ବାଲିପାଟଣା (ଓଡ଼ିଶା ତାଜା ନ୍ୟୁଜ୍) :- ବହୁ ବର୍ଷ ଧରି ରାଜ୍ୟରେ ପ୍ରସିଦ୍ଧ ଲାଭ କରିଥିବା ପୁରୀ ଓ ଖୋର୍ଦ୍ଧା ଜିଲ୍ଲାର ମିଳନ ସ୍ଥଳି ବାଲିପାଟଣା ବ୍ଲକ ସୀମାନ୍ତ ଛିଟିକିଣି ଗ୍ରାମର ବନବିହାରୀ ପୀଠରେ ଦୀର୍ଘ ବର୍ଷର ପ୍ରାଚୀନତମ ପ୍ରକୃତି ପୂଜାର ପରମ୍ପରାର ଆସ୍ଥା ଓ ବିଶ୍ୱାସର ପ୍ରତୀକ ମାଇପି ମେଳାରେ ଲକ୍ଷାଧିକ ମହିଳା ସମାଗମ ହୋଇଥିବା ଦେଖିବାକୁ ମିଳିଛି। ଯେଉଁଠି ରାଜ୍ୟର ବିଭିନ୍ନ ଅଞ୍ଚଳରୁ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ମହିଳାମାନେ ମା , ବନବିହାରୀ ପୀଠକୁ ଆସି ମା, ବନବିହାରୀଙ୍କୁ ଦର୍ଶନ କରିବା ସହ ଅଧିଆ ପଡି,ସେମାନଙ୍କ ମନସ୍କାମନା ପୂରଣ କରିଥାଆନ୍ତି, ରାଜ୍ୟର ଏହି ବୃକ୍ଷ ପୂଜା ତଥା ପ୍ରକୃତି ପୂଜା ଏକ ଅନନ୍ୟ ପରମ୍ପରାର ସ୍ଵତନ୍ତ୍ର ସ୍ଥାନ ଅଧିକାର କରିଛି ।
ଲୋକ କଥା ଅନୁଯାଇ ଛିଟିକିଣୀ ଗ୍ରାମର ମାଆ, ବନବିହାରୀଙ୍କ ପୀଠରେ ଥିବା ଗୋଟିଏ ବଣୁଆ କୋଳି ଗଛ ରହିଛି, କାହିଁ କେଉଁ ଆବାହନ କାଳରୁ ଏହି ବୃକ୍ଷଟି ପୂଜାପାଇ ଆସୁଅଛି, ଆଉ ଏହି ଗଛ ହେଉଛି ଆସ୍ଥା ଓ ବିଶ୍ୱାସର ପ୍ରତୀକ ବନବିହାରୀ ଠାକୁରାଣୀ, ଯିଏ ଯାହା ମାନସିକ ପୂରଣ ଲାଗି ମାଆ, ଙ୍କୁ ଡାକନ୍ତି ସେମାନଙ୍କର ମନସ୍କାମନା ପୂରଣ ହୁଏ ବୋଲି ବିଶ୍ବାସ ରହିଛି , ଏହି ପୀଠରେ କୌଣସି ମନ୍ଦିର ନାହିଁ, କେବଳ ଅଛି ଗୋଟିଏ ବଣୁଆ କୋଳି ଗଛ, ଲୋକ କଥା ଅନୁସାରେ ଶତାଧିକ ବର୍ଷ ପୂର୍ବେ କିଛି ସ୍ତ୍ରୀ ଲୋକ ପ୍ରଥମେ ଏଠାରେ ମେଳା ଆରମ୍ଭ କରିଥିବାରୁ ଏହା ମାଇପୀ ମେଳା ବା ବୁଢୀ ମେଳା ଭାବେ ପରିଚିତ,
ପୁଜାବିଧି ଅନୁସାରେ ଉଦୁଉଦିଆ ପ୍ରଚଣ୍ଡ ଖରାରେ ମୁଣ୍ଡ ଉପରେ ନଡ଼ିଆ ରଖି ମହିଳାମାନେ ସେମାନଙ୍କର ବିଭିନ୍ନ ମାନସିକ ପୂରଣ ଲାଗି ଏହି ବୃକ୍ଷ ଦେବତାଙ୍କ ଆଗରେ ଅଧିଆ ପଡନ୍ତି ,ବିଭିନ୍ନ ଅଞ୍ଚଳରୁ ଆସିଥିବା ମହିଳାମାନେ । ଏହି ମାଇପି ମେଳା ଚୈତ୍ର ମାସ ଶୁକ୍ଳ ପକ୍ଷ ତ୍ରୟୋଦଶୀ ତିଥିରେ ଅନୁଷ୍ଠିତ ହୋଇଥାଏ, ଗତ କାଲି ଗୁରୁବାର ଦିନ ବହୁ ମହିଳା ମାନସିକ ରଖି ମା, ବନବିହାରୀଙ୍କ ପୀଠରେ ଅଧିଆ ପଡିଥିଲେ, ଲୋକ କଥା ଅନୁସାରେ ଯାହା ମୁଣ୍ଡ ଉପରେ ଥିବା ନଡିଆ ନିର୍ଦ୍ଧିଷ୍ଟ ସମୟ ପୂର୍ବରୁ ଆପେ ଆପେ ଫାଟିଯାଏ ତାର ମାନସିକ ନିଶ୍ଚିତ ଭାବେ ପୂର୍ଣ୍ଣ ହୁଏ ।
ଏହି ମେଳାରେ ଲକ୍ଷାଧିକ ଲୋକ ସମାଗମ ହୋଇଥିଲେ, ତିନି ଦିନ ବ୍ୟାପୀ ଏହି ମେଳା ଉପଲକ୍ଷେ ଏକ ହଜାରରୁ ଊର୍ଦ୍ଧ୍ଵ ଦୋକାନ ବଜାର ଖୋଲିଛି, ଏଠାରେ ଚକି, ସିଳ, ସମେତ ତାଳ ପତ୍ରରେ ତିଆରି ବିଞ୍ଚଣ।, ଆସନ , ଏବଂ ବିଭିନ୍ନ ଘର ସାମଗ୍ରୀ ଜିନିଷ କିଣିବାକୁ ଲୋକମାନେ ରୁଣ୍ଡ ହୋଇଥିଲେ , ଆଉ ମଧ୍ୟ ଏଠାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମମାନ ଅନୁଷ୍ଠିତ ହୋଇଥିଲା । ଏହି ମାଇପି ମେଳାରେ ଶାନ୍ତି ଶୃଙ୍ଖଳା ରକ୍ଷା ଲାଗି ବାଲିପାଟଣା ପୋଲିସ୍ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା ।
