୧୫ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) ଖୋର୍ଦ୍ଧା-ଜଟଣୀ :- ପ୍ରକୃତ ଟିକେଟଧାରୀ ଯାତ୍ରୀମାନଙ୍କ ପାଇଁ ଆରାମ ଦାୟକ ଯାତ୍ରା ସୁନିଶ୍ଚିତ କରିବା ଉଦ୍ଧେଶ୍ୟରେ ଖୋର୍ଦ୍ଧାରୋଡ଼ ରେଳ ମଣ୍ଡଳ ଦ୍ୱାରା ମଞ୍ଚେଶ୍ୱର୍ ଏଵଂ ବାଣୀବିହାର ରେଳବାଇ ଷ୍ଟେସନରେ ଏକ ସ୍ଵତନ୍ତ୍ର ଟିକେଟ୍ ଯାଞ୍ଚ କରଯାଇଥିଲା । ଏହି ସ୍ଵତନ୍ତ୍ର ଟିକେଟ୍ ଯାଞ୍ଚ ଅଭିଯାନ ଶ୍ରୀ ଅନୀଲ କୁମାର ଏସ୍ ଖୋର୍ଦ୍ଧାରୋଡ଼ ରେଳ ମଣ୍ଡଳର ବରିଷ୍ଠ ମଣ୍ଡଳ ବାଣିଜ୍ୟି ପ୍ରବନ୍ଧକଙ୍କ ଆଦେଶ ଅନୁସାର ବାଣିଜ୍ୟି ଅଫିସର, ଟିକେଟ୍ ଯାଞ୍ଚ କର୍ମଚାରୀ ଏବଂ ରେଳ ସୁରକ୍ଷା ବଳଙ୍କୁ ନେଇ ଗଠିତ ଏକ ଟିମ୍ ଦ୍ୱାରା କରଯାଇଛି ।
ଉପରୋକ୍ତ ଟିକେଟ୍ ଯାଞ୍ଚ ଅଭିଯାନ ସମୟରେ ୧୩୩ ଟି ବିନା ଟିକେଟ୍ ଯାତ୍ରୀ ଚିହ୍ନଟ ହେଇଥିଲେ ଏବଂ ଏହି ଯାତ୍ରୀ ମାନଙ୍କଠାରୁ ଭଡା ସହିତ ଜରିମାନା ଆକାରରେ ୩୮.୫୧୫ ଟଙ୍କା ସଂଗ୍ରହ କରାଯାଇଥିଲା । ଏହି ଅଚାନକ ଟିକେଟ୍ ଯାଞ୍ଚ ଅଭିଯାନ ଯୋଗୁଁ, ମଞ୍ଚେଶ୍ୱର୍ ଏଵଂ ବାଣୀବିହାର ଷ୍ଟେସନ ଗୁଡ଼ିକରେ କାଉଣ୍ଟରସ୍ ଟିକେଟ୍ ବିକ୍ରି ସାଧାରଣ ଦିନ ତୁଳନାରେ, ଯଥେଷ୍ଟ ବୃଦ୍ଧି ପାଇଛି । ଖୋର୍ଦ୍ଧାରୋଡ଼ ରେଳମଣ୍ଡଳ ଦ୍ୱାରା ଆଗାମୀ ଦିନରେ ମଧ୍ୟ ବିଭିନ୍ନ ରେଳ ଷ୍ଟେସନରେ ଏହି ପ୍ରକାରର ଟିକେଟ୍ ଯାଞ୍ଚ ଅଭିଯାନ କରିବା ପାଇଁ ଯୋଜନା କରଯାଇଛି ।
ଏହି ପଦକ୍ଷେପ ପ୍ରକୃତ ଟିକେଟଧାରୀ ଯାତ୍ରୀମାନଙ୍କ ପାଇଁ ଆରାମଦାୟକ ଯାତ୍ରା ନିଶ୍ଚିତ କରିବ । ଖୋର୍ଦ୍ଧାରୋଡ଼ ରେଳ ମଣ୍ଡଳର ପ୍ରତିବଦ୍ଧତାର ଏକ ଅଂଶ । ବାରମ୍ବାର ଅଚାନକ ଟିକେଟ ଯାଞ୍ଚ ସତ୍ତ୍ୱେ ଏହା ଦେଖାଯାଇଛି ଯେ,ବିନା ଟିକେଟରେ ଯାତ୍ରା କରୁଥିବା ଯାତ୍ରୀଙ୍କ ସଂଖ୍ୟା ଏବେ ବି ଅଧିକ ଅଛି ତେଣୁ,ଯାତ୍ରା ସମୟରେ କୌଣସି ପ୍ରକାର ଅସୁବିଧାର ସମ୍ମୁଖୀନ ନହେବା ପାଇଁ,ଉପଯୁକ୍ତ ଟିକେଟ୍ ପ୍ରାଧିକରଣ ସହିତ ଟ୍ରେନରେ ଯାତ୍ରା କରିବାପାଇଁ, ଖୋର୍ଦ୍ଧାରୋଡ଼ ରେଳ ମଣ୍ଡଳର ବରିଷ୍ଠ ମଣ୍ଡଳ ବାଣିଜ୍ୟ ପ୍ରବନ୍ଧକ,ଶ୍ରୀ ଅନୀଲ କୁମାର ଏସ୍. ଯାତ୍ରୀମାନଙ୍କୁ ନମ୍ରତାର ସହିତ ଅନୁରୋଧ କରିଛନ୍ତି ।
