କଟକ (ଓଡ଼ିଶା ତାଜା ନ୍ୟୁଜ୍) :- ରାଷ୍ଟ୍ରୀୟ ପତ୍ରକାର ସଂଘ, ନୂଆ ଦିଲ୍ଲୀ ର ଓଡ଼ିଶା ଶାଖା ପକ୍ଷରୁ ବିଗତ ଦୁଇଦିନ ପୂର୍ବରୁ ପୁରୀ ଶ୍ରୀମନ୍ଦିରରେ “ବଡ଼ ଖବର”ର ମହିଳା ସାମ୍ବାଦିକାଙ୍କୁ ମନ୍ଦିର ପରିସର ରେ ସେବାୟତମାନେ ଆକ୍ରମଣ କରିଥିବା ଏବଂ ଏତଲା ଦାଏର ହେବା ପରେ ମଧ୍ୟ ପୁରୀ ପୋଲିସ୍ ନୀରବ ରହିବା ଘଟଣା କୁ ନେଇ ଆଜି ରାଷ୍ଟ୍ରୀୟ ପତ୍ରକାର ସଂଘ, ଓଡ଼ିଶା ଶାଖାର ରାଜ୍ୟ ସଭାପତି ଶ୍ରୀ ସଞ୍ଜୟ କୁମାର ଶତପଥୀଙ୍କ ନେତୃତ୍ବରେ ଏକ ୧୦ ଜଣିଆ କାର୍ଯ୍ୟରତ ସାମ୍ବାଦିକ ଦଳ କଟକର ବକ୍ସିବଜାର ସ୍ଥିତ ଓଡ଼ିଶା ପୋଲିସ୍ ମହାନିର୍ଦ୍ଦେଶକଙ୍କ କାର୍ଯ୍ୟାଳୟକୁ ଯାଇ ମାନନୀୟ ମହାନିର୍ଦ୍ଦେଶକଙ୍କ ଅନୁପସ୍ଥିତିରେ ମାନନୀୟ ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ ଶ୍ରୀ ସୈ।ମେନ୍ଦ୍ର ପ୍ରିୟଦର୍ଶି (ଭା.ପୋ.ସେ) ଙ୍କୁ ସାକ୍ଷାତ କରିବା ସହ ଏହି ଘଟଣାର ତଦନ୍ତ କରି ସାମ୍ବାଦିକା ତଥା ବିଶେଷକରି ମହିଳା ଆକ୍ରମଣକାରୀ ସେବାୟତଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏକ ଦାବୀପତ୍ର ପ୍ରଦାନ କରିଛନ୍ତି।
ମାନନୀୟ ଅତିରିକ୍ତ ମହାନିର୍ଦ୍ଦେଶକ ଏହି ଦାବୀପତ୍ର ବିଷୟରେ ପ୍ରତିନିଧି ମଣ୍ଡଳୀଙ୍କ ସହ ପୁଙ୍ଖାନୁପୁଙ୍ଖ ଆଲୋଚନା କରିବା ପରେ ଏହି ଘଟଣା ବିଷୟରେ ବିହିତ ପଦକ୍ଷେପ ନେବେ ବୋଲି ପ୍ରତିଶୃତି ଦେଇଥିଲେ। ସାମ୍ବାଦିକମାନଙ୍କ ପ୍ରଶ୍ନ ର ଉତ୍ତର ରେ ସଂଘ ର ସଭାପତି ଶ୍ରୀ ଶତପଥୀ ଓଡ଼ିଶାରେ ସାମ୍ବାଦିକ ମାନଙ୍କୁ ଆକ୍ରମଣ ବଢ଼ିଚାଲିଛି କିନ୍ତୁ ସାମ୍ବାଦିକ ସୁରକ୍ଷା ଲାଗି ରାଜନୈତିକ, ପ୍ରଶାସନ ବା ପୋଲିସ୍ ପକ୍ଷରୁ କୌଣସି ପ୍ରସ୍ତାବ ହିଁ ନାହିଁ। ଏହାହିଁ ପରିତାପର ବିଷୟ। ଯଦି ଆଗକୁ କୈାଣସି ସାମ୍ବାଦିକ ଆକ୍ରମଣର ଶିକାର ହୁଅନ୍ତି ତେବେ ରାଷ୍ଟ୍ରୀୟ ପତ୍ରକାର ସଂଘ ଏହାର ଉତ୍ତରରେ ଓଡ଼ିଶା ପୋଲିସ୍ ମହାନିର୍ଦ୍ଦେଶକ ଙ୍କ କାର୍ଯ୍ୟାଳୟ ସମ୍ମୁଖରେ ଶାନ୍ତିପୂର୍ଣ୍ଣ ଭାବେ ଧାରଣା ହିଁ ଦେବ।
ବରିଷ୍ଠ ସଦସ୍ୟ ଶ୍ରୀ ପ୍ରିୟବ୍ରତ ପଟ୍ଟନାୟକ ସମସ୍ତ ଙ୍କ ଦୁଃଖ ଦୁର୍ଦ୍ଦଶା କୁ ସମାଧାନ କରିବା ଲାଗି ଅହୋରାତ୍ର କାର୍ଯ୍ୟରତ ସାମ୍ବାଦିକ ମାନଙ୍କୁ ଆକ୍ରମଣ ର ବିକଳ୍ପ ସରକାର କରିବା ସହ ସାମ୍ବାଦିକ ସୁରକ୍ଷା ଆଇନ୍ ପ୍ରଣୟନ କରିବାକୁ ଅନୁରୋଧ କରିଥିଲେ। ଏହି କାର୍ଯ୍ୟକ୍ରମରେ ସାମ୍ବାଦିକ ଶ୍ରୀ ଜିତେନ୍ଦ୍ର କୁମାର ପଣ୍ଡା, ପୃଷ୍ଠଭୂମି, ଶ୍ରୀ ପ୍ରିୟବ୍ରତ ପଟ୍ଟନାୟକ,ବଡ଼ ଖବର, ଶ୍ରୀ ନିରଞ୍ଜନ ଆଚାର୍ଯ୍ୟ, କାମୟାବ୍, ଶ୍ରୀ କମଲ କୁମାର ନାୟକ,ଭଞ୍ଜଦୁତ, ଶ୍ରୀ ଦୁର୍ଲଭ ମହାରଣା,ବସୁଧା, ଶ୍ରୀ ପ୍ରଦୀପ୍ତ କୁମାର ଘଡେ଼ଇ, ସକାଳ ସାଥୀ, ଶ୍ରୀ ସଉଟୀ ସାଗର,ଆଇ.ନ୍ଯୂଜ୍, ଶ୍ରୀ ସଞ୍ଜିବ କୁମାର ସିଂ, ବାସ୍ତବ ଟିଭି,ଓ ଅନ୍ଯ ସାମ୍ବାଦିକମାନେ ଯୋଗଦେଇଥିଲେ। ଏହି କାର୍ଯ୍ୟକ୍ରମ ରେ ଶାନ୍ତି ଶୃଙ୍ଖଳା, ସୁରକ୍ଷା ଓ ସାମ୍ବାଦିକମାନଙ୍କୁ ସାହାଯ୍ୟ ଲାଗି କ୍ଯାଣ୍ଟନମେଣ୍ଟ ଥାନା ପକ୍ଷରୁ ବ୍ୟବସ୍ଥା କରାଯାଇଥିଲା।
