ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) :- ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକଶିତ ଭାରତ ସ୍ବପ୍ନକୁ ସଫଳ କରାଇବା ପାଇଁ ମହିଳା ସଶକ୍ତିକରଣ ଏବେ ଦେଶରେ ଆଗକୁ ବଢୁଛି । ଦେଶରେ ଏବେ ଦେଢ଼ କୋଟିରୁ ଅଧିକ ମହିଳା ଏସ ଏଚ ଜି ଜରିଆରେ ସଶକ୍ତ ହୋଇପାରିଛନ୍ତି ।
ଇଣ୍ଡିଆନ ବ୍ୟାଙ୍କ ଓଡିଶା ଏ ଦିଗରେ କାର୍ଯ୍ୟ କରି ଓଡିଶାରେ ମହିଳା ସଶକ୍ତିକରଣକୁ ବାସ୍ତବ ରୂପ ଦେଇଛି । ଏହି ଅବସରରେ ଇଣ୍ଡିଆନ ବ୍ୟାଙ୍କ ୫୦୯ କୋଟି ଟଙ୍କା ମହିଳା ଏସ ଏଚ ଜି ଙ୍କ ପାଇଁ ମଞ୍ଜୁରୀ ଦେଇଛି ।
ଭୁବନେଶ୍ୱର ରେଳ ପ୍ରେକ୍ଷାଳୟ ରେ ଆୟୋଜିତ ଏ ସମ୍ପର୍କିତ ଋଣ ଶିବିରକୁ ଭାରତ ସରକାରଙ୍କ ଅର୍ଥ ମନ୍ତ୍ରଣାଳୟର ସଚିବ ଏମ ନାଗରାଜୁ ଅନୁଷ୍ଠାନିକ ଉଦଘାଟନ କରିଥିବା ବେଳେ ଇଣ୍ଡିଆନ ବ୍ୟାଙ୍କର ପରିଚାଳନା ନିର୍ଦେଶକ ବିନୋଦ କୁମାର ଶିବିର କାର୍ଯ୍ୟକ୍ରମରେ ଉପସ୍ଥିତ ଥିଲେ । କାର୍ଯ୍ୟକ୍ରମରେ ରାଜ୍ୟର ଏସ ଏଚ ଜି ମହିଳା ଗ୍ରୁପ ଗୁଡିକ ସେମାନଙ୍କ ସଫଳତା ବଖାଣିଥିଲେ ।
