ବାଣପୁର (ଓଡ଼ିଶା ତାଜା ନ୍ୟୁଜ୍) :- ବାଣପୁର ର ଅଗ୍ରଣୀ ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ଶର୍ମି କାବ୍ୟ ଲେଖା ସାହିତ୍ୟ ସଂସଦ ପକ୍ଷରୁ ଏକ ରାଜ୍ୟସ୍ତରୀୟ କବି ଓ ସାହିତ୍ୟିକ ସମ୍ମିଳନୀ ବାଣପୁର ବିଧାରପୁର ସ୍ଥିତ ଶୁଭ କଲ୍ୟାଣ ମଣ୍ଡପ ଓ ପରିଡ଼ା ପାଠାଗାର ପରିସର ରେ ବର୍ଣ୍ଣାଢ଼୍ୟ ପରିଵେଶ ରେ ଅନୁଷ୍ଠିତ ହୋଇଯାଇଛି। ରାଜ୍ୟର ବିଭିନ୍ନ ପ୍ରାନ୍ତରୁ ଆଗତ ତିନିଶହରୁ ଉର୍ଦ୍ଧ୍ଵ ସାହିତ୍ୟିକ ମାନଙ୍କ ସମାବେଶରେ ଅନୁଷ୍ଠାନ ର ପ୍ରତିଷ୍ଠାତା ସମ୍ପାଦିକା ନ୍ରୃତ୍ୟ ପଟ୍ଟିୟସୀ ଶର୍ମିଷ୍ଠା ପଲାଇ ଙ୍କ ସାମଗ୍ରିକ ପରିଚାଳନା ରେ ଅନୁଷ୍ଠିତ ଏହି ଉତ୍ସବ ରେ ମୁଖ୍ୟ ଅତିଥି ଭାବେ ବିଶିଷ୍ଟ ଶିକ୍ଷାବିତ,
ସମାଜସେବୀ ଶଶଧର ପଣ୍ଡା, ଉଦ୍ ଘାଟକ ଭାବେ ଓଡିଆ ଭାଷାର ପ୍ରତିଷ୍ଠାନ ର ପ୍ରାକ୍ତନ ନିର୍ଦ୍ଦେଶକ ହରିହର କାନୁନଗୋ, ସମ୍ମାନିତ ଅତିଥି ଭାବେ ନାଟ୍ୟକାର ଭିକାରୀ ଚରଣ ପ୍ରଧାନ, ଇଞ୍ଜିନିୟର ଗୈ। ରଚନ୍ଦ୍ର ମହାପାତ୍ର,ଆଡ୍ ଭୋକେଟ୍ ରବୀନ୍ଦ୍ରନାଥ ମାନସିଂହ, ସାହିତ୍ୟ ସଂସ୍କୃତି ସମାରୋହ ର ପ୍ରତିଷ୍ଠାତା ପ୍ରଣବ ଛୋଟରାୟ, ବ୍ୟଙ୍ଗ କବି ସମ୍ପଦ ରଥ,ନିଖିଳେଶ ମହାନ୍ତି, ବରିଷ୍ଠ କବି ପୁରୁଷୋତ୍ତମ ମହାପାତ୍ର, ପ୍ରମୁଖ ଯୋଗଦେଇ ଓଡ଼ିଆ କବିତାର ଉତ୍ତରଣରେ ଉଦୀୟମାନ ତରୁଣ ଓ ପ୍ରବୀଣ କବି ସାହିତ୍ୟିକ ମାନଙ୍କ ର ଗୁରୁତ୍ବପୂର୍ଣ୍ଣ ଭୂମିକାର ଆବଶ୍ୟକତା ରହିଛି ବୋଲି ମତ ଦେବା ସହିତ ଓଡ଼ିଶା ର ସାରସ୍ବତ ଜଗତକୁ ବାଣପୁର ମାଟି ର ଅବଦାନ ର ଭୂୟସୀ ପ୍ରଶଂସା କରିଥିଲେ।
ଏହି ଅବସରରେ ଅନୁଷ୍ଠାନ ର ବାର୍ଷିକ ସ୍ମରଣିକା ଓ କବିତା ପୁସ୍ତକ ନୀରବ ମୂର୍ଚ୍ଛନା ଉନ୍ମୋଚିତ ହୋଇଥିଲା । କବି ତେଜସ୍ଵିନୀ ଶର୍ମିଷ୍ଠା ପଲାଇ ଆନୁଷ୍ଠାନିକ ବିବରଣୀ ପଠନ କରିଥଲେ ଏବଂ ଏହାପରେ ଅଢେଇ ଶହରୁ ଊର୍ଦ୍ଧ୍ବ କବି ଙ୍କୁ ସେମାନଙ୍କ ର ସାରସ୍ବତ ସାଧନା ପାଇଁ ମାନପତ୍ର ଓ ଉପଢ଼ୌକନ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା । ପ୍ରାରମ୍ଭରେ ଆନୁଷ୍ଠାନିକ ଭାବେ କବୟିତ୍ରୀ ମାନଙ୍କ ଦ୍ଵାରା ବନ୍ଦେ ଉତ୍କଳ ଜନନୀ ସଙ୍ଗୀତ ଏବଂ ଆନୁଷ୍ଠାନିକ ସଙ୍ଗୀତ ଗାନ କରାଯାଇଥିଲା । ଚିଲିକା ସାହିତ୍ୟ ସମାଜର ସଭାପତି କବି ଵାଜ ମୁକୁନ୍ଦ ଦାସ ଉତ୍ସବ ରେ ଅଧ୍ୟକ୍ଷତା କରିଥିଲେ। ଦିବସ ବ୍ୟାପୀ ଏହି କାର୍ଯ୍ୟକ୍ରମର ସଫଳତା ପାଇଁ ସାହିତ୍ୟ ସିନ୍ଦୁରା ଓ ପରିଡ଼ା ପାଠାଗାର ର ପ୍ରତିଷ୍ଠାତା ସମ୍ପାଦକ ଗୋଲକ ବିହାରୀ ପରିଡ଼ା, ବିଶିଷ୍ଟ ପାଲା ଗାୟକ ରାମଚନ୍ଦ୍ର କର , ଓଡ଼ିଶୀ ନ୍ରୃତ୍ୟ ଗୁରୁ ମାଧବ ଚନ୍ଦ୍ର ପଲେଇ ପ୍ରମୁଖ ସାହିତ୍ୟିକ ମାନଙ୍କୁ ସ୍ଵତନ୍ତ୍ର ଭାବେ ସମ୍ମାନିତ କରାଯାଇଥିଲା ।
