ବାଙ୍କୀ (ଓଡ଼ିଶା ତାଜା ନ୍ୟୁଜ୍ ) :- ମାଲେଏସିଆ ଦେଶର ନେତାଜୀ ସୁବାସ ଚନ୍ଦ୍ର ବୋଷ ଭାରତୀୟ ସଂସ୍କୃତି କେନ୍ଦ୍ର କ୍ୱାଲାଲମପୁର ଠାରେ ଆୟୋଜିତ ସୌର କଳା ଏବଂ ବାଉଁଶ ହସ୍ତଶୀଳ୍ପ କର୍ମଶାଳାରେ ଓଡ଼ିଆ ପୁଅ ତଥା ବାଙ୍କୀର ବାଉଁଶ ଓ ବେତଶିଳ୍ପୀ ଏକାଦଶୀ ବାରିକ ଯୋଗଦାନ କରି ବାଉଁଶ ଶୀଳ୍ପ ଉପରେ ସେଠାକାର ଛାତ୍ରଛାତ୍ରୀମାନଙ୍କୁ ବାଉଁଶ କଳାର ପାରମ୍ପରିକ ଶୀଳ୍ପ ଓ ବ୍ୟବହାର ଉପରେ ପ୍ରଶିକ୍ଷଣ ପ୍ରଦାନ କରିଛନ୍ତି । ଏହି କର୍ମଶାଳାକୁ ମାଲେଏସିଆ ଓଡ଼ିଆ ସଂଘ ଆନୁକୁଲ୍ୟରେ ସେଠାକାର ୪୫ଜଣ ସ୍କୁଲ ଛାତ୍ର ସହିତ ୧୦୦ଜଣ ଶିଳ୍ପୀ ଯୋଗଦାନ କରିଥିଲେ ।
ଏହି କାର୍ଯ୍ୟକ୍ରମରେ ଓଡ଼ିଶାର ପାରମ୍ପରିକ ଆଦିବାସୀ କଳାକାର ପ୍ରଭାତ ମହାରଣା ଓ ବାଉଁଶ ଶିଳ୍ପ ଡିଜାଇନର୍ ପ୍ରିୟଦର୍ଶିନୀ ସାହୁ ଯୋଗଦାନ କରି ବାଉଁଶ କଳାକୃତ ଉପରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମକୁ ମାଲେଏସିଆ ଓଡ଼ିଆ ସଂଘର ସତ୍ୟବ୍ରତ ନାୟକ, ସ୍ନିଗ୍ଧା ମିଶ୍ର, ହୃଦାନନ୍ଦ ପଟ୍ଟନାୟକ, ଉମେଶ ମହାରଣା ଓ ଦୀପକ ମନ୍ତ୍ରୀ ସହଯୋଗ କରିଥିଲେ । ବିଶେଷ କରି ଏହି କର୍ମଶାଳାରେ ସାଂସ୍କୃତି ଓ ପରିବେଶଗତ , ପାରମ୍ପରିକ ବାଉଁଶ ହସ୍ତଶିଳ୍ପ ଉପରେ ଶ୍ରୀ ବାରିକ ଛାତ୍ରଛାତ୍ରୀମାନଙ୍କୁ ବିଭିନ୍ନ ଉଦାହରଣ ମାଧ୍ୟମରେ ପ୍ରଶିକ୍ଷଣ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମକୁ ସେଠାକାର ଛାତ୍ରଛାତ୍ରୀ ଓ ଯୁବକମାନେ ଅଭ୍ୟାସ କଲେ ବାଉଁଶ ଶିଳ୍ପର ଚାହିଦା ବଢ଼ିବ ବୋଲି ଆୟୋଜକମାନେ କହିଥିଲେ ।
