୧୦ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :- ଡମପଡ଼ା ବ୍ଲକ ଅନ୍ତର୍ଗତ ହରିରାଜପୁର ଗ୍ରାମରେ ଝାଡାବାନ୍ତି ଓ ଡାଇରିଆରେ ବହୁଲୋକ ଆକ୍ରାନ୍ତ ହୋଇଥିଲେ । ସେମାନେ ବାଙ୍କୀ ଉପଖଣ୍ଡ ଚିକିତ୍ସାଳୟରେ ଚିକିତ୍ସିତ ହୋଇ ବର୍ତ୍ତମାନ ସମସ୍ତେ ଭଲ ଅଛନ୍ତି । ଆଜି ସେ ସଂକ୍ରାନ୍ତରେ କଟକ ଜିଲ୍ଲାପାଳ ଦତ୍ତତ୍ରୟ ଭାଉସାହେବ ସିନ୍ଧେ ହରିରାଜପୁର ଗ୍ରାମ ପରିଦର୍ଶନ କରିଥିଲେ । ସେଠାରେ ଲୋକମାନଙ୍କୁ ସ୍ୱଚ୍ଛ ପାନୀୟ ଜଳ ଯୋଗାଇ ଦେବାକୁ ନିର୍ଦ୍ଦେଶ ଦେଇଥିଲେ । ଯେଉଁ ନଦୀ ତୁଠରେ ଗ୍ରାମବାସୀମାନେ ଗଧୋଉଛନ୍ତି ସେଠାରେ ଅନ୍ୟ ଏକ ଜାଗାରେ ତୁଠ କରି ଗାଧେଇବା ପାଇଁ ପରାମର୍ଶ ଦେଇଥିଲେ ।
ନୂଆ ବୋରୱେଲ୍ କରାଯାଇ ପାନୀୟ ଜଳଯୋଗାଣ କରାଯିବା ପାଇଁ ଜିଲ୍ଲାପାଳ ବି ଭାଗୀୟ ଯନ୍ତ୍ରୀଙ୍କୁ ନିର୍ଦ୍ଦେଶ ଦେଇଥିଲେ । ନଦୀ କୂଳରେ ଜମି ରହିଥିବା ଅପରିସ୍କାର ପାଣିକୁ ନାଳ ସାହାଯ୍ୟରେ ନିଷ୍କାସନ କରିବାକୁ ନିର୍ଦ୍ଦେଶ ଦେଇଥିଲେ । ଏହି ଗ୍ରସ୍ତରେ କେନ୍ଦ୍ରୀୟ ଜୋନ୍ ଜିଲ୍ଲା ପରିଷଦ ସଦସ୍ୟା ମିନତୀ ମହାପାତ୍ର, ଉପଜିଲ୍ଲାପାଳ ଦେବୀ ପ୍ରସାଦ ମହାନ୍ତି, ତହସିଲଦାର ଅଶେଷ କୁମାର ନାୟକ, ବିଡିଓ ଅଂଶୁମାନ ଦାସ ସମେତ ସମସ୍ତ ଅଧିକାରୀ ଉପସ୍ଥିତ ରହିଥିଲେ । ଗ୍ରାମର ଲୋକମାନଙ୍କ ସହ ଏହାର ସ୍ଥ୍ରାୟି ସମାଧାନ ପାଇଁ ଆଲୋଚନା କରାଯାଇଥିଲା ।
