୩୦ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍) ପୁରୀ :- ସ୍ମାର୍ଟ ମିଟର ବିରୁଦ୍ଧରେ ପୁରୀ ଓକିଲ ସଙ୍ଘ ପକ୍ଷରୁ ଗୁରୁବାରଦିନ ଆଇନଜୀବୀମାନେ ଶୋଭାଯାତ୍ରା ରେ ଯାଇ ଜିଲ୍ଲାପାଳ ଙ୍କୁ ମୁଖ୍ୟମନ୍ତ୍ରୀ ଙ୍କ ଉଦ୍ୟେଶରେ ଏକ ଦାବିପତ୍ର ପ୍ରଦାନ କରିଛନ୍ତି l ଏହି ଶୋଭାଯାତ୍ରା ସଙ୍ଘ କାର୍ଯ୍ୟାଳୟ ଠାରୁ ବାହାରି ଜିଲ୍ଲାପାଳ ଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲା l ଟାଟା ର ଉପଭୋକ୍ତା ବିରୋଧି ନୀତି ତଥା ସ୍ମାର୍ଟ ମିଟର ପ୍ରଚଳନ କୁ ସଙ୍ଘ ବିରୋଧ କରିଛି l ଚାଲୁଥିବା ମିଟରକୁ ଖରାପ୍ ଦର୍ଶାଇ ମିଥ୍ୟାରେ ମିଟର ଟ୍ୟାମ୍ଫରିଙ୍ଗର ଆଖ୍ୟା ଦିଆଯାଉଛି |ବିଦ୍ୟୁତ କମ୍ପାନୀ ର କର୍ମଚାରୀ ଜୋର ଜବରଦସ୍ତି ଘରେ ପଶିଯିବା ଅଭିଯୋଗ କରିଛନ୍ତି l
ଉପଭୋକ୍ତାଙ୍କ ବିନା ଦସ୍ତଖତରେ ଦୁବ୍ୟବହାର ଓ ଲକ୍ଷ୍ ଲକ୍ଷ୍ ଟଙ୍କା ଜୋରିମାନ ଧାର୍ଯ୍ୟ କରୁଛନ୍ତି l ବିଦ୍ୟୁତ୍ ବିଛିନ୍ନ କରିଦେଉଛନ୍ତି । ଆଭରେଜ୍ ବିଲ୍ କରିଦେଉଛନ୍ତି । ପୁରୀରେ ମିଟର ବଦଳାଇବା ବାହାନାରେ କେତେକ ଉପଭୋକ୍ତାଙ୍କ ଘରେ ସ୍ମାଟ ମିଟର ଲଗାଇଛନ୍ତି l ପୁରୀ ସହରରେ ପ୍ରି ପେଡ୍ ସ୍ମାଟ ମିଟର ବସାଇବା ପାଇଁ ଉପଭୋକ୍ତାଙ୍କୁ ବାଧ୍ୟ କରୁଛନ୍ତି l ଯାହାକି ଆଇନ ବିରୋଧି । ସ୍ମାଟ ମିଟର ପ୍ରଚଳନ ଉପଭୋକ୍ତା ବିରୋଧି । ଟାଟାପାଓ୍ବାର ସ୍ମାଟ ମିଟର ଜରିଆରେ ରିମୋର୍ଟକୁ ନିଜ ହାତରେ ରଖିବା ପାଇଁ ଚେଷ୍ଟା କରୁଛି l ଶହ ଶହ କର୍ମଚାରୀ ଛଟେଇ ହେବେ l
ଆଗୁଆ ପ୍ରିପେଡ଼ ଭାଉଚର ଦ୍ଵାରା ୫୦୦ ଟଙ୍କିଆ ଓ ୧୦୦୦ ଟଙ୍କିଆ ଭାଉଚର ପ୍ରଚଳନ କରିବେ l ଉପଭୋକ୍ତାଙ୍କ ଠାରୁ କୋଟି କୋଟି ଟଙ୍କା ଆଗୁଆ ନେଇ ବ୍ୟାଙ୍କ ରୁ ସୁଧ ଟଙ୍କା ଲାଭ ପାଇବେ l ସ୍ମାଟ ମିଟର ଲଗାଇବା ପାଇଁ ଆନୁମାନିକ ପ୍ରତି ମିଟର ପିଛା ୭୦୦୦ଟଙ୍କା ଗ୍ରାହକଙ୍କ ଠାରୁ ନେଇଯିବେ । ଏହା ସଂପୂର୍ଣ୍ଣ ଉପଭୋକ୍ତା ବିରୋଧି । ଓକିଲ ସଂଘ ଦାବୀ ମଧ୍ୟରେ ସାଧାରଣ ଘରୋଇ ଉପଭୋକ୍ତାଙ୍କର ପ୍ରଥମ ସ୍ରାବ ୧୦୦ ୟୁନିଟ ରଖାଯାଉ । ୟୁନିଟ୍ ପିଛା ବିଦ୍ୟୁତ୍ ଉତ୍ପାଦନ ଖର୍ଚ୍ଚ ଯାହା ହେଉଛି , ସେତିକି ଧାର୍ଯ୍ୟ କରାଯାଉ ।ଟାଟାପାଓ୍ବାର ଜୋରଜବରଦସ୍ତ ଘରେ ପଶି ଚାଲୁଥିବା ମିଟରକୁ ବଦଳାଇବା ଓ ମିଥ୍ୟାର ଆଶ୍ରୟ ନେଇ ମିଟର ଟ୍ୟାମ୍ପରିଙ୍ଗ କହି ଲକ୍ଷ ଲକ୍ଷ ଟଙ୍କା ଜୋରିମାନା ଆଦାୟ କରିବା ବନ୍ଦ କରୁ ।ଉପଭୋକ୍ତାବାଦ ବିରୋଧ ସ୍ମାଟ ମିଟର ତୁରନ୍ତ ପ୍ରତ୍ୟାହାର କରାଯାଉ ।
ଟିପିସିଓଡିଏଲ ର କର୍ମଚାରୀମାନେ ବିନା ଅନୁମତିରେ ଘରେ ପଶି ଉପଭୋକ୍ତା ଓ ପରିବାର ଲୋକଙ୍କୁ ଦୁବ୍ୟବହାର ପ୍ରଦର୍ଶନ କରିବା ବନ୍ଦ କରାଯାଉ । ପ୍ରତି ଗ୍ରାହକ ଙ୍କର ଲାଗିଥିବା ମିଟର ମାନ ପରୀକ୍ଷା କରି ସଂପୃକ୍ତ ମିଟର ଟେଷ୍ଟି ଅଧିକାରୀଙ୍କ ଠାରୁ ସାର୍ଟିଫିକେଟ୍ ଆଣି ଉପଭୋକ୍ତାଙ୍କୁ ଦେଇ, ଉପଭୋକ୍ତାଙ୍କ ବ୍ୟବହାର ମୁତାବକ ବିଜୁଳି ଉପରେ ଦର ନିର୍ଦ୍ଧାରଣ କରାଯାଉ ଓ ନିରବଛିନ୍ନ, ଗୁଣାତ୍ମକ ବିଜୁଳି ଯୋଗାଇ ଦିଆଯାଉ । ଟିପିସିଓଡିଏଲ ର ଆୟ ବ୍ୟୟ ସି.ଏ.ଜି. ଦ୍ଵାରା ଅଡ଼ିଟ୍ କରି, ଓ.ଇ.ଆର.ସି.କୁ ବିଧାନ ସଭା ନିକଟରେ ଉତ୍ତରଦାୟୀ କରାଯାଉ । ଜିଲ୍ଲା ଖାଉଟି ବିବାଦ କମିଶନ୍କୁ ଉପଭୋକ୍ତାମାନଙ୍କ ପାଇଁ ପୂର୍ଣକ୍ଷମ କରାଯାଉ ।
ଦାବୀ ଗୁଡ଼ିକ ସରକାର ବା ଜିଲ୍ଲା ପ୍ରଶାସନ ଅବିଳମ୍ବେ ପୁରଣ ନକରନ୍ତି ଓ ଯଦି ଚାଲୁ ଥିବା ମିଟରକୁ ବଦଳାଇ ସ୍ମାଟ ମିଟର ପ୍ରଚଳନ କରିବା ପାଇଁ ସୁପାରିଶ୍ କରନ୍ତି ତେବେ ଓକିଲ ସଙ୍ଘ ଉପଭୋକ୍ତାଙ୍କୁ ସଚେତନ କରାଇ ଭବିଷ୍ୟତରେ ଆନ୍ଦୋଳନ ପନ୍ଥା ଗ୍ରହଣ କରିବା ପାଇଁ ବାଧ୍ୟ ହେବ ବୋଲି ଚେତାବନୀ ଦେଇଛି l ପ୍ରକୃତ କ୍ଷତିଗ୍ରସ୍ତ ଉପଭୋକ୍ତାଙ୍କ ପାଖରେ ଓକିଲ ସଙ୍ଘ ଠିଆହେବା ପାଇଁ ବାଧ୍ୟ ହେବ l ଦାବୀପତ୍ର ଦେବା ସମୟରେ ଓକିଲ ସଂଘର ସଭାପତି ଆଦିତ୍ୟ ହୃଦୟ ମିଶ୍ର, ସମ୍ପାଦକ ଦୀପକ କୁମାର ଦାଶ, ଉପସଭାପତି ପ୍ରଦୀପ କୁମାର ରଥ, ଯୁଗ୍ମ ସମ୍ପାଦକ ବିଶ୍ୱଜିତ୍ ପ୍ରଧାନ, ସସ୍ମିତା ମହାନ୍ତି, କାର୍ଯ୍ୟକାରୀ ସଦସ୍ୟ ବିଶ୍ଵ ଭୂଷଣ ବାରିକି, ଭାଗବତ ପଟ୍ଟନାୟକ, ତପନ କୁମାର ବାରିକି, ଅନିଲ କୁମାର ସାହୁ, ଶରତ ରାୟଗୁରୁ, ପୁଳିନ ବିହାରୀ ଆଚାର୍ଯ୍ୟ, ନୃସିଂହ ଚରଣ ମହାନ୍ତି, ପ୍ରସନ୍ନ କୁମାର ମିଶ୍ର, ସୁକାନ୍ତ କୁମାର ପ୍ରଧାନ , ବିଭୂତି ଶଙ୍କର ତ୍ରିପାଠି,ସାରଦା ପ୍ରସାଦ ସାମଲ, କର୍ଣ୍ଣବୀର ମହାପାତ୍ର ସମେତ ଶତାଧିକ ଆଇନଜୀବୀ ଉପସ୍ଥିତ ଥିଲେ l
