୨୧ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) ପୁରୀ :- ଅଖିଳ ଭାରତୀୟ ବିଶ୍ବକର୍ମା ମହାସଭା ଓ ଅଖିଳ ଉତ୍କଳ ବିଶ୍ବକର୍ମା ସମିତିର ମିଳିତ ସହଯୋଗରେ ପୁରୀ ଟାଉନହଲ ଠାରେ ହୀରକ ଜୟନ୍ତୀ ଉତ୍ସବ ଉଦଘାଟିତ ହୋଇଯାଇଛି । ବିଶ୍ବକର୍ମା ସମାଜର ସାମୁହିକ ଉନ୍ନତି ଉପରେ ଆଲୋଚନା ହୋଇଥିଲା । ମହାସଭାର ରାଷ୍ଟ୍ରୀୟ ସଭାପତି ଛେଦିଲାଲ ଶର୍ମା ବିଶ୍ବକର୍ମା ଉଦଘାଟିତ କରି କହିଲେ ଜାତିର ଉନ୍ନତି ପାଇଁ ସମସ୍ତେ ଏକ ହୋଇ ଦାବି ଉପସ୍ଥାପନ କଲେ କେନ୍ଦ୍ର ଓ ରାଜ୍ଯ ସରକାର ପ୍ରସଙ୍ଗକୁ ବିଚାରକୁ ନେବେ । କୂଳର ରାଜନୈତିକ, ସାମାଜିକ ଓ ଆର୍ଥିକ ଉନ୍ନତି ସଂପର୍କରେ ଆଲୋଚନା ହୋଇଥିଲା ।
ରାଷ୍ଟ୍ରୀୟ ସାଧାରଣ ସମ୍ପାଦକ ଦିନେଶ ଶର୍ମା, ଜାତୀୟ କାର୍ଯ୍ଯକାରୀ ସଭାପତି ପାଇଲେଶ କୁମାର ସିଦ୍ଧପୁର ,ସୁରେନ୍ଧ୍ରା ଦେବୀ, ଏମ ଏମ ଶର୍ମା,ଜେପି ବିଶ୍ବକର୍ମା,ଉପସଭାପତି ରବିନ୍ଦ୍ର ବିଶ୍ବକର୍ମା ପ୍ରମିଳେଶ ଶର୍ମା,ଭି.ରାଜଶେଖର ପ୍ରମୁଖ ଉପସ୍ଥିତ ହୋଇ କୂଳର ଉନ୍ନତି ସଂପର୍କରେ ଆଲୋକପାତ କରିଥିଲେ । ନିଖିଳ ଉତ୍କଳ ବିଶ୍ବକର୍ମା ସମିତିର ରାଜ୍ଯ ସଭାପତି ସୂର୍ଯ୍ୟନାରାୟଣ ମହାରଣା, ମୂଖ୍ଯ ସଂପାଦକ ମନୋରଞ୍ଜନ ମହାରଣା ବଟକୃଷ୍ଣ ଓଝା ପ୍ରମୁଖ ଉପସ୍ଥିତ ରହି ଜାତିର ଉନ୍ନତି ସମ୍ପର୍କରେ ମତପ୍ରକାଶ କରିଥିଲେ । ଦ୍ବିତୀୟ ଅଧିବେଶନରେ ନିଖିଳ ଉତ୍କଳ ବିଶ୍ବକର୍ମା ସମିତିର ରାଜ୍ଯ କର୍ମକର୍ତ୍ତା ମାନେ ଆଲୋଚନାରେ ଅଂଶ ଗ୍ରହଣ କରିଥିଲେ । ସାମାଜିକ ରାଜନୈତିକ ଶିକ୍ଷା ଅଧିକାର ଓ ଉନ୍ନତି ସଂପର୍କରେ ବିଶେଷ ଭାବେ ଆଲୋଚନା ହୋଇଥିଲା ।
ଏଥିରେ ରାଜ୍ଯ ସଭାପତି ସୂର୍ଯ୍ୟନାରାୟଣ ମହାରଣା, କାର୍ଯ୍ୟକାରୀ ସଭାପତି ଚକ୍ରଧର ମହାରଣା, ମୂଖ୍ଯ ସଂପାଦକ ମନୋରଞ୍ଜନ ମହାରଣା ,ଉପସଭାପତି ଭାଗିରଥୀ ବିନ୍ଧାଣୀ, ଯୁଗ୍ମ ସମ୍ପାଦକ ଭାଗିରଥୀ ମହାରଣା ,ପ୍ରମୋଦ ରଞ୍ଜନ ମହାରଣା, ସହ ସମ୍ପାଦକ ପ୍ରସନ୍ନ ମହାରଣା ଓ ପ୍ରଶାନ୍ତ କୁମାର ଓଝା, ସଂଗଠନ ସମ୍ପାଦକ ଗୋବର୍ଦ୍ଧନ ମହାରଣା ,ପ୍ରତାପ ମହାରଣା ଓ ପ୍ରଶାନ୍ତ କୁମାର ମହାରଣା,କୋଷାଧ୍ୟକ୍ଷ ଗୁରୁପ୍ରସାଦ ସୂତାର ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ । ରାଜ୍ଯ ଓ ସାରା ଭାରତରୁ ୫ଶହରୁ ଉର୍ଦ୍ଧ୍ବ ପ୍ରତିନିଧି ଯୋଗ ଦେଇଥିଲେ । ଶେଷରେ ରାଜ୍ଯ ସଭାପତି ସୂର୍ଯ୍ୟନାରାୟଣ ମହାରଣା ଧନ୍ୟବାଦ ଅର୍ପଣ କରିଥିଲେ । ଏହି ଅଧିବେଶନ ୨୨ ଓ ୨୩ ତାରିଖ ଦୁଇଦିନ ଧରି ଚାଲୁରହିବ ।
