୨. ୩. ୨୦୨୫ (ଓଡ଼ିଶା ତାଜା ନ୍ୟୁଜ୍) ନୟାଗଡ଼ :- ନୟାଗଡ଼ ସହର ର ସର୍ବ ପୁରାତନ ପ୍ଲେ ସ୍କୁଲ ବଚପନ୍ ଓ ଗାଇଡାନ୍ସ ପବ୍ଲିକ ସ୍କୁଲ, ନୟାଗଡ଼ ର ବାର୍ଷିକ ମହୋତ୍ସବ ମେମୋରିଆ ୨୪-୨୫ ଦୁଇଦିନ ବ୍ୟାପୀ ମହା ଆଡ଼ମ୍ବରରେ ବାରମାସୀ ଦଣ୍ଡା କଲ୍ୟାଣ ମଣ୍ଡପ ପରିସରରେ ଅନୁଷ୍ଠିତ ହୋଇ ଯାଇଛି । ପ୍ରଥମ ଦିବସରେ ଅବସର ପ୍ରାପ୍ତ ପ୍ରାଧ୍ୟାପକ ଶ୍ରୀଯୁକ୍ତ ପ୍ରସନ୍ନ କୁମାର ବସନ୍ତିଆଙ୍କ ସଭାପତିତ୍ବ ରେ ମୁଖ୍ୟ ଅତିଥି ଭାବେ ନୟାଗଡ଼ ପୌର ପରିଷଦ ର ଅଧ୍ୟକ୍ଷା ଶ୍ରୀମତୀ ନିରୁପମା ଖଟେଇ ଏବଂ ଶରଣକୁଳ ମହାବିଦ୍ୟାଳୟ ର ପ୍ରାକ୍ତନ ଅଧକ୍ଷ ଶ୍ରୀଯୁକ୍ତ ବିଜୟ କୁମାର ରଥ ମୁଖ୍ୟ ବକ୍ତା ଭାବରେ ଯୋଗ ଦେଇଥିଲେ ।
ଶିଶୁ ର ସର୍ବାଙ୍ଗୀନ ଉନ୍ନତି ହିଁ ପ୍ରକୃତ ଶିକ୍ଷା ବୋଲି ଅତିଥି ମାନଙ୍କ ଆହ୍ବାନ ଥିଲା । ଦ୍ଵିତୀୟ ଦିବସ ରେ ଅବସର ପ୍ରାପ୍ତ ପ୍ରାଧ୍ୟାପକ ଶ୍ରୀଯୁକ୍ତ ପ୍ରସନ୍ନ କୁମାର ବସନ୍ତିଆ ଙ୍କ ସଭାପତିତ୍ବ ରେ ନୟାଗଡ଼ ଜିଲ୍ଲା ପରିଷଦର ଅଧ୍ୟକ୍ଷ ଶ୍ରୀଯୁକ୍ତ ଦେବାଶିଷ ପଟ୍ଟନାୟକ ମୁଖ୍ୟ ଅତିଥି ଏବଂ ନୟାଗଡ଼ ସ୍ୱୟଂ ଶାସିତ ମହାବିଦ୍ୟାଳୟ ର ଦର୍ଶନ ବିଭାଗର ମୁଖ୍ୟ ତଥା ସ୍ଵର୍ଣ୍ଣ ପଦକ ପ୍ରାପ୍ତ ପ୍ରଫେସର ପ୍ରମୋଦ କୁମାର ଦାସ ମୁଖ୍ୟ ବକ୍ତା ଭାବରେ ଯୋଗ ଦେଇ ଶିଶୁ ଏବଂ ଅଭିଭାବକ ମାନଙ୍କ ଉଦ୍ଦେଶ୍ୟରେ ବହୁ ମୂଲ୍ୟବାନ ବକ୍ତବ୍ୟ ରଖିଥିଲେ । ଶିଶୁ ର ରୁଚି ଅନୁଯାୟୀ ତାର ଭବିଷ୍ୟତ ଗଢ଼ିବା ଦରକାର ବୋଲି ଅତିଥି ମାନେ ବକ୍ତବ୍ୟ ରଖିଥିଲେ ।
ପ୍ରଥମ ଦିବସ ପୂର୍ବ ପ୍ରାଥମିକ ( ପ୍ଲେ ଗ୍ରୁପ, ନର୍ସରୀ, ଏଲ କେ ଜି ଓ ୟୁକେଜି) ଶ୍ରେଣୀ ର ଶିଶୁ ମାନଙ୍କ ଦ୍ଵାରା ସୁନ୍ଦର ସୁନ୍ଦର ଚିତ୍ତାକର୍ଷକ ନୃତ୍ୟ ପରିବେଷଣ କରାଯାଇଥିଲା ଏବଂ ଦ୍ଵିତୀୟ ଦିବସ ରେ ପ୍ରାଥମିକ ( ପ୍ରଥମ ଠାରୁ ଷଷ୍ଠ) ଶ୍ରେଣୀ ଶିଶୁ ମାନଙ୍କ ଦ୍ଵାରା ବିଭିନ୍ନ ନୃତ୍ୟ ପରିବେଷଣ କରାଯାଇଥିଲା। ଅନୁଷ୍ଠାନର ବରିଷ୍ଠ ଶିକ୍ଷୟତ୍ରୀ ଶ୍ରୀମତୀ ମଧୁମିତା ମିଶ୍ର ଙ୍କ ରଚିତ ଓ ନିର୍ଦ୍ଦେଶିତ ସମାଜ ତଥା ଅଭିଭାବକଙ୍କୁ ବାର୍ତ୍ତା ଦେବା ପାଇଁ ଦୁଇଟି ଗୋଟି ନାଟକ ” ଜିତ୍ ଓର ହାର୍ ଏକ ସଫର୍” ଏବଂ “ସୁଭଦ୍ରା” ଛାତ୍ର ଓ ଛାତ୍ରୀ ମାନଙ୍କ ଦ୍ଵାରା ପରିବେଷଣ କରାଯାଇଥିଲା ।
ଉଭୟ ଦିବସରେ ଅନ୍ୟତମ ଅତିଥି ଭାବେ ଅନୁଷ୍ଠାନ ର ପ୍ରାଣ ପ୍ରତିଷ୍ଠାତା ଶ୍ରୀଯୁକ୍ତ ଅବିନାଶ ସାହୁ ମଞ୍ଚାସିନ ଥିଲେ । ଅନୁଷ୍ଠାନର ମୁଖ୍ୟ ସଂଯୋଜିକ ଶ୍ରୀମତୀ କଳ୍ପନା ଭଦ୍ରଙ୍କ ସୂଚନା କ୍ରମେ ବର୍ଷ ର ସମସ୍ତ ପ୍ରତିଯୋଗୀତା ରେ ଉଭୟ ଦିବସ ରେ ପ୍ରାୟ ୩୦୦ ଜଣ ଛାତ୍ର ଛାତ୍ରୀଙ୍କୁ ୫୫୦ ରୁ ଅଧିକ ପୁରସ୍କାର ବିତରଣ କରାଯାଇଥିଲା ।
ଅନୁଷ୍ଠାନ ର ପ୍ରିନ୍ସିପଲ୍ ଶ୍ରୀଯୁକ୍ତ ଆଲୋକ କୁମାର କର ଙ୍କ ତତ୍ତ୍ଵାବଧନରେ ଅନୁଷ୍ଠାନ ସମସ୍ତ ଶିକ୍ଷକ , ଶିକ୍ଷୟତ୍ରୀ ତଥା ସମସ୍ତ ସହଯୋଗୀ ଙ୍କ ସହଯୋଗ ଏବଂ ସମସ୍ତ ଅଭିଭାବକ ମାନଙ୍କ ସହଯୋଗ ରେ ଦୁଇ ଦିନ ବ୍ୟାପୀ ମସୋତ୍ସବ ସଫଳ ଭାବେ ପାଳିତ ହୋଇଯାଇଛି । ପରି ଶେଷରେ ଶ୍ରୀମତୀ ମଧୁମିତା ମିଶ୍ର ଧନ୍ୟବାଦ ଅର୍ପଣ କରିଥିଲେ ।
