୩୧ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍) ବାଙ୍କୀ :- ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟ ଭୂଗୋଳ ବିଭାଗ ଆନୁକୁଲ୍ୟରେ ‘ମହାକୁମ୍ଭମେଳା ଏକ ସାଂସ୍କୃତିକ ବିଶ୍ଳେଷଣ ଓ ତାତ୍ପର୍ଯ୍ୟପୂର୍ଣ୍ଣ’ ଶୀର୍ଷକ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ଏହି ଆଲୋଚନାଚକ୍ରରେ ବିଭାଗୀୟ ମୁଖ୍ୟ ଅଧ୍ୟାପକ ଅରିଜିତ୍ ମିଶ୍ର ସଭାପତିତ୍ୱ କରି ଚଳିତ ବର୍ଷ ଅନୁଷ୍ଠିତ ହେଉଥିବା ମହାକୁମ୍ଭମେଳା ଭାରତର ଐତିହ୍ୟ ଓ ସଂସ୍କୃତିର ଏକ ସ୍ୱତନ୍ତ୍ର ତଥା ଗୁରୁତ୍ୱପୂର୍ଣ୍ଣ ମେଳା ଭାବେ ବର୍ଣ୍ଣନା କରିଥିଲେ ।
ମୁଖ୍ୟଅତିଥି ଭାବେ ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗଦାନ କରି ଭାରତୀୟ ସଂସ୍କୃତିରେ କାହିଁ ପ୍ରାଚୀନ ଯୁଗରୁ କୁମ୍ଭମେଳା ଆରମ୍ଭ ହୋଇଛି ଏବଂ ଚଳିତ ବର୍ଷର କୁମ୍ଭମେଳା ୧୪୪ବର୍ଷ ପରେ ଏପରି ସଂଯୋଗକୁ ମହାକୁମ୍ଭମେଳା ବୋଲି କୁହାଯାଏ କହିଥିଲେ । ମୁଖ୍ୟବକ୍ତା ଭାବେ ସଂସ୍କୃତ ଭାଷାବିତ୍ ଅଧ୍ୟାପକ ଡକ୍ଟର ଅଭିମନ୍ୟୁ ରଣା ଯୋଗଦାନ କରି ମହାକୁମ୍ଭମେଳାର ସମସ୍ତ ସାଂସ୍କୃତିକ ଦିଗ, ଐତିହ୍ୟ, ପରମ୍ପରା ଓ ସାଂସ୍କୃତିକ ଇତିହାସର ବହୁ ଉଦାହରଣ ସହ ବୁଝାଇଥିଲେ । ଏହି ପରିପ୍ରେକ୍ଷୀରେ ଛାତ୍ରଛାତ୍ରୀମାନେ ମହାକୁମ୍ଭମେଳା ତାତ୍ପର୍ଯ୍ୟ ଉପରେ ବକ୍ତବ୍ୟ ପ୍ରଦାନ କରିଥିଲେ । ଶେଷରେ ଅଧ୍ୟାପକ ଅରିଜିତ୍ ମିଶ୍ର ଧନ୍ୟବାଦ ଅର୍ପଣ କରିଥିଲେ । 
