୨୫ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍) କଟକ :- କଟକ ସଦର ବ୍ଲକ ଆମଣ ପଞ୍ଚାୟତର ଆମଣ ଖେଳପଡିଆ ଠାରେ ଶୁକ୍ରବାର ଠାରୁ ଆରମ୍ଭ ହୋଇଥିବା ଫୁଟବଲ ଟୁର୍ଣ୍ଣାମେଣ୍ଟର ଆଜି ଥିଲା ଉଦଯାପନ ଦିବସ । ଆମଣ ମା’ ଜୟଦୂର୍ଗା ପୋର୍ଟସ ଆଣ୍ଡ କଲଚରାଲ ଆସୋସିଏସନ ପକ୍ଷରୁ ଆୟୋଜିତ ଫୁଟବଲ ଟୁର୍ଣ୍ଣାମେଣ୍ଟରେ ୧୬ ଗୋଟି ଟିମ ଅଂଶ ଗ୍ରହଣ କରିଥିଲେ । ବିପ୍ର ଚରଣ ଭୋଳଙ୍କ ସଭାପତିତ୍ୱରେ ଆୟୋଜିତ ଫୁଟବଲ ଟୁର୍ଣ୍ଣାମେଣ୍ଟର ଫାଇନାଲ ପ୍ରତିଯୋଗିତାରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ,
କଟକ ଲୋକସଭା ସାଂସଦ ଭତ୍ତୃହରି ମହତାବ , ମୁଖ୍ୟବକ୍ତା ଭାବେ କଟକ ନଗର ବିଜେପି ଉପ ସଭାପତି ସ୍ୱାଧୀନ ଚେତା ମହାନ୍ତି , ସମ୍ମାନିତ ଅତିଥି ଭାବେ ଯୋଗ ଦେଇଥିଲେ, ପ୍ରଭିତ କୁମାର ନନ୍ଦ , ଆମଣ ପଞ୍ଚାୟତର ପୂର୍ବତନ ସରପଞ୍ଚ ପୁନାନନ୍ଦ ଭୋଇ, ବାବାଜୀ ଚରଣ ଭୋଳ ,ପୂର୍ବତନ ସମିତି ସଭ୍ୟ ରସାନନ୍ଦ ଭୋଳ । ଆମଣ ଖେଳ ପଡିଆକୁ ମିନି ଷ୍ଟାଡିୟମ କରିବା ଏବଂ ଆମ୍ବେଦକର ମିନି ପାର୍କର କାର୍ଯ୍ୟକୁ ସଂପୂର୍ଣ୍ଣ କରିବା ପାଇଁ ପୂର୍ବତନ ସରପଞ୍ଚ ପୂନାନନ୍ଦ ଭୋଇ ମୁଖ୍ୟ ଅତିଥି ସାଂସଦ ଶ୍ରୀ ମହତାବଙ୍କ ଦୃଷ୍ଟି ଆକର୍ଷଣ କରିଥିଲେ ।
ମୁଖ୍ୟ ଅତିଥି ସାଂସଦ ଭତ୍ତୃହରି ମହାତାବ ଉପସ୍ଥିତ ଗ୍ରାମବାସୀ ଏବଂ କ୍ରୀଡାବିତ୍ ମାନଙ୍କୁ ମିନି ଷ୍ଟାଡିୟମ କରଯିବା ପାଇଁ ପ୍ରତିଶ୍ରୁତି ଦେଇଥିଲେ । ଏହି ଉଦଯାପନି ଉତ୍ସବରେ ଅନୁଷ୍ଠାନର ସଭାପତି ନିରଞ୍ଜନ ବେହେରା, ସଂପାଦକ ଲକ୍ଷ୍ମୀଧର ଭୋଳ , କାଳନ୍ଦି ଭୋଇ, ଦୟାନିଧି ବେହେରା,ବୁଲବୁଲ ଭୋଇ ପ୍ରମୁଖ ଯୋଗଦେଇ ଦୀର୍ଘ ବର୍ଷ ଧରି ହୋଇ ଆସୁଥିବା ଫୁଟବଲ ଟୁର୍ଣ୍ଣାମେଣ୍ଟ ସଂପର୍କରେ ସୂଚନା ଦେଇଥିଲେ । ଉଦଯାନି ଉତ୍ସବର ଫାଇନାଲ ଖେଳ ଗଣ୍ଡରପୁର ଭର୍ସେସ ପ୍ରତାପନଗରୀ ମଧ୍ୟରେ ଅନୁଷ୍ଠିତ ହୋଇଥିଲା ।
ଉଭୟ ଖେଳାଳୀ ନିର୍ଦ୍ଧାରିତ ସମୟ ମଧ୍ୟରେ କେହି କାହାରିକୁ ଗୋଲ ଦେଇ ନପାରିବାରୁ ଟ୍ରାଇବେକର ପଦ୍ଧତିରେ ମ୍ୟାଚ ଶେଷ କରାଯାଇଥିଲା । ଟ୍ରାଇବେକର ଗୋଲ ଜରିଆରେ ଭୁବନେଶ୍ୱର ର ଗଣ୍ଡରପୁର ଚଳିତ ବର୍ଷ ଆମଣ ଜୟଦୂର୍ଗା ପୋର୍ଟସ ଆଣ୍ଡ କଲଚ୍ୟୁରାଲ ଫୁଟବଲ ଟ୍ରଫି ଚମ୍ପିୟାନ ହୋଇଥିଲା ବେଳେ କଟକ ପ୍ରତାପନଗରୀ ଟିମ ରନର୍ସ ହୋଇଥିଲା ।
ଉଭୟ ଟିମକୁ ଅତିଥି ମାନେ ନଗଦ ଅର୍ଥ ସହ ଚମ୍ପିୟାନ ଟ୍ରଫି ଏବଂ ରନର୍ସ ଟ୍ରଫି ପ୍ରଦାନ କରିଥିଲେ । ଏହି ଫୁଟବଲ ଟୁର୍ଣ୍ଣାମେଣ୍ଟକୁ ଦେଖିବି ପାଇଁ ଆଖପାଖ ଅଞ୍ଚଳର ପ୍ରବଳ ଲୋକଙ୍କ ଭିଡ଼ ଲାଗିଥିଲା । ଟୁର୍ଣ୍ଣାମେଣ୍ଟକୁ ପରିଚାଳନା କରିବାରେ ଆମଣ ଜୟଦୂର୍ଗା ପୋର୍ଟସ ଆଣ୍ଡ କଲଚୁରାଲ ଆସୋସିଏସନର ସମସ୍ତ ସଦସ୍ୟ ସହଯୋଗ କରିଥିଲେ ।
