ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) :- ଭାରତୀୟ ଶିଳ୍ପ ମହାସଂଘ (ସିଆଇଆଇ), ଓଡିଶା ରାଜ୍ୟ ପରିଷଦ ଏହା ଘୋଷଣା କରି ଆନନ୍ଦିତ ଯେ, ବେଦାନ୍ତ ଲିମିଟେଡ, ଝାରସୁଗୁଡାର ଆଲୁମିନିୟମ ବିଜ୍ନେସ୍ ବିଭାଗର ମୁଖ୍ୟ ପରିଚାଳନା ଅଧିକାରୀ ଶ୍ରୀଯୁକ୍ତ ସୁନୀଲ ଗୁପ୍ତା ୨୦୨୫-୨୬ ବର୍ଷ ପାଇଁ ଏହାର ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଛନ୍ତି । ଏଏମ୍/ଏନଏସ ଇଣ୍ଡିଆର ଓଡିଶା ଆସେଟ୍ସ ଅପରେଶନ ବିଭାଗର କାର୍ଯ୍ୟକାରୀ ନିର୍ଦ୍ଦେଶକ ଶ୍ରୀଯୁକ୍ତ ସୁରେଶ ଜି.ଙ୍କୁ ସମାନ ଅବଧି ପାଇଁ ସିଆଇଆଇ, ଓଡିଶା ରାଜ୍ୟ ପରିଷଦର ଉପାଧ୍ୟକ୍ଷ ଭାବେ ନିର୍ବାଚିତ କରାଯାଇଛି । ଆଗାମୀ ବର୍ଷଗୁଡିକ ପାଇଁ ପ୍ରାଥମିକତା ସମ୍ପର୍କରେ ମତପ୍ରକାଶ କରି ଶ୍ରୀଯୁକ୍ତ ସୁନୀଲ ଗୁପ୍ତା ଏମ୍ଏସଏମଇ, ଧାତୁ ଓ ଖଣି, ସ୍ୱାସ୍ଥ୍ୟସେବା ଏବଂ କୃଷି ଓ ଖାଦ୍ୟ ପ୍ରକ୍ରିୟାକରଣ ଭଳି ଗୁରୁତ୍ୱପୂର୍ଣ୍ଣ କ୍ଷେତ୍ରଗୁଡିକରେ ଓଡିଶାର ବିକାଶକୁ ଆଗକୁ ପରିଚାଳନା କରିବା ଉପରେ ସିଆଇଆଇର ରଣନୈତିକ ମହତ୍ୱ ଉପରେ ଗୁରୁତ୍ୱାରୋପ କରିଛନ୍ତି ।
ସେ କହିଛନ୍ତି, “ ସିଆଇଆଇ ବିଶେଷ କରି ପଶ୍ଚିମ ଓଡିଶାରେ ସିଆଇଆଇ ପରିଚାଳନାଗୁଡିକୁ ବିସ୍ତାର କରି ଏବଂ ଶିଳ୍ପ, ଏମ୍ଏସ୍ଏମଇ, କୃଷି, ପରିବେଶ, ପର୍ଯ୍ୟଟନ ଓ ଦକ୍ଷତା ବିକାଶ ଭଳି ବିଭାଗ ଉପରେ ଓଡିଶା ସରକାରଙ୍କ ସହ ମିଳିତ ଭାବେ ସହଭାଗିତା କରି ରାଜ୍ୟରେ ସମାବେଶୀ ଆର୍ଥିକ ପ୍ରଗତିକୁ ଆଗକୁ ବଢାଇବା ପାଇଁ ଲକ୍ଷ୍ୟ ରଖିଛି ।” ସିଆଇଆଇ ମଧ୍ୟ ଗ୍ରୀନ ବିଲ୍ଡିଂ ସାର୍ଟିଫିକେଶନକୁ ପ୍ରୋତ୍ସାହିତ କରି, ରପ୍ତାନୀ କ୍ଷମତା ବୃଦ୍ଧି କରି ଏବଂ ସବୁଜ ପ୍ରକଳ୍ପଗୁଡିକ ମାଧ୍ୟମରେ ଭିତିଭୂମିକୁ ଉନ୍ନତ କରି ଓଡିଶାର ଶିଳ୍ପ ଇକୋସିଷ୍ଟମକୁ ମଜବୁତ କରିବା ଉପରେ ଗୁରୁତ୍ୱ ଦେବ । ଏମ୍ଏସ୍ଏମ୍ଇ କନେକ୍ଟ ସିରିଜ ଭଳି ପ୍ରମୁଖ ପଦକ୍ଷେପଗୁଡିକ କ୍ଷୁଦ୍ର ଉଦ୍ୟୋଗଗୁଡିକୁ ବୃହତ ଶିଳ୍ପ ଓ ପିଏସୟୁଗୁଡିକ ସହ ସଂଯୋଗ କରି ସମାବେଶୀ ଓ ସ୍ଥାୟୀ ଶିଳ୍ପ ବିକାଶ ସୁନିଶ୍ଚିତ କରିବ ।
ସେହିପରି ଶ୍ରୀଯୁକ୍ତ ସୁରେଶ ଜି ଓଡିଶାକୁ କ୍ଷେତ୍ରୀୟ ବିଶେଷଜ୍ଞତା ଆଣିବା ପାଇଁ ସିଆଇଆଇର ସେଂଟର୍ସ ଅଫ ଏକ୍ସିଲେନ୍ସକୁ ଉପଯୋଗ କରିବା ପାଇଁ ପରିଷଦର ପ୍ରତିବଦ୍ଧତାକୁ ଦୋହରାଇଛନ୍ତି । ସେ କହିଛନ୍ତି, “ଆମେ ଜିଏସ୍ଟି, ଜିଇଏମ, ଟିକ୍ୟୁଏମ ଓ ଏକ୍ସପୋର୍ଟ ଡକ୍ୟୁମେଂଟେଶନ ଉପରେ ତାଲିମ ପ୍ରଦାନ କରି ନିଯୁକ୍ତି ସୃଷ୍ଟି ଓ ଉତ୍ପାଦକତାକୁ ସମର୍ଥନ କରିବୁ । ଏଥିସହିତ ଆମେ ଓଡିଶାର ଯୁବପିଢିଙ୍କ ଦକ୍ଷତା ବୃଦ୍ଧି କରିବା ପାଇଁ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ସହ ସହଭାଗିତା କରିଛୁ ।” ସିଆଇଆଇର ରାଜ୍ୟ ପରିଷଦ ସିଆଇଆଇ ୱମେନ ନେଟ୍ୱର୍କ ମାଧ୍ୟମରେ ମହିଳାମାନଙ୍କୁ ସଶକ୍ତ କରିବା, ଉଦ୍ୟୋଗିକ ବିକାଶ ଓ ନେତୃତ୍ୱର ମହତ୍ୱ ଉପରେ ଗୁରୁତ୍ୱ ଦେଇଛି ।
ଏହାଛଡା ସିଆଇଆଇ ୟୁଏଲବି କର୍ମଚାରୀଙ୍କ କ୍ଷମତା ନିର୍ମାଣ ପାଇଁ ସହରାଂଚଳ ବିକାଶ ବିଭାଗଗୁଡିକ ସହ ନିୟୋଜିତ ହେବ ଏବଂ ସଂଯୋଗ ଓ ସ୍ୱାସ୍ଥ୍ୟସେବା ଭିତିଭୂମିକୁ ଉନ୍ନତ କରି ମେଡିକାଲ ଟୁରିଜିମକୁ ସପୋର୍ଟ କରିବ । ବ୍ୟାପକ ବିକାଶମୂଳକ ଏଜେଣ୍ଡାର ଅଂଶ ଭାବେ ସିଆଇଆଇ ଓଡିଶା ପର୍ଯ୍ୟଟନ, ଉଦ୍ଭାବନ, ସହରୀକରଣ, ପରିବହନ ଓ ମଲ୍ଟି-ମୋଡାଲ ଲଜିଷ୍ଟିକ୍ସ, ମତ୍ସ୍ୟ ଓ ଜଳୀୟ କୃଷି, ଜଳବାୟୁ ସ୍ଥିରତା, ଶକ୍ତି ରୂପାନ୍ତରଣ ଏବଂ ଓଡିଶାର ସମୃଦ୍ଧ କଳା, ଐତିହ୍ୟ ଓ କ୍ରୀଡା କ୍ଷେତ୍ରର ସଂରକ୍ଷଣ କ୍ଷେତ୍ରରେ ବିଭିନ୍ନ ପଦକ୍ଷେପକୁ କାର୍ଯ୍ୟକାରୀ କରିବ । ମିଳିତ ଭାବେ ସିଆଇଆଇ ଓ ଏହାର ନୂଆ ନେତୃତ୍ୱ ବ୍ୟବସାୟଗୁଡିକ ପାଇଁ ଏକ ସକ୍ଷମକାରୀ ପରିବେଶ ସୃଷ୍ଟି କରିବା, ସମୁଦାୟଗୁଡିକୁ ସଶକ୍ତ କରିବା ଏବଂ ଓଡିଶାର ସ୍ଥାୟୀ ଆର୍ଥିକ ରୂପାନ୍ତରଣ ପାଇଁ ନୀତିଗତ ସମର୍ଥନକୁ ସହଯୋଗ କରିବା ପାଇଁ ପ୍ରତିବଦ୍ଧ ରହିଛନ୍ତି ।
