୧୩ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) କଟକ :- କଟକ ଜିଲ୍ଲା ସଦର ବ୍ଲକ ଆମଣ ପଞ୍ଚାୟତ ବାଗଧରାପୁର ଗ୍ରାମରେ ଥିବା ପୁରାତନ ଗାଦିବ୍ରହ୍ମ ଗୋସ୍ୱମୀ ସନ୍ଥ ସୌରୀ ଦାସ ମଠରେ ବୁଧବାର ରାତି ଅଗ୍ନି ଉତ୍ସବ ଠାରୁ ଆରମ୍ଭ ହୋଇଥିବା ବାର୍ଷିକ ମହୋତ୍ସବ ଗୁରୁବାର ପ୍ରତିପଦ ସନ୍ଧ୍ୟାରେ ଉଦଯାପିତ ହୋଇଛି । ଏହି ମଠଟି ବହୁ ପୁରାତନ ମଠ ହୋଇଥିଲେ ମଧ୍ୟ ଏହାର ବିକାଶ ଦିଗରେ ସରକାରଙ୍କ ନଜର ପଡିନି । ଯାହାଫଳରେ ମଠର ଉନ୍ନତି ଦିଗରେ ରାଜ୍ୟ ସରକାର ଦୃଷ୍ଟି ଦେବା ପାଇଁ ମହୋତ୍ସବକୁ ଆସିଥିବା ଶ୍ରଦ୍ଧାଳୁ ମାନେ କହିଥିଲେ ।
ସନ୍ଥ ଗୋସ୍ୱାମୀ ସୌରୀ ଦାସ ଜଣେ ଦିବ୍ୟ ପୁରୁଷ ଥିଲେ । ମଠକୁ ଆସୁଥିବା ଲୋକମାନଙ୍କୁ ଈଶ୍ୱରଙ୍କ ପ୍ରତି ଭକ୍ତି କରିବା ସହ ସମସ୍ତଙ୍କୁ ସାହାଯ୍ୟ ସହଯୋଗ କରିବା ସତ କଥା କହିବାକୁ ପ୍ରେରଣା ଦେଉଥିଲେ । ଏହା ସହିତ ସନ୍ଥ ସୌରୀ ଦାସ ବଣ ଜଙ୍କଲରୁ ସଂଗ୍ରହ କରିଥିବା ଔଷଧୀୟ ବୃକ୍ଷର ଚେରମୂଳି ଔଷଧି ଆରୋଗ୍ୟ ପାଇଁ ଲୋକଙ୍କୁ ଦେଉଥିଲେ । ସାଧାରଣ ଲୋକେ ଏହାକୁ ଖାଇ ସେ ସମୟରେ ଆରୋଗ୍ୟ ହେଉଥିଲେ ବୋଲି ଶୁଣିବାକୁ ମିଳେ । ଏହି ମହାପୁରୁଷଙ୍କ ବାର୍ଷିକ ଉତ୍ସବରେ ବାଗଧରାପୁର,
ଶାସୋଳ , ଆମଣ, ବିଶ୍ୱାଳପଡ଼।, ସବଳପୁର , ଜନ୍ମେଜୟପୁର, ନୂଆକାଚରାମାଳ, ନୂଆପାଟଣା, ବଙ୍ଗୁଆରି, ନହରକଣ୍ଟା, ତେଲଙ୍ଗାପେଣ୍ଠ ,ଭାଣପୁର ,ପ୍ରତାପନଗରୀ, ଗୋପାଳପୁର , ନଛିପୁର, ସଇଁନ୍ଧା,ନାଗବାଲି, ଧାନଘରପଡା, ଅରଡ଼, ଗୋବିନ୍ଦପୁର, ସାଇଲୋ, ବରିମୁଣ୍ଡ, କଲ୍ୟାଣପୁର , ପଟିଆ ,ସିଙ୍ଗଡ଼। , ଆଦି ଅଞ୍ଚଳର ସୌରୀ ଦାସଙ୍କ ଭକ୍ତ ମାନେ ଯୋଗ ଦେଇଥିଲେ । ଏହି ଉପଲକ୍ଷେ ଆଧ୍ୟାତ୍ମିକ ଭଜନ ପରିବେଷଣ କରାଯାଇଥିଲା । ସୌରୀ ଦାସ ମଠର ସଭାପତି ସାଧୁ ଚରଣ ଦାସ, ସଂପାଦକ ଲକ୍ଷ୍ମୀଧର ଦାସ,
କୋଷାଧ୍ୟକ୍ଷ ଖଗେଶ୍ବର ଦାସ, ଚିତ୍ତରଞ୍ଜନ ମଲ୍ଲିକ, ବୃନ୍ଦାବନ ମଲ୍ଲିକ, ନୀଳମଣି ମଲ୍ଲିକ, କୈଳାସ ଚନ୍ଦ୍ର ମଲ୍ଲିକ, ଦାମୋଦର ମଲ୍କୀକ, ନିରଞ୍ଜନ ମଲ୍ଲିକ, ବାବୁକୃଷ୍ଟ ମଲ୍ଲିକ, ପ୍ରମୁଖ ସମସ୍ତ ସଦସ୍ୟ ଏବଂ ବିଭିନ୍ନ ଗ୍ରାମରୁ ଆସିଥିବା ଶ୍ରଦ୍ଧାଳୁ ମହୋତ୍ସବରେ ସହଯୋଗ କରିଥିଲେ । ଶେଷରେ ସମସ୍ତ ଶ୍ରଦ୍ଧାଳୁଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା ।
