ୍ଡ କୁ ଗଲେ ଅଧିକ ଖର୍ଚ୍ଚାନ୍ତ ହେବ | ଅଦାଲତ ନିକଟରେ ଥିବା କିଛି ସରକାରୀ ଜାଗା ମିଶାଇଦେଲେ ୫ଏକର ହେବ | ଏହି ନିଷ୍ପତ୍ତି ବଦଳାଇବା ପାଇଁ ସଙ୍ଘ ଦାବୀ କରିଛି |
