୧୮ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :- ବାଙ୍କୀ ବ୍ଲକ ଅନ୍ତର୍ଗତ ବୈଦ୍ୟେଶ୍ୱର ପାଟଣା ସାହିରେ ଝାଡାବାନ୍ତିରେ ଆକ୍ରାନ୍ତ ହୋଇ ୩୫୦ଜଣ ଅସୁସ୍ଥ ହୋଇ ପଡିଥିଲେ । ଘଟଣାରୁ ଜଣାପଡେଯେ ରବିବାର ରାତିରେ ବୈଦ୍ୟେଶ୍ୱର ପାଟଣା ପଦ୍ମନାଭ ସାହୁଙ୍କ ଝିଅର ବିବାହଘର ଥିଲା । ଏଥିରେ ଗ୍ରାମବାସୀମାନେ ଭୋଜି ଖାଇଥିଲେ । ଭୋଜି ଖାଇ ୧୫୮ଜଣ ବୈଦ୍ୟେଶ୍ୱର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହୋଇଥିଲେ । ସେଥିମଧ୍ୟରୁ ବାଙ୍କୀ ଉପଖଣ୍ଡ ଚିକିତ୍ସାଳୟରୁ ୧ଜଣ ରୋଗୀ ଚିକିତ୍ସା ପାଇଁ ଆଜି ଆସିଥିଲେ । ସେ ବର୍ତ୍ତମାନ ଭଲ ହୋଇ ଘରକୁ ଫେରିଲେଣି ।
ଆଜି ବାଙ୍କୀ ବିଧାୟକ ଦେବୀରଞ୍ଜନ ତ୍ରିପାଠୀ ଘଟଣାସ୍ଥଳରେ ପହଞ୍ôଚ ପରିସ୍ଥିତିର ଅନୁଧ୍ୟାନ କରିବା ସହ ସେଠାରେ ଏକ ଆମ୍ବୁଲାନ୍ସ ରଖିବା ପାଇଁ ପରାମର୍ଶ ଦେଇଥିଲେ ଏବଂ ଲୋକମାନେ ସମ୍ପୂର୍ଣ୍ଣ ଆରୋଗ୍ୟ ନହେବା ପର୍ଯ୍ୟନ୍ତ ଡାକ୍ତରି ଦଳ ସେଠାରେ କ୍ୟାମ୍ପ କରି ରହିବା ପାଇଁ ନିର୍ଦ୍ଦେଶ ଦେଇଥିଲେ । କଟକ ମୁଖ୍ୟଚିକିତ୍ସା ଅଧିକାରୀ ପ୍ରଶାନ୍ତ କୁମାର ହୋତା, ଅତିରିକ୍ତ ଜିଲ୍ଲା ଚିକିତ୍ସା ଅଧିକାରୀ ଲୋକନାଥ ପାତ୍ର ଗ୍ରାମରେ ପହଁଚି ଲୋକମାନଙ୍କର ଚିକିତ୍ସା କିପରି ହୋଇପାରିବ ତା ଉପରେ ଧ୍ୟାନ ଦେଇଥିଲେ । ବର୍ତ୍ତମାନ ପରିସ୍ଥିତି ନିୟନ୍ତ୍ରିତଧିନ ରହିଛି । ଯୁବସମାଜସେବୀ ଅବିନାଶ ପଟ୍ଟନାୟକ ଗ୍ରାମକୁ ଯାଇ ରୋଗୀମାନଙ୍କର ସ୍ୱାସ୍ଥ୍ୟ ଅବସ୍ଥା ବୁଝିବା ସହ ପ୍ରଭୁ ରମାନାଥ, ବୈଦ୍ୟେନାଥଙ୍କ ପାଖରେ ସମସ୍ତ ରୋଗୀଙ୍କ ଆଶୁଆରୋଗ୍ୟ କାମନା କରିଛନ୍ତି ।
