ବାଙ୍କୀ (ଓଡ଼ିଶା ତାଜା ନ୍ୟୁଜ୍) ଡମପଡ଼ା – ଓଡିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଭାସୀ ମାଧ୍ୟମରେ ବାଙ୍କୀ ଓ ଡମପଡ଼ା ବ୍ଲକରେ ଅନ୍ତ୍ୟୋଦୟ ଗୃହଯୋଜନା ଲୋକାର୍ପଣ କରିଛନ୍ତି । ଏଥିରେ ଭିନ୍ନକ୍ଷମ, ବିଧବା, ରୋଗାକ୍ରାନ୍ତ, ସହିଦ ପରିବାର, ଘରପୋଡି, ହାତୀ ଉପଦ୍ରବ ଓ ବନ୍ୟାବାତ୍ୟା କ୍ଷତିଗ୍ରସ୍ତ ଯୋଗ୍ୟ ପରିବାରକୁ ଗୃହ ମଞ୍ଜୁର କରାଯାଇଛି । ଏହି ପରିପ୍ରେକ୍ଷୀରେ ଡମପଡ଼ା ଓ ବାଙ୍କୀ ବ୍ଲକରେ ଅନ୍ତ୍ୟୋଦୟ ଯୋଜନା କାର୍ଯ୍ୟକ୍ରମ ଅନୁଯାୟୀ ପକ୍କା ଘର ବଣ୍ଟନ କରାଯାଇଥିଲା ।
ଡମପଡ଼ା ବ୍ଲକ ବିଡିଓ ଅଂଶୁମାନ ଦାସ, ଅଧ୍ୟକ୍ଷ ପ୍ରଣବ କିଶୋର ପଟେଲ, ଜିଲ୍ଲାପରିଷଦ ସଦସ୍ୟା ମିନତୀ ମହାପାତ୍ର, ସାଂସଦଙ୍କ ପ୍ରତିନିଧି ସରୋଜ କୁମାର ମତଗଜ ସିଂହଙ୍କ ସମେତ ୧୭ଟି ପଂଚାୟତର ସରପଂଚ, ସମିତି ସଭ୍ୟଙ୍କ ସମେତ ସମସ୍ତ କର୍ମଚାରୀ ଉପସ୍ଥିତ ଥିଲେ । ସେହିପରି ବାଙ୍କୀ ବ୍ଲକରେ ବିଡିଓ ସଂଗ୍ରାମ ଭଳ, ଅଧ୍ୟକ୍ଷା ଜିଲ୍ଲାପରିଷଦ ସଦସ୍ୟଙ୍କ ସମେତ ସମସ୍ତ ସରପଂଚ ଓ ସମିତି ସଭ୍ୟ ଉପସ୍ଥିତ ଥିଲେ ।
