୬ ମାର୍ଚ୍ଚ ୨୦୨୫ (ଓଡ଼ିଶା ତାଜା ନ୍ୟୁଜ୍) କଟକ :- କଟକ ସଦର ଥାନା ଅଞ୍ଚଳର ଅରିଲୋ ଜନାର୍ଦ୍ଦନ ଦେବଙ୍କ ପ୍ରସିଦ୍ଧ ଦୋଳ ମେଳଣ ଆସନ୍ତା ୧୨ ତାରିଖ ବୁଧବାର ରାତିରେ ମହା ସମାରୋହରେ ଅନୁଷ୍ଠିତ ହେବ । ଏହି ମେଳଣକୁ ଆଖପାଖ ଅଞ୍ଚଳର ୫୦ରୁ ୬୦ ଗୋଟି ଦୋଳ ବିମାନ ଆସିଥାନ୍ତି । ମେଳନକୁ କିଭଳ ଶାନ୍ତି ଶୃଙ୍ଖଳାର ସହିତ ସମାପନ କରାଯିବ ସେନେଇ ଏକ ପ୍ରସ୍ତୁତି ବୈଠକ କଟକ ସଦର ଥାନା ପକ୍ଷରୁ ଗୁରୁବାର ଦିନ ସନ୍ଧ୍ୟାରେ ପ୍ରତାପନଗରୀ ସ୍ଥିତ ଧାକୁଲେଇ ପୀଠରେ ଅନୁଷ୍ଠିତ ହୋଇଥିଲା ।
କଟକ ସଦର ଥାନାର ଆଇଆଇସି ଓମ୍ ପ୍ରକାଶ ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ ଦୋଳ ମେଳଣ ପ୍ରସ୍ତୁତି ବୈଠକରେ କମିଶନରେଟ ପୋଲିସ କଟକ ଯୋନ-୪ ଏସିପି ଅମିତାଭ ମହାପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଅରିଲୋ ଦୋଳ ମେଳଣ ଶାନ୍ତି କମିଟିର ସଭାପତି ସୁନ୍ଦର ପବିତ୍ର ଦାସ , କାର୍ଯ୍ୟକାରୀ ସଭାପତି ପର୍ଶୁରାମ ସେନାପତି , ଗୋପାଳ ମିଶ୍ର , ଲଳିତ କୁମାର ଦାଶ ,
ଅଶୋକ ରଥ ,ପ୍ରଵୀର ମହାନ୍ତି, ଲିଙ୍ଗରାଜ ମହାନ୍ତି, କାହ୍ନୁ ଚରଣ ପାତ୍ର, ବିପ୍ର ଚରଣ ଭୋଳଙ୍କ ସମେତ ବିଭିନ୍ନ ଗ୍ରାମର ମୁରବୀ, ଠାକୁରଙ୍କ ମାର୍ଫତଦାର ଆଲୋଚନାରେ ଅଂଶଗ୍ରହଣ କରିଥିଲେ । ପୂର୍ବ ବର୍ଷ ଭଳି ପାରମ୍ପାରିକ ବାଜାରେ ଦୋଳ ବିମାନ ଗୁଡିକୁ ଜନାର୍ଦ୍ଦନ ଦେବଙ୍କ ପୀଠରୁ ମେଲଣ ପଡିଆକୁ ଶୋଭାଯାତ୍ରାରେ ନିଆଯିବ । ଡିଜେକୁ ସାଉଣ୍ଡକୁ ସଂପୂର୍ଣ୍ଣ ବାରଣ କରାଯାଇଛି । ମେଲଣ ଶୋଭାଯାତ୍ରାରେ କେବଳ ଟାଟା ଏସି ଗାଡ଼ି ବ୍ୟତିତ ୪୦୭ ଏବଂ ଟ୍ରାକ୍ଟରକୁ ବାରଣ କରାଯାଇଛି ।
ମେଲଣକୁ ବିମାନ ନେଇ ଆସୁଥିବା ବ୍ୟକ୍ତିମାନେ ଯେଭଳି ନିଶା ସେବନ କରି ଆସିପାରିବେ ନାହିଁ । ଯେଉଁମାନେ ମେଲଣକୁ ନିଶା ସେବନ କରି ଆସିବେ କିମ୍ବା ବିଶୃଙ୍ଖଳା ସୃଷ୍ଟି କରିବାକୁ ଚେଷ୍ଟା କରିବେ ସେମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଇ ମାମଲା ରୁଜ୍ଜୁ କରାଯିବ ବୋଲି ଆଇଆଇସି ଓମ ପ୍ରକାଶ ମହାନ୍ତି କହିଥିଲେ ।
ମେଳଣ ଶୋଭାଯାତ୍ରା ଯାଉଥିବା ରାସ୍ତାରେ ପର୍ଯ୍ୟାପ୍ତ ଲୋକର ବ୍ୟବସ୍ଥା କରିବା ପାଇଁ ମେଲଣ କରୁଥିବା ଗ୍ରାମବାସୀଙ୍କୁ କହିଥିଲେ । ଏହି ପ୍ରସ୍ତୁତି ବୈଠକରେ ଅରିଲୋ, ମହିଧରପଡା, ଅରଡିଆପଦା , ଦଳବାଡ଼, ଶାସୋଳ, ଆମଣ, ନାଗବାଲି, ଖଣ୍ଡେଏତା, ନଗରୀ, ଖଲର୍ଦ୍ଦା, ଧାନଘରପଡା, ଅରଡ଼, ଆଦି ଗ୍ରାମର ଦୋଳ ବିମାନ ଗୁଡିକର ମାର୍ଫତଦାର ଏବଂ ଗ୍ରାମବାସୀ ଯୋଗ ଦେଇଥିଲେ ।
