ବାଙ୍କୀ (ଓଡ଼ିଶା ତାଜା ନ୍ୟୁଜ୍) ଡମପଡ଼ା :- ଡମପଡ଼ା ବ୍ଲକ ତୁଳସୀପୁର ଗ୍ରାମର ରଙ୍ଗଣିସାହି ଶ୍ରୀରାମ ମନ୍ଦିର ପରିସରରେ ବାଙ୍କୀ ବୈଦିକ ବିଚାର ମଞ୍ଚ ଆନୁକୁଲ୍ୟରେ ଅଂଶୁଘାତ ଓ ଏହାର ପ୍ରତିକାର ନିମନ୍ତେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ଏହି ଆଲୋଚନାଚକ୍ରରେ ସ୍ଥାନୀୟ ସମିତି ସଭ୍ୟ ନାରାୟଣ ଜେନା ସଭାପତିତ୍ୱ କରି ଚଳିତ ବର୍ଷ ପ୍ରଚଣ୍ଡ ରୌଦ୍ରତାପରୁ ରକ୍ଷା ନିମନ୍ତେ ଉପସ୍ଥିତ ଥିବା ଜନସାଧାରଣଙ୍କୁ ମାର୍ଗ ଦର୍ଶନ କରିଥିଲେ । ବୈଦିକ ବିଚାର ମଞ୍ଚର ଆବାହକ ଧନଞ୍ଜୟ ମହାପାତ୍ର ସ୍ୱାଗତ ଭାଷଣ ଦେବା ସହ ଅତିଥିମାନଙ୍କର ପରିଚୟ ପ୍ରଦାନ କରିଥିଲେ । ମୁଖ୍ୟଅତିଥି ଭାବେ ପ୍ରକୃତିବନ୍ଧୁ ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗଦାନ କରି ପ୍ରତି ପରିବାର ନିଜ ନିଜ ଘର ସମ୍ମୁଖରେ ପାଣି ମାଠିଆ ରଖିବା ସହିତ ନିଜ ଛାତ ଉପରେ ଚଢ଼େଇ ମାନଙ୍କ ପାଇଁ ପାଣି କୁଣ୍ଡ ରଖିବା ପାଇଁ ପରାମର୍ଶ ଦେଇଥିଲେ ।
ବିଶେଷ କରି ଗ୍ରାମର ପୋଖରୀ , ଗାଡିଆ ଆଦି ଶୁଖିଯିବା ଫଳରେ ବୁଲା ଜୀବଜନ୍ତୁ ଓ ପକ୍ଷୀମାନଙ୍କ ପାଇଁ ପାଣିକୁଣ୍ଡ ରଖି ତୃଷା ମେଣ୍ଟାଇବା ପାଇଁ ଏହା ଜରୁରୀ ଅଟେବୋଲି ପ୍ରାଧ୍ୟାପକ ମହାପାତ୍ର ଉଲ୍ଲେଖ କରିଥିଲେ । କାର୍ଯ୍ୟକ୍ରମରେ ପ୍ରକୃତିବନ୍ଧୁ ଦୀପକ କୁମାର ସାମନ୍ତରା, ସଂଯୁକ୍ତା ସାହୁ, ବାନାମ୍ବର ସାହୁ, ମିନକେତନ ପୃଷ୍ଟି, ଭାନୁମତୀ ସାହୁ, ମଞ୍ଜୁବାଳା ସାହୁ, କେଳୁଣୀ ସାହୁ, ଭ୍ରମର ରାଉତ, ପ୍ରଭାତ ପାତ୍ର, ସୁଦର୍ଶନ ସାହୁ , ଅମୂଲ୍ୟ ଦାସ, କୃପାସିନ୍ଧୁ ପୃଷ୍ଟି, ପ୍ରସନ୍ନ ସାହୁ ପ୍ରମୁଖ ଯୋଗଦାନ କରି ସେମାନଙ୍କର ନିଜ ନିଜର ମତ ପ୍ରକାଶ କରିଥିଲେ । ଶେଷରେ ଧନଞ୍ଜୟ ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।
