୧୯ ମାର୍ଚ୍ଚ ୨୦୨୫ (ଓଡ଼ିଶା ତାଜା ନ୍ୟୁଜ୍) ବାଙ୍କୀ :- ବାଙ୍କୀ ଆଞ୍ଚଳକ ବାଣିଜ୍ୟ ସମବାୟ ସମିତିର ସାଧାରଣ ସଭା ସମିତି କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଥିଲା । ଏଥିରେ ସମିତିର ସଭାପତି ସଂଜୟ କୁମାର ପୃଷ୍ଟିଙ୍କ ସଭାପତିତ୍ୱ କରିଥିବା ବେଳେ ସଂପାଦକ ହେମନ୍ତ କୁମାର ରାଉତ ଗତ ସାଧାରଣ ସଭାର ବିବରଣୀ ପଠନ କରିଥିଲେ । ଏଥିରେ ୨୦୨୫-୨୬ବର୍ଷର ଅଟକଳ ଓ ୨୦୨୪-୨୫ବର୍ଷର ଅତିରିକ୍ତ ବାର୍ଷିକ ଅଟକଳ ଉପସ୍ଥାପନ ଅନୁମୋଦ କରାଯାଇଥିଲା ।
ଏହି କାର୍ଯ୍ୟକ୍ରମରେ ଶିମିଳିପୁର ସେବାସମବାୟ ସମିତି ସଭାପତି ବି ଭୂପ୍ରସାଦ ସାମଲ, ପ୍ରମୋଦ କୁମାର ମହାନ୍ତି, ନିର୍ଦ୍ଦେଶକ ସଂଜୀବ କୁମାର ସାହୁ, ଯୋଗେଶ ଚନ୍ଦ୍ର ପଣ୍ଡା, ଆର୍ତ୍ତତ୍ରାଣ ସ୍ୱାଇଁ ପ୍ରଭୃତି ବିଭିନ୍ନ ସମିତିର ସଭାପତିମାନେ ଯୋଗଦାନ କରି ସେମାନଙ୍କର ମତାମତ ରଖିଥିଲେ । ଏ ସମସ୍ତ କାର୍ଯ୍ୟକ୍ରମକୁ କର୍ମଚାରୀ ଦେବେନ୍ଦ୍ର ପୃଷ୍ଟି ପରିଚାଳନା କରିଥିଲେ । 
