ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) :- ଭୁବନେଶ୍ୱର ସଂସଦୀୟ କ୍ଷେତ୍ରର ଅଧିବାସୀଙ୍କୁ ନେଇ ସାଂସଦ ଶ୍ରୀମତୀ ଅପରାଜିତା ଷଡ଼ଙ୍ଗୀଙ୍କ କାର୍ଯ୍ୟାଳୟରେ ଏକ ଜନଶୁଣାଣୀ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ଯେଉଁଥିରେ ନିଜେ ଅପରାଜିତା ଉପସ୍ଥିତ ରହି ଜଣଜଣ କରି ୮ଶହରୁ ଉର୍ଦ୍ଧ୍ୱ ଲୋକଙ୍କର ସମସ୍ୟା ଶୁଣିଛନ୍ତି । ସଂନ୍ଧ୍ୟା ୫ ଟାରୁ ଆରମ୍ଭ କରି ରାତି ୧୧ଟା ପର୍ଯ୍ୟନ୍ତ ଅନବରତଭାବେ ସାଂସଦ ସମସ୍ୟାମାନ ଶୁଣିଥିଲେ । ବିଶେଷ କରି ପ୍ରଧାନମନ୍ତ୍ରୀ ଆବାସ ଯୋଜନାଠୁ ଆରମ୍ଭ କରି ରାସନ କାର୍ଡ, ଲେବର କାର୍ଡ, ସ୍କୁଲରେ ଆଡମିଶନ, ମେଡ଼ିକାଲ ସମ୍ୱନ୍ଧୀୟ ଭଳି ବିଭିନ୍ନ ପ୍ରକାରର ସମସ୍ୟା ନେଇ ମ୍ୟାଡାମ ଅପରାଜିତାଙ୍କ ପାଖରେ ପହଞ୍ଚିଥିଲେ ଅଞ୍ଚଳବାସୀ ।
ତେବେ ଗ୍ରାମାଞ୍ଚଳରୁ ଅଧିକ ଲୋକ ଏହି ଜନଶୁଣାଣୀ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଆଉ ସମସ୍ୟାମାନ ଶୁଣିବା କ୍ଷଣି ତତକ୍ଷଣାତ୍ ତାର ସମାଧାନ ଲାଗି ପ୍ରୟାସ କରିଛନ୍ତି ଅପରାଜିତା ଷଡ଼ଙ୍ଗୀ । ବିଭାଗୀୟ ଅଧିକାରୀଙ୍କୁ ଫୋନ ଯୋଗେ ଯୋଗାଯୋଗ କରି ସମସ୍ୟା ସମ୍ପର୍କରେ ଅବଗତ କରାଇବା ସହ ଦରକାରସ୍ଥଳେ ତାଗିଡ୍ ମଧ୍ୟ କରିଛନ୍ତି ।
ଆଉ କିଛି ସମସ୍ୟାର ଆଶୁ ସମାଧାନ ଲାଗି ବିଭିନ୍ନ ବିଭାଗକୁ ଟିଠି ମଧ୍ୟ କରିଛନ୍ତି ଅପରାଜିତା । ଯେମିତିହେଲେ ବି ସମସ୍ତଙ୍କ ଅଭିଯୋଗର ତୁରନ୍ତ ସମାଧାନ ହେବ ବୋଲି ପ୍ରତିଶ୍ରୁତି ପାଇବା ପରେ ନିଜର ଖୁସିବ୍ୟକ୍ତ କରିଛନ୍ତି ଅଭିଯୋଗକାରୀ । ଆଗରୁ ବିଭିନ୍ନ ସମୟରେ ଅପରାଜିତାଙ୍କ କାର୍ଯ୍ୟାଳୟ ତରଫରୁ ଏମିତି ଜନଶୁଣାଣୀ କାର୍ଯ୍ୟକ୍ରମମାନ ଆୟୋଜିତ ହୋଇଯାଇଛି । ଆଉ ଲୋକେ ବି ଏହାର ସୁଫଳ ପାଇଛନ୍ତି । ଆଗକୁ ମଧ୍ୟ ଏହି ପ୍ରୟାସ ଜାରି ରହିବ ବୋଲି କହିଛନ୍ତି ସାଂସଦ ଅପରାଜିତା ଷଡ଼ଙ୍ଗୀ ।
