୦୫ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :- ଡମପଡ଼ା ବ୍ଲକ କୁଶୁପଙ୍ଗିସ୍ଥିତ ଶ୍ରୀ ରଘୁନାଥ ଜୀଉ ମନ୍ଦିର ପ୍ରାଙ୍ଗଣରେ ଅଷ୍ଟପ୍ରହର ନାମଯଜ୍ଞ ଉଦ୍ଯାପିତ ହୋଇଯାଇଛି । ଶ୍ରୀ ଶ୍ରୀ ରାମଲୀଳା ନାଟ୍ୟ ସଂସଦ ଆନୁକୁଲ୍ୟରେ ସୋମବାର ଠାରୁ ଏହି ନାମ ଯଜ୍ଞ ଆୟୋଜିତ ହୋଇଥିଲା । ପ୍ରଥମ ଦିବସରେ ଅଧିବାସ ସହ କଳସଯାତ୍ରା କରାଯାଇଥିଲା ବେଳେ ଦ୍ୱିତୀୟ ଦିବସ ମାଘମାସ ଶୁକ୍ଳପକ୍ଷ ତିଥିରେ ଅଷ୍ଟମ ପ୍ରହର ନାମଯଜ୍ଞ ଅନୁଷ୍ଠିତ ହୋଇଯାଇଛି ।
ଆଜି ନଗର କୀର୍ତ୍ତନ କରାଯାଇ ଗ୍ରାମ ପରିକ୍ରମା କରାଯିବା ସହ ନାମଯଜ୍ଞ ଉଦ୍ଯାପିତ ହୋଇଥିଲା । ସଭାପତି ଡକ୍ଟର ସ୍ମୃତିରଞ୍ଜନ ଲେଙ୍କାଙ୍କ ତତ୍ତ୍ୱାବଧାନରେ ଅୟୋଜିତ ଏହି ନାମ ଯଜ୍ଞରେ ବାଙ୍କୀ ଓ ଆଠଗଡ଼ ଅଞ୍ଚଳର ୫ଗୋଟି ନଦୀଆ ମଣ୍ଡଳ ଅଂଶ ଗ୍ରହଣ କରିଥିଲେ । ସଂପାଦକ ବିଭୂ ପ୍ରସାଦ ନାୟକ, ସଭ୍ୟ କୁଳମଣି ନାୟକ, ଗୋବର୍ଦ୍ଧନ ବେଉରା, ରମେଶ ଚନ୍ଦ୍ର ନାୟକ, କବିରାଜ ସ୍ୱାଇଁ, ଗୌରାଙ୍ଗ ସ୍ୱାଇଁ, ବସନ୍ତ ସ୍ୱାଇଁଙ୍କ ସମେତ ବହୁ ସଭ୍ୟ ଉପସ୍ଥିତ ଥିଲେ ।
