୨୪ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍) ପୁରୀ :- ଶ୍ରୀମନ୍ଦିର ପ୍ରଶାସନର ଅଧିକାରୀ ତଥା କର୍ମଚାରୀମାନେ ଆଜି ଶୁକ୍ରବାର ହସ୍ତତନ୍ତର ଲୁଗା ପିନ୍ଧି କାର୍ଯ୍ୟାଳୟ ଆସିଛନ୍ତି । ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଆହ୍ବାନକ୍ରମେ ସମସ୍ତ କର୍ମଚାରୀ ଏହି ପରାମର୍ଶକୁ କାର୍ଯ୍ୟକାରୀ କରିଛନ୍ତି ।
ଶ୍ରୀମନ୍ଦିର ପ୍ରଶାସନର କର୍ମଚାରୀଙ୍କ ପାଇଁ ପଞ୍ଚସୂତ୍ରୀ କାର୍ଯ୍ୟାବଳୀ ଅନ୍ତର୍ଗତ ଦିଆଯାଇଥିବା ଏହି ପରାମର୍ଶକୁ ସମସ୍ତ କର୍ମଚାରୀ ଗ୍ରହଣ କରି ପୋଷାକ ପରିଧାନ ପୂର୍ବକ ରାଜ୍ୟର ପାରମ୍ପରିକ ହସ୍ତତନ୍ତ ତଥା ବୁଣାକାରଙ୍କୁ ସମ୍ମାନ ପ୍ରଦର୍ଶନ କରିଛନ୍ତି । ଏଥିପାଇଁ ଶ୍ରୀମନ୍ଦିର ମୁଖ୍ୟ ପ୍ରଶାସକ ସମସ୍ତ ଅଧିକାରୀ ତଥା କର୍ମଚାରୀଙ୍କୁ ଧନ୍ୟବାଦ ଅର୍ପଣ କରିଛନ୍ତି ।
