୧୬ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) ରଣପୁର :- ଛୋଟ ଛୋଟ ପିଲା ମାନଙ୍କ ପାଠ ପଢା ନିମନ୍ତେ ରାଜ୍ୟ ସରକାର ଲକ୍ଷ ଲକ୍ଷ ଟଙ୍କା ବ୍ୟୟରେ ଗ୍ରାମ ମାନଙ୍କରେ ଅଙ୍ଗନୱାଡ଼ି କେନ୍ଦ୍ର ନିର୍ମାଣ କରି ଶିକ୍ଷକ ଓ ରୋଷେଇଆ ନିଯୁକ୍ତି କରିଛନ୍ତୀ, ସେହିଭଳି ନୟାଗଡ ଜିଲ୍ଲା ରଣପୁର ବ୍ଲକ୍ ଅନ୍ତର୍ଗତ ଚମ୍ପାପେଡି ପଞ୍ଚାୟତର ବାରଙ୍ଗଗାଡିଆ ଗ୍ରାମରେ ପ୍ରାୟ ଦଶ ବର୍ଷ ତଳୁ ଅଙ୍ଗନୱାଡି କେନ୍ଦ୍ର ନିର୍ମାଣ ହୋଇ ଛାତ ପଡ଼ିଗଲା ପରେ , ଉକ୍ତ ଗ୍ରାମର ଜନୈକ ବ୍ୟକ୍ତି ସୁଧାକର ରାଉତରା ଓ ଦୁଷ୍ମତ ରାଉତରା ଜବରଦଖଲ କରି ରଖିଥିବାରୁ ଜବରଦଖଲ ହଟାଇବାକୁ ଅଭିଯୋଗ ପଂଚାୟତ ସରପଞ୍ଚ ଶକୁନ୍ତଳା ମାର୍ଥା, ରଣପୁର ବି ଡି ଓ , ରଣପୁର ତହସିଲଦାର, ନୟାଗଡ ଜିଲ୍ଲାପାଳଙ୍କୁ ବିଗତ ଦିନରେ ଚିଠି କରିଥିବା ଜଣା ପଡିଛି ।
କିନ୍ତୁ ସରପଞ୍ଚଙ୍କ ଅଭିଯୋଗ ଅନୁସାରେ ଏ ପର୍ଯ୍ୟନ୍ତ ନୟାଗଡ ଜିଲ୍ଲା ପ୍ରଶାସନ କିମ୍ୱା ବ୍ଳକ୍ ପ୍ରଶାସନ କିମ୍ୱା ରଣପୁର ତହସିଲଦାର ଅଙ୍ଗନୱାଡି କେନ୍ଦ୍ର ଜବରଦଖଲ ଉଚ୍ଛେଦ ନିମନ୍ତେ କୌଣସି ପଦକ୍ଷେପ ନେଉ ନଥିବାରୁ ଚଂପାପେଡି ସରପଞ୍ଚ ଓ ବାରଙ୍ଗ ଗାଡିଆ ଗ୍ରାମ ବାସି ମାନେ ଉଦବେଗ ପ୍ରକାଶ କରିଛନ୍ତି । ସାମାନ୍ୟ ଗୋଟେ ପରିବାର ସରକାରି ଅର୍ଥରେ ନିର୍ମିତ ଅଙ୍ଗନୱାଡି କେନ୍ଦ୍ରକୁ କାହା ସାହସରେ ଜବରଦଖଲ କରିଛନ୍ତି ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି ।
ସରପଞ୍ଚ ଶକୁନ୍ତଳା ମାର୍ଥାଙ୍କ ସୂଚନା ଅନୁସାରେ ସେ ଦୁଇ ବର୍ଷ ତଳୁ ସରକାରୀ ସ୍ତରରେ ଲିଖିତ ଅଭିଯୋଗ କରିଥିଲେ ମଧ୍ୟ ଏ ପର୍ଯ୍ୟନ୍ତ ଅଙ୍ଗନୱାଡି ଗୃହକୁ ଜବରଦଖଲ ମୁକ୍ତ କରିବାରେ ଜିଲ୍ଲା ପ୍ରଶାସନ ବିଫଳ ବୋଲି ଜିଲ୍ଲା ପ୍ରଶାସନକୁ ଦାୟୀ କରିଛନ୍ତୀ । ତେଣେ ଛୋଟ ଛୋଟ ପିଲା ମାନେ ଅଙ୍ଗନୱାଡି ଦିଦିଙ୍କ ଦାଣ୍ଡ ବାରଣ୍ଡାରେ ପାଠ ପଢୁଥିବା ଦେଖିବକୁ ମିଳିଛି । ଏଣୁ ଯଥା ଶୀଘ୍ର ଜିଲ୍ଲା ପ୍ରଶାସନ ଉକ୍ତ ଅଙ୍ଗନୱାଡ଼ି କେନ୍ଦ୍ର ଜବରଦଖଲ ଉଚ୍ଛେଦ ନିମନ୍ତେ ଉଚିତ ପଦକ୍ଷେପ ଗ୍ରହଣ କରିବାକୁ ବାରଙ୍ଗଗାଡ଼ିଆ ଗ୍ରାମ ବାସୀ ମାନେ ଜିଲ୍ଲାପାଳଙ୍କୁ ଅନୁରୋଧ କରିଛନ୍ତି ।
