୦୫ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :- ପ୍ରଦେଶ ଛାତ୍ର କଂଗ୍ରେସ ସଭାପତି ଉଦିତ୍ ପ୍ରଧାନଙ୍କ ଗିରଫ ଦାରି ପ୍ରତିବାଦରେ ଆଜି ପ୍ରଦେଶ ଛାତ୍ର କଂଗ୍ରେସ ପକ୍ଷରୁ ଏକ ବିକ୍ଷୋଭ ପ୍ରଦେଶ କଂଗ୍ରେସ କାର୍ଯ୍ୟାଳୟରୁ ବାହାରି ମାଷ୍ଟର କ୍ୟାଣ୍ଟିନ ଛକ ପର୍ଯ୍ୟନ୍ତ ଯାଇଥିଲା । ଛାତ୍ର କଂଗ୍ରେସ, ଯୁବ କଂଗ୍ରେସ ଓ କଂଗ୍ରେସ ନେତୃବୃନ୍ଦ ଏକ ଘଣ୍ଟା ଧରି ମାଷ୍ଟର କ୍ୟାଣ୍ଟିନ ଛକ ଅବରୋଧ କରି ରଖିଥିଲେ । ଏହି ଅବସରରେ ଛାତ୍ର କଂଗ୍ରେସ ପକ୍ଷରୁ କୁହାଯାଇଛି ଯେ, ବିଜେପି ସରକାର ଓଡ଼ିଶାରେ ବିରୋଧି ଦଳମାନଙ୍କର ସାମ୍ବିଧାନିକ ଅଧିକାର ଛଡ଼େଇ ନେଇଛନ୍ତି । ଛାତ୍ର କଂଗ୍ରେସ ସଭାପତି ଶ୍ରୀ ପ୍ରଧାନଙ୍କୁ ମୋହନ ସରକାର ଅଗଣତାବିକ ଭାବେ ଜେଲରେ ଭର୍ତ୍ତି କରିଛନ୍ତି । ଓଡ଼ିଶାରେ ନାଜିବାଦ ଓ ଫାସିବାଦର ଶାସନ ଚାଲିଛି ।
ନାଥୁରାମ ପନ୍ଥି ଆର.ଏସ୍.ଏସ୍.ମୁଖ୍ୟ ମୋହନ ଭାଗବତଙ୍କୁ ଛାତ୍ର କଂଗ୍ରେସ ସଭାପତି ଓ କର୍ମକର୍ତ୍ତାମାନେ କଳା ପତାକା ପ୍ରଦର୍ଶନ କଲେ । ଯାହା ଏକ ଗଣତାବିକ ରାଷ୍ଟ୍ରରେ ସେଭଳି ଦଣ୍ଡନୀୟ ନୁହେଁ । ମାତ୍ର ମୋହନ ସରକାର ଏହାକୁ ହଜମ କରିପାରିଲେ ନାହିଁ । ଏଠି ଗାନ୍ଧୀ ହତ୍ୟାକାରୀଙ୍କ ସରକାର ଚାଲିଛି । ମୋହନ ଭାଗବତ ରାଷ୍ଟ୍ରନାୟକ ମାନଙ୍କର ତ୍ୟାଗ ଓ ତୀତିକ୍ଷାକୁ ଅବମୂଲ୍ୟାୟନ କରୁଛନ୍ତି । ୧୯୪୭ ମସିହାର ଭାରତ ସ୍ୱାଧୀନତାକୁ ସ୍ୱୀକାର ନ କରି ରାମ ମନ୍ଦିର ପ୍ରତିଷ୍ଠା ପରେ ଭାରତ ସ୍ୱାଧୀନତା ହେଲା ବୋଲି ଘୋଷଣା କରିଛନ୍ତି ।
ଏହି ଗୈରିକ ସଂଗଠନ କହୁଛି ଯେ, ୧୯୪୭ ମସିହାର ସ୍ୱାଧୀନତା “ଭିକ୍ଷାର ସ୍ୱାଧୀନତା” ଅର୍ଥାତ ଗାନ୍ଧୀଙ୍କର ଅତୁଲ୍ୟ ଅବଦାନ, ନେହେରୁଙ୍କ ୯ ବର୍ଷର ଜେଲ୍ଦଣ୍ଡ, ପଟେଲ, ସୁଭାଷ, ଗୋପବନ୍ଧୁ ଓ ମହତାବଙ୍କ କାରବରଣ ଓ ସଂଘର୍ଷ ଓ ଲକ୍ଷ୍ମଣ ନାୟକ ପ୍ରଭୃତିଙ୍କ ଫାସି ବଦଳରେ ଯେଉଁ ସ୍ୱାଧୀନତା ମିଳିଛି ତାହା କ’ଣ ଭିକ୍ଷାର ସ୍ୱାଧୀନତା? ଦେଶକୁ ସ୍ୱାଧୀନ କରିବାକୁ ହଜାର ହଜାର ସ୍ୱାଧୀନତା ସଂଗ୍ରାମୀ ଜୀବନ ଦାନ ଦେଇଛନ୍ତି । ମାତ୍ର ସେମାନଙ୍କର ତ୍ୟାଗର ମୂଲ୍ୟ ମୋହନ ଭାଗବତଙ୍କ ପାଖରେ କିଛି ନାହିଁ ।
ସୁତରାଂ ନିଜର ପତିଆର ବୃଦ୍ଧି ପାଇଁ ଜାତିର ଜନକ ମହାତ୍ମା ଗାନ୍ଧୀ, ନେହେରୁ ଓ ସ୍ୱାଧୀନତା ସଂଗ୍ରାମୀଙ୍କୁ ବାରମ୍ବାର ଅପମାନିତ କରିଥିବା ମୋହନ ଭାଗବତଙ୍କୁ ଛାତ୍ର କଂଗ୍ରେସ କଳା ପତାକା ପ୍ରଦର୍ଶନ କଲା । ନିଜ ପଦ ବଞ୍ଚାଇବା ପାଇଁ ଏବଂ ମୋହନ ଭାଗବତଙ୍କୁ ସନ୍ତୁଷ୍ଟ କରିବା ପାଇଁ ଓଡ଼ିଶାର ମୁଖ୍ୟମବୀ ମୋହନ ମାଝୀ ଛାତ୍ର କଂଗ୍ରେସ ସଭାପତିଙ୍କୁ ଜେଲ ପଠାଇଛନ୍ତି । ଓଡ଼ିଶାରେ ଆଇନ ଶୃଙ୍ଖଳା ପରିସ୍ଥିତି ସାଙ୍ଘାତିକ ଦୂରାବସ୍ଥା ହୋଇଥିବାବେଳେ ମୋହନ ସରକାରଙ୍କ ଏଥିପ୍ରତି ଚିନ୍ତାନାହିଁ ।
ଓଡ଼ିଆ ଅଫିସର ବୌକୁଣ୍ଠ ପ୍ରଧାନଙ୍କୁ ନ୍ୟାୟ ଦେଇପାରିଲେ ନାହିଁ । ଓଡ଼ିଶାର ଆଦିବାସୀ, ଦଳିତ, ମୁସଲମାନ, ଖ୍ରୀଷ୍ଟିଆନ ଓ ବିଶେଷ କରି ମହିଳା ଏବେ ଅତି ଅସୁରକ୍ଷିତ ଅବସ୍ଥାରେ ଥିବାବେଳେ ସେ ଚିନ୍ତା ମୁଖ୍ୟମବୀ ମୁଣ୍ଡରେ ନାହିଁ । କିନ୍ତୁ ଗଣତାବିକ ଉପାୟରେ କଳା ପତାକା ପ୍ରଦର୍ଶନ କରିଥିବା ଉଦିତ୍ ପ୍ରଧାନଙ୍କୁ ଜେଲରେ ଭର୍ତ୍ତି କରି ମୁଖ୍ୟମବୀ ନିଜକୁ ନିଜେ ବାହାବାହା ନେଉଛନ୍ତି । ଉଦିତ୍ ପ୍ରଧାନ ଏବଂ ଅନ୍ୟଛାତ୍ର ନେତାମାନଙ୍କୁ ଖଲାସ ନ କରିବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଛାତ୍ର କଂଗ୍ରେସ ପକ୍ଷରୁ ଚେତାବନି ଦେଇଛନ୍ତି ।
ଏହି କାର୍ଯ୍ୟକ୍ରମରେ ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ , ଜୟଦେବ ଜେନା, ଜଗନ୍ନାଥ ପଟ୍ଟନାୟକ, ଦେବାଶିଷ ପଟ୍ଟନାୟକ , ୟାସିର ନୱାଜ, ରଞ୍ଜିତ ପାତ୍ର, ସୁଦିପ ସାମଲ, ବିଶ୍ୱଜିତ ଦାସ, ଚୁନୁ ସିଂ, ଅଜୟ ସାହୁ, ନିହାର ବେହେରା, ସ୍ୱାଗତ କର, ବଟକୃ୩⁄୪ ରାଉତରାୟ, ଗୋପନ ମାର୍ଥା, ସତ୍ୟଜିତ ପଟ୍ଟନାୟକ, ପ୍ରକାଶ ଜେନା, କିଶୋର ଜେନା, ବିଶ୍ୱଭୂଷଣ ମହାପାତ୍ର, ଆଲୋକ ଦାସ, ସୁବ୍ରତ ମହାପାତ୍ର, ମହ୧ଦ ପରଭେଜ୍, ମହ୧ଦ ଗୁଲଫାମ୍, ବଳରାମ ନନ୍ଦ, ରାହୁଲ ମହାନ୍ତି, ସୁରଜ ରାଉତ, କେଦାର ଦଳେଇ, ଜୟଶ୍ରୀ ପାତ୍ର, ପ୍ରଣତି ମିଶ୍ର, ମନୋରଞ୍ଜନ ଦାଶ, ଗଣେଷ ଦାସ, ଆଶିଷ ମଲ୍ଲିକ, ପ୍ରଶାନ୍ତ ଚମ୍ପତି, ସୌମେନ୍ଦ୍ର ମହାନ୍ତି, ସେକ୍ ତାକ୍ୟୁନ୍, ପ୍ରଶନ୍ନ ନାୟକ, ସ୍ନେହାପ୍ରଭା ଜେନା, ମାମିନା ବେହେରା ଓ ପ୍ରଶନ୍ନ ପାଇକରାୟ ପ୍ରମୁଖ ଅଂଶ ଗ୍ରହଣ କରିଥିଲେ ।
